العربية اتحسنت في التجميع كتيييير
السلام عليكم ورحمة الله وبركاته
بعد معاناة في معرفة أنهى رشاشات احسن لعربيتي النوبيرا ١
الأول روحت لمركز معين بدون ذكر أسماء عشان اغير رشاشات لتحسين الاستهلاك والسحب
وبعد مغيرولي الرشاشات برشاشات النترا الزرقا وطلعت جربت وكله تمام وعارف السعر وكل حاجة
قدراً بسال فين علبة الرشاشات قالولي ده إستيراد قلتلهم محدش قالي ليه انا كنت بركبهم على أنهم جداد
قالولي الجديد بحوالي ٧٥٠ج بالتركيب والاستيراد بالتركيب ٥٠٠ج
قلتلهم لا فكوهم وركبولي بتوعي قالولي ازاي قلتلهم انا مش هدفع مليم مفيش حد ولا مهندس ولا صنيعي دي غلطتكم واتحملوها
نزلت بورسعيد جيبت طقم اكسنت أخضر بمشاورة الصنيعي هناك جربته سي
جبت النترا بسم الله ماشاء الله تبارك الله رائع جدا والعربية بتجمع بسرعة
مع أنها اوتو وأنا مروح القاهرة شديت مع نوبيرا زيي بهدلتوه مبقاش مصدق
الانطلاقة بتفرق عنه بكتير
العجيب بقى اني شديت مع سيفيك 2008 وسبقته :d
وبقيت في قمة السعادة والاستهلاك يعتبر هبدا اجربه في زحمتنا الجميلة
إنما علي السفر رائع جدااااا
انا شديت العربية وجبت بعض قطع الغيار الصاج والكشافات بأسعار خرافية
اسف طولت عليكم وجزاكم الله خيرا