الموضوع: لو سمحتوا شوروا عليا في الوظيفة المناسبة لظروفي

حضرتك مش كاتبه معلومات كفايه عن كل وظيفه لكن بوجه عام كشغل السيدات فى السعوديه مطلوب ان الشغل يوفرلك وسيله مواصلات من بيتك لأن حركه السيدات مش سهله وغير مسموح ليهم بالقياده.
بردو لازم تختارى الشغل اللى يناسب قدارتك وفى نفس الوقت تكونى حاسه انك ممكن تدى فيه.
أخير عليكى بصلاه الأستخاره وربنا يوفقك.

المشاركة الأصلية كتبت بواسطة shiko85

وعليكم السلام ورحمة الله وبركاته
المشكله بتاعت حضرتك حلها المواجهه مش ان حضرتك تدورى على وظيفه بدون اتصال او تفاعل مباشر مع الناس

لو هقدر كنت هواجه انا فعلا مش هقدر اواجه , أنا مش عايزة حل للمشكلة عايزة اتلافاها خالص

عايزة وظيفة مفهاش تواصل خالص وبكدا مش هعرض نفسي للمشكلة من أصله

المشاركة الأصلية كتبت بواسطة far!d

انا شايف مشكلتك مشكله فيكي انت مش الوظائف
لان عندك رهاب من الغرباء
يا تجمدي قلبك شويه
يا تشوفي شغله من البيت عن طريق النت

مش فيا في الناس
أنا عارفة إن عندي مشكلة بس هيا مجرد ردة فعل
ومش كل الناس بس اللي بيكلمني بشكل سلبي

بخصوص الشغل اللي عن طريق النت ممكن حضرتك تديني تفصيل اكتر عنه ؟ وكل الشكر لحضرتك

المشاركة الأصلية كتبت بواسطة omar101970

حضرتك مش كاتبه معلومات كفايه عن كل وظيفه لكن بوجه عام كشغل السيدات فى السعوديه مطلوب ان الشغل يوفرلك وسيله مواصلات من بيتك لأن حركه السيدات مش سهله وغير مسموح ليهم بالقياده.
بردو لازم تختارى الشغل اللى يناسب قدارتك وفى نفس الوقت تكونى حاسه انك ممكن تدى فيه.
أخير عليكى بصلاه الأستخاره وربنا يوفقك.

الوظيفة الأولى كانت هتكون استلام ابحاث وتسليم الباحثة كود تتابع بيه وأنا هبعتها للمراجعين و هسلمهم النتيجة يعني هكون في الوش
بالإضافة لتحويل بعض الإحصائات لشكل يقراه الجهاز وإدخال بيانات الباحثة
مرتبها 6800 - وكان مقرر استلمها الأحد اللي فات -ومرحتش

التسويق - فيه عربية وسائق والمرتب 5000 مع نسبة
تسويق منتجات الشركة على مراكز التجميل لحد دلوقتي ممكن أستلمها
فيها سائق و حضانة بس زي ماقلت عيوبها إني عندي شهادة في تخصص مختلف و المراكز اللي هروحها معرفهاش وفيها مواجهة - لما قدمت مكنش عندي كل التحفظات دي

مركز المعاقين في صميم تخصصي والمرتب 9000 لإنه شامل النسبة 30% بدل تربية خاصة ولكن مشكلته زي ماقلت إني بحثت ولقيت عن المنتجع اللي المركز فيه كلام مش مريح
ومش عارفة المركز هيكون له علاقة بالمنتجع ولا لا وخصوصا اني مترددة لإني لو روحت وحد بحث في النت ممكن يقول المركز سيء زي المنتجع فكنسلت

الخلاصة إن كل الوظائف بيطلع فيها عيب يخليني مش قادرة اروح
ومحتارة بجد
نفسي آلاقي وظيفة عن بعد أو شيء مفهوش تواصل خالص مع حد

المشاركة الأصلية كتبت بواسطة far!d

فيه شركات مثلا تقبل العمل على النت
زي البورصه او الفوركس
او مثلا اداره مواقع زي مواقع تجميع الأخبار
و كله بالعلاقات

كل الشكر لحضرتك على إقتراحك


أنا فعلا بحثت عن موضوع المواقع دا بس لقيت إن صعب أوصل لإدارة *موقع كوظيفة

وكمان بحثت عن موضوع التسويق ولقيت إن التسويق عن طريق النت مش مربح خالص

البورصة والأمور المتعلقة بالأموال مفهمش فيها خالص وبحس إنها مش واقعية

هل فيه وظيفة تابعة لشركة حقيقية بدل ما أروح مكتب أعمل شغلي من البيت
هل دا موجود ولا صعب آلاقي وظيفة كدا