صيانة ال 5000 لرينو سانديرو الشكل القديم
السلام عليكم
بعد استلامي للعربية من تلت شهور وصلت لل5000 كيلو و طبعا قررت اروح اعمل الصيانه الدورية بتاعتها خصوصا اني بدأت احسن ان العربية ماعدتش زي اول ما جبتها
المهم رحت لمركز العدوي في طنطا
كنت هناك الساعة 9.00 صباحا
كانو لسا بيفتحو المركز اول ما وصلت طبعا دخلت جوة في و خدو مني بيانات العربية و لو فيه اي تعليقات مني على العربية و انا كنت فعلا حاسس ان العربية فيها (هبده ) عند الكاوتش الامامي يمين
طلعت انا و الميكانيكي جربنا العربية و كانت الهبده واضحه فعلا
بعدها بدأ يكشف على السوائل بتاعة العربية و رفعها و ربط العفشه و كشف على الفرامل و التيل و ضغط الكوتشات
و بعد ما خلص نزلها و جربناها تاني
الملحوظ بأه بعد الصيانه
العربية نشفت حبتين عن الاول
الفرامل بقت على الشعره و اصبحت احسن من الاول كتير
فرامل اليد اصبحت بتكلبش العربية بعد تكتين بس
الهبده اختفت الحمد لله ( العفشه كانت سايبه حبتين و هو دا كان السبب بس انا مش فاهم هي مابتكونش متربطه كويس ليه من الاول؟؟؟؟؟ ولا دا الطبيعي يعني؟ )
حاسس برعشه في الدبرياج هل دا طبيعي؟؟؟؟؟؟؟؟؟؟
و عموما الاحساس الغريب اللي كان في العربية اختفى اللهم الا انها بقت انشف حبتين
و حاسس ان العربية اصبحت احسن و خصوصا في الفرامل
بس انا قلقان من الهزة اللي الدبرياج
فهل الهزة دي طبيعية ولا ارجعلهم تاني؟؟؟؟؟؟؟؟؟؟؟؟؟؟