هو الكلام دة صح ( راتب"السائق" 20ألف جنيه.. ورئيس البنك 42ألفا)

**al_manara** · 27-06-2014 11:15 PM

السلام عليكم
هل الكلام دة صحيح فعلا . يعني في ناس في البنوك بتاخد المرتبات دي ؟

جزء من الموضوع

وعلى سبيل المثال، يتقاضى سائق رئيس أحد البنوك العامة راتبًا شهريًا قدره 15 ألف جنيه يرتفع لسائق آخر إلى 20 ألف جنيه، ويتقاضى رئيس البنك الذى يعمل به 140 ألف جنيه شهريًا، وبعد تطبيق الحد الأقصى للأجور بالبنوك، يتم خفض راتب رئيس البنك إلى 42 ألف جنيه شهريًا ولا يتم المساس بأجر السائق الذى سيصل إلى نصف راتب رئيس البنك.

http://www1.youm7.com/News.asp?NewsI...0#.U63OrfmSy3A

**naser_56** · 27-06-2014 11:22 PM

ما تعرفش السواق بتاع مدير البنك محتاج سواق ولا لا

**Forever.Leo** · 27-06-2014 11:29 PM

انا قريت الخبر ده .. و مندهش من حكاية السواق ابو عشرين الف جنيه ! .. يعنى انا ممكن افهم ان فيه سواق لشخصيات مستهدفة .. مدرب تدريب خاص على قيادة السيارات المصفحة و المناورة و التعامل بالسلاح .. ممكن يوصل لمرتب زي ده .. انما سواق من البيت للشغل ؟! .. المهم في الموضوع ده .. انه بيتكلم عن ان كفاءات البنوك هتهاجر برة مصر .. هل فعلا فيه كفاءات تستحق اعلى من الحد الاقصى .. طيب لو يستاهلوا .. الدولة تعمل ايه .. الاستثناء ؟ .. كده مش هتعرف تطلع قانون اجور ملزم ؟ .. و اكيد فيه قطاعات تانية بالدولة هتعترض بالضرورة .. الشيء الساخر في تطبيق القانون برضه .. ان الادنى يرتفع .. و الاقصى ينزل .. و بس ! .. بدون اي هيكلة .. للناس بين الحدين ! .. انا في رايي .. ان فكرة الحد الاقصى و الادنى على الاطلاق هي فكرة فاشلة ! .. لازم كل تخصص يكون له الحد الاقصى و الادنى الخاص به .. مش ممكن مساواة الغير مؤهلين او الدرجات العلمية المختلفة و التخصصات بدون تفرقة .

**amrezzat82** · 27-06-2014 11:59 PM

البلد فيها كمية فساد رهيبة
و بعدين هجرة ايه بس يا سيدي للخليج
متوسط راتب البنوك من 8 الى 18 الف ريال شهريا و حضرتك بتدفع نصهم على الأقل على السكن و المواصلات و متعرفش تعيش بيهم نفس العيشة اللى هنا
يجربوا ياهجروا للخليج و هما حيرجعوا تاني هنا
مستوى البنوك للأسف سيء جدا جدا و الموظفين سيئين جدا و الخدمة لا تقارن بأقل بنك فى الخليج
أنا بتكلم على ال hsbc و cib اللي يوميا عندي عليهم ملاحظات تسيء لسمعة اي بنك - و كمية الأخطاء و التهريج و اللا مبالاة لا تحصى
و لو تعمل فى الخليج نص كده حينتهي عقدك ببساطة

**S O P H O S** · 28-06-2014 12:46 AM

لو ده حقيقي يبقي الشهادة
مجرد ورقة فعلا مع تقديري لاي مهنة
ولكن العميلة نسبية بردوا

**dede_dodo88** · 28-06-2014 12:53 AM

أي هري..
الأرقام مش راكبة على بعض, أصل هو لو مرتب السواق 20 ألف فأكيد مرتب رئيس البنك مش هيكون 140 ألف بس..

عموماً هو أنا مش مع موضوع الحد الأقصى ده و معتقدش أنه ينفع يتطبق أصلاً خصوصاً في القطاع الخاص..

**amr100** · 28-06-2014 02:22 AM

للعلم الارقام حقيقة والفاجعة الاكبر انها ليست اكبر الارقام هناك مرتبات اكبر بكثير

**mk3** · 28-06-2014 02:52 AM

المشاركة الأصلية كتبت بواسطة dede_dodo88

أي هري..
الأرقام مش راكبة على بعض, أصل هو لو مرتب السواق 20 ألف فأكيد مرتب رئيس البنك مش هيكون 140 ألف بس..

فعلا.....انا سامع ارقام هلامية فى مرتب رئيس البنك

**dede_dodo88** · 28-06-2014 03:38 AM

المشاركة الأصلية كتبت بواسطة mk3

فعلا.....انا سامع ارقام هلامية فى مرتب رئيس البنك

140 ده مرتب زهيد جداً بالنسبة لرئيس مجلس أدارة بنك, يعني ممكن نشقلب الأرقام و نخليها 410 و نكون قربنا من الرقم الحقيقي..

**minicooper20** · 28-06-2014 04:04 AM

و ممكن مليون جنيه فى الشهر غير العمولات والشاى و تسيهلات القروض و كولو بالقانون
للاسف السيسى محسبهاش صح
بدل متعمل حد اقصى افرض ضريبه على الدخل العالى
مفيش دوله متقدمه فى العالم بتعمل حد اقصى ده
افرض انا عاندى مصنع
و جايب مودير بيكسب المصنع ده فى السنه مليار جنيه
يبقا مش كتير لما اديلو ملوين فى الشهر ماهو كفاءه

الموضوع: هو الكلام دة صح ( راتب"السائق" 20ألف جنيه.. ورئيس البنك 42ألفا)

LinkBack

أدوات الموضوع

عرض