أنا محتار أشترى أى نوع من الثلاثة....لو سمحت حد يدلنى
عرض للطباعة
أنا محتار أشترى أى نوع من الثلاثة....لو سمحت حد يدلنى
عايز نصيحتى حطهم فى البنك لحد لما نشوف الدنيا رايحة على فين :funny34d:
صنى 2009 .. العربية دى تجميع محلى وسعرها ثابت مهما حصل فى جمارك أو بورضة
أضمن اختيار من بين الثلاثة ... لكن الأوبترا جيدة جدا ...
نيسان صنى 2009 أحنا لسه مستلمين واحده النهارده exسوداء فرش بيج ما شاء الله عليها وده طبعا بعد استخاره وبحث ومقارنات ووووووووووووووووووووو لحد ما فى الأخر أستقرينا عليها بس نصيحه بلاش الأوبترا لكن الكيا سيراتو كويسه جدا
دي اوتوماتيك ولا مانيوال وسعرها بقي كام ولازم الفصال في السعر ولا ايه
استنىشوية لغاية السوق ما يبان له معال
لان الوضع الحالى مش باين اى حاجة
و كلها ايام
الصني عربيه حلوه و ادائها ممتاز لكنها ضيقه جدا و تقفيلها مش قد كده و اكيد الاتوماتيك منها احسن اختيار لو مش هتفرق معاك العيوب دي انما لو عايز مانيوال برشحلك السيراتو
اولا اسأل الله ان يهديه للخير
ثانيا انتا عملت الخير فلا خاب من استشار
ثالثا احنا تحت امرك
رابعا انا معايا العربيه لسه ماعملتش 10,000كم
بس والله ماندمت على اختيارى العربيه بجد محترمه بص يا اخويا عربيه يابانى
عاليه عن الأرض انا كنت محمل فيها من ورا 3 من الحجم التقيل وواحد ادام من نفس العينه وانا مركب عتب فيبر للعربيه زى الى بينزل مع الانسر واكلت بيها مطبات ووالله ما لمست الأرض
توكيل اكتر من محترم انا روحت السبع ويونايتد
كل مره بروح الاقى التوكيل بيتصل بيه بعد يومين يساألنى العربيه عامله معك ايه بعد الصيانه مره اشتكيت للسبع ان فيه مشكله عندى بعد الصيانه والله اعدوا يتأسفولى ويستسمحونى انى ارجعلهم علشان يعملوا العربيه ولما رجعتلهم كان هاين عليهم يشيلونى من على الأرض شيل وانا مشكلتى ان دمعتى قريبه فا من المعامله الكويسه بتاعتهم كنت هاعيط
وبعد ماتروح توكيل الصيانه تلاقى شركة نيسان الأم فى مصر بيتصلوا بيك ويسألوك على مستوى الخدمه فى التوكيل واسلوب المعامله
انا ماسمعتش عن احترام زى دا فى مصر فا دى حاجه تطمنك
انتا هاتسمع انتقادات كتيره للعربيه من عيوب تقفيل ووووووووووووووووو
كلها حوارات وادعاءات ما انزل الله بها من سلطان الى بينتقد العربيه بينسى انه بيتكلم عن عربيه يابانى بتوكيل محترم بسعر 86000جم للمانيوال
يعنى مش بربع مليون ولا حاجه اقرب عربيه يابانى مثلا مانيوال هيه الانسر الفاضيه ب 104000 وكمان مافيهاش ايرباج فراملها عاديه مش ABS بل ان الصنى فيها ايرباج للسائق وثباتها اعلى من الانسر وعزلها افضل بكتيير من الانسر وكوتشها بريدجيستون افضل من الى نازل مع الانسر
نيجى لنفس السعر تقريبا نلاقى ان اقرب حاجه الكيا السيراتو ودى كمان اغلى من الصنى وعربيه كورى وصاجها والله ورق
الأوبترا بتاعت منى زكى برده كوري وغووول بنزين انا معايا عربيتى مانيوال بتعمل على الطوالى بسرعة 130كم|س بتعمل 250كم /صفيحه
عندك الجين 2 كل الناس بتشكر فيها بس مازال اقتناء عربيه ليس لها تاريخ وغير واسعة الأنتشار مغامره غير محسوبه
وفى النهايه انا اسف انى طولت عليك
بس انا حبيت اخدم واستعن بالله ودى وجهة نظرى الى محتمل انها تكون غلط
وربنا يهديك للى فيه الخير
وبرده عندى ليك نصيحه اصبر شويه بسيطه لأن من كلام موثوق منه النيسان فى مصر هاتنزل موديلات 2009 بامكانيات جديده وبشكل جديد اهم شئ وجود الabs فى الex ,super Salone
وشكل الفوانيس هايتغير هايبقى زى الانسر البومه
فأكيد سعر القديم لازم ينزل
الكلام دا انا جايبه من مهندس صيانه فى توكيل ما للنيسان
وهوه قالى انه شاف العربيات الجديده فى مصنع نيسان مصر وهما دلوقتى بيدربوهم على العربيات الجديده
والله المستعان
وابقى بلغنا بأخر الأخبار علشان نباركلك
وربنا يباركلك مقدما
بص على اللينك ده يمكن تستفيد حاجه
http://www.nilemotors.net/Nile/showthread.php?t=59903