الموضوع: كيا سبورتاج ٢٠١٥ ام اوبل استرا كوزمو ٢٠١٤

أسترا كوزمو طبعا ... ليه ؟
-أولا ألماني
-ثانيا اعتمادية عالية
-ثالثا أحسن في كل حاجة من السبورتاج
-رابعا ماتحطش كل المبلغ ده في عربية كوري
-خامسا واحد صديق عزيز اتقلب بالسبورتاج و الايرباج فتحت و هو كان شادد حزام الأمان و ماعرفش يفكه مات مخنوق جواها
-سادسا الأسترا كشكل روعة و شكلها لسة جديد ... خلاص الناس اتعودت علي شكل السبورتاج
-سابعا عن تجربتي للعربيتين لو انت قصدك الأسترا ديه هي الفئة اللي فيها تربو يبقي يا بختك يا عم
-ثامنا السبورتاج بحسها بطة بلدي جنب الكوزمو
علي فكرة الرأي ده فيه تحيز بالنسبة للأوبل و أنا معترف بكدة و لو حضرتك فاضي ممكن أكرهك في السبورتاج بما فيه الكفاية
-تاسعا : الأسترا فيها ESP و ده كفيل بإنه ينقذك من موت مؤكد (بعد الشر طبعا )
-عاشرا : ممكن تحط في الاعتبار كورولا أو سكودا a7 و انزل اتفرج عليهم هتتكيف جامد و علي فكرة الكورولا فيها الفئة اللي هي ب 185 ( التانية أوتو ) روعة و كاملة و فيها أوتو بارك و فيه عندك قاشقاي أرشحهالك عن السبورتاج لو حضرتك مصمم علي SUV أو ممكن سيفيك الجديدة ... بقت روعة بعد ما عدلوا خلوصها عن الأرض و أضافوا ليها الESP و ممكن برضه السوبارو XV أو impreaza لأنهم الاتنين أروع من بعض و فيهم VSC و تقريبا زي بعض بس واحدة سيدان و التانية SUV ... المهم تبعد تماما عن السبورتاج و أتمني محدش من ملاكها يزعل مني بس الكلام ده عن تجربة و أتمني أكون قدمت مساعدة متواضعة لحضرتك و الله ولي التوفيق

المشاركة الأصلية كتبت بواسطة mohamed.hany

تعديل بسيط جدا ان الاسترا بولندي مش الماني ،

و اتفق جدا مع حضرتك ممكن ينزل يشوف الكورولا و السكودا

سيدي أنا أسف علي الخطأ غير المتعمد و أنا فعلا اتأكدت إن الأسترا بولندي و بكرر اعتذاري مرة أخري و لكن هل هي تجميع بولندي و لا صناعة بولندي بالكامل ؟!

الاسترا تجميع بولندي . الشاسيه بيتجمع عالبودي و الابواب و الفرش ة التابلوه و الحاجات دي . لو. فتحت الكبوت حتلاقي حاجات كتير الماني من بوش . زي الكورولا مش صناعة تركي تقفيل بس برده الدليل علي كده ان الاسترا الهاتشباك اول ما نزلت كانت تقفيل الماني و خاماتها الداخلية الماني بعد ما نقلوا التجميع لبولندا برده الخامات الداخلية و قطع الغيار الماني. عامة التقفيل البولندي لا يقل عن الالماني ال ٢ تقفيل اتحاد اوروبي.مهوش جنوب أفريقي ولا تايلندي ولا كوري!

كرأي ليس الا بميل للكيا

المشاركة الأصلية كتبت بواسطة eng.mark

أسترا كوزمو طبعا ... ليه ؟
-أولا ألماني
-ثانيا اعتمادية عالية
-ثالثا أحسن في كل حاجة من السبورتاج
-رابعا ماتحطش كل المبلغ ده في عربية كوري
-خامسا واحد صديق عزيز اتقلب بالسبورتاج و الايرباج فتحت و هو كان شادد حزام الأمان و ماعرفش يفكه مات مخنوق جواها
-سادسا الأسترا كشكل روعة و شكلها لسة جديد ... خلاص الناس اتعودت علي شكل السبورتاج
-سابعا عن تجربتي للعربيتين لو انت قصدك الأسترا ديه هي الفئة اللي فيها تربو يبقي يا بختك يا عم
-ثامنا السبورتاج بحسها بطة بلدي جنب الكوزمو
علي فكرة الرأي ده فيه تحيز بالنسبة للأوبل و أنا معترف بكدة و لو حضرتك فاضي ممكن أكرهك في السبورتاج بما فيه الكفاية
-تاسعا : الأسترا فيها esp و ده كفيل بإنه ينقذك من موت مؤكد (بعد الشر طبعا )
-عاشرا : ممكن تحط في الاعتبار كورولا أو سكودا a7 و انزل اتفرج عليهم هتتكيف جامد و علي فكرة الكورولا فيها الفئة اللي هي ب 185 ( التانية أوتو ) روعة و كاملة و فيها أوتو بارك و فيه عندك قاشقاي أرشحهالك عن السبورتاج لو حضرتك مصمم علي suv أو ممكن سيفيك الجديدة ... بقت روعة بعد ما عدلوا خلوصها عن الأرض و أضافوا ليها الesp و ممكن برضه السوبارو xv أو impreaza لأنهم الاتنين أروع من بعض و فيهم vsc و تقريبا زي بعض بس واحدة سيدان و التانية suv ... المهم تبعد تماما عن السبورتاج و أتمني محدش من ملاكها يزعل مني بس الكلام ده عن تجربة و أتمني أكون قدمت مساعدة متواضعة لحضرتك و الله ولي التوفيق

ياباشا طبعاً انا شاكر جداً للنصيحة بس انا حاسس انك متحامل حبتين علي السبورتاج مع انها محققة مبيعات ولا في الخيال والريسيل بتعها وهمي وده اكيد حاجة مش مستخبية ، وانا طبعاً كنت متأكد من الاول انها مقارنة فيها ظلم شوية عشان بقارن كوري بالماني بس اللي انا شايفه ان الكوري دلوقتي بقي سهمه في العالي لعدة مميزات اولها الريسيل زي مقولتلك في البداية وطبعاً قطع الغيار المتوفرة بشدة غير ثمنها اللي اقل من الالماني طبعاً
طبعاً حضرتك ممكن تقول مدام انت مقتنع اوي كده بالسبورتاج متروح تجيبها ومتوجعش دماغنا