هاى يا شباب انا اول مره اشارك فى المنتدى الرائع وعندى مشكله
انا عندى التو مو 2008 وهى سياره جميله اوى اوى و مريحانى جدا بس انا كنت عملت حادثه بيها و الحكد لله قدر الله و ماشاء فعل بس طبعا الباب عندى الشمال و الرفرف الشمال اتعجنوا والمرايا الشمال اتكسرت مع الفليشر
انا عملت العربيه بره التوكيل وبقت تمام بس مش عارف اجيب المرايا منين هى و الفليشر ؟ افيدونى افادكم الله:helpsmilie::helpsmilie::helpsmilie:
ولا اراكم الله مكروه فى سياره لديكم
بصى يا سيدى اولا الحمد لله على سلامتك انا اعرف توكيل محمد حسنى اللى فى روض الفرج وده موزع معتمد 100% لسوزوكى وكمان فتح فرع لقطع الغيار جنبيه على طول اول ما تنزل من كوبرى الساحل هتلاقيه على ايدك اليمين على طول او انزل عند دوران شبرا واسأل على محمد حسنى الف من هيدلك عليه وكمان انا كده كده نازل انهارده هناك هاخد عنوانهم بالظبط وارقام تليفوناتهم وهكتبهالك فى رد جديد إن شاء الله ..
اخوك يوسف
:thumbsup: الف الف شكر ليك و على ردك يا اخ يوسف
انا عارف العنوان وهروح إن شاء الله
والف شكر ليك يا باشا بس هما بيفتحوا الجمعه ولا لأ
وشكرا على ردك
تقريبا بيفتحو يوم الجمعة
خلاص انا هنزل دلوقتى وعلى ضمنتك ههههههه
جزاك الله كل خير
عاوزين نعرف اشتريت الاكسسوارات و لا لسة ؟ و اسعار قطع الغيار اية ؟؟
الفانوس امامى ب 400ج
كابود 1200 ج
اكصدام خلفى ب 650 ج
اسعار التوكيل للالتو 2008
لسه مركبينهم الاسبوع ده
يا جماعه الاسعار فى التوكيل غاليه نااااااااار انا رحت قبل كده غيرت مروحه التبريد بس الريش بس مش الجهاز كانت ب 130 جنيه والله العظيم و دلوقت سعرها بره التوكيل اليابانى 30 جنيه و الهندى 25 جنيه و على فكره لسه مفيش اكسسوارات ليها فى السوق انا متابع اوى الموضوع ولو حد عنده اى اخبار عن اى محل اكسسوار او قطع غيار اسعارها مناسبه يريت يدلنا عليه
محل في التوفيقية
فعلا ... اللي عايز قطع غيااااار ... التوكيل اخر مكان تفكر فيه
ده غير انك اصلا ممكن ماتلاقيهاش في التوكيل
انا عندي الاكصدام الامامي اتشرخ...
رحت اغيره لاقيته ب 750 جنيه :)
للعلم فقط
يا جماعه انا عندى شرخ فى الاكصدام الامامى وعايزه اغيره عايزه اعرف سعره كام ولو فى محلات قطع غيار غير التوكيل ارخص فين وسعره بره التوكيل كام وشكرا
طبعاً التوكيل لالالالالالالالا ممكن تجديه فى التوفيقيه عند سوزوكى سنتر أو بعض الماروتيه هنا قالوا فى احمد حلمى ، أنا مشفتش احمد حلمى لكن رحت عند اللى فى التوفيقيه .اقتباس:
المشاركة الأصلية كتبت بواسطة tamtoma