استشارة فنية بخصوص (خشونة الموتور) رغم ان الكمبيوتر مسجل 68%
كل عام وانت بخير
كنت محتاج استشارة فنية من حضرتك نظرا لخبرتك الكبيرة في اللانوس..
انا بكرة هاشتري لانوس 99 ، بس عندي مشكلة ان العربية كويسة جدا من ناحية الاساسات (مش رشة دواخل ولا فيها حوادث) ، لكن لما رحت رفعتها في بنزينة توتال اللي في مصطفي النحاس ـ الميكانيكي هناك قال ان الموتور في خشونة وعاوز يتعمل ليه عمرة رغم ان الكمبيوتر سجل 68%
رأيك اشتري العربية ولا ايه؟
انا اتفقت مع صاحبها انه ييجي عند الميكانيكي بتاعي في فيصل عشان يشوفها قبل ما اخلص في البيعة ..
برجاء الافادة وشكرا لحضرتك
محمد سليمان