كل واحد يفتكر معايا موقف حصل له او ذكري جميلة مابينسهاش في رمضان ويحكيها لي
هاأبدأ بنفسي : مابنساش ابداً لمة أول يوم في رمضان عند جدو ولأ اكل تيته الجميل الله يرحمها يا سلااااااام متفكرونيش بقي يالله كل سنة وأنتم طيبين :new:
عرض للطباعة
كل واحد يفتكر معايا موقف حصل له او ذكري جميلة مابينسهاش في رمضان ويحكيها لي
هاأبدأ بنفسي : مابنساش ابداً لمة أول يوم في رمضان عند جدو ولأ اكل تيته الجميل الله يرحمها يا سلااااااام متفكرونيش بقي يالله كل سنة وأنتم طيبين :new:
احلي حاجه في رمضان لمة العيله ساعت الفطار اللي مبقتش موجوده دلوقتي و كمان اغاني رمضان اللي الواحد اول ما يسمعها بيحس بسعاده :)
و بردو في انتظار ان الاذان ياذن و صلاة التراويح
النقشبندى يااااا ايام
قعدت سنين اسمع المدفع بيضرب و بشوفه و انا رايح جاي عليه بس نفسي اشوفه بيضرب فعلا مش سمع بس و دلوقتي بقي نفسي اسمعه بس بيضرب مش اشوفه
من اسكندريه و مفتقد اجواء رمضان بتاعه حي الجمرك(بحري) زمان للي عارفها
اجمل شئ كان ادعية النقشبندي قبل الاذان و الاذان بصوت الشيخ محمد رفعت و زمان كنا بنتفرج علي التليفزيون بس كان محترم جدا عن الان .
كنت كل سنة ازين الشقة و الدور بتاعنا و لما لمة العيلة دية لواحدها حاة تانية خالص
كل الخير مش حاجة واحدة
انما دلوقتي مش شايف حتي فانوس فالشارع متعلق
من الذكريات الجميلةإننا كنا بنحس برمضان وبفرحة دخول رمضان ( رمضان جانا ... أهلاً رمضان )وصلاة الفجر - كنا نجمع بعض (كل بنات العمارة ) بعد السحورونذهب للمسجد لصلاة الفجرونجلس حتى الشروق ، وننام لاغية صلاة الظهروطبعاً صوت الشيخ محمد رفعتوفوازير رمضان ( فطوطة / نيللي / شريهان )وألف ليلة وليلةوبوجي وطمطمورأفت الهجانودموع في عيون وقحةالكاميرا الخفيةوأغنية شويكار وفؤاد المهندس ( الراجل دا هيجنني )وعمل كعك العيد والبسكويت في البيت ، وريحة الشقة كلها تكون خميرة على ريحة الكعك في آخر أسبوع من رمضانوطبعاً المخلل بتاع رمضانومدفع الإفطاروالجملتين الثابتين لأصحبنا ( صايمة ولا زي كل سنة – هههه ) ، و ( يا فاطر رمضان يا خاسر دينك )وأكيد والأهم من دا كله أنك مش شايل هم حاجة ولا متحمل مسؤلية إفطار أو سحور حدوكل ما السن بيكبر كل ما المسؤليات بتزيد بالإضافة إلى الإلتزمات الدينية من صلاة تراويح وقيام الليل - اللهم ثبتنا وأعنينابس الإستفادة الوحيدة من كثرة المسؤليات دي ( المقاطعة التليفزيوينة )أعاده علينا وعليكم باليمن والبركات
كل عام وانتم بخير
كنت صغير ورحت مشوار في الورديان(اسكندريه)
جبت معايا كنافه وكانت اول مره اشتري كنافه فكنت فرحان جدا وحاسس اني بطل:).
ياااه كانت ايام
اخر رمضان احس بطعمه فعلا
كانت ايام فوازير فطوطه ونيللي وشريهان( طبعا مش المقصود الفوازير بذات نفسها) لكن هي مرحلة الطفوله
بعد كده كله محصل بعضه
فاكرين الاشكييف ههههههههههه
لما الفجر يكون على وشك يأذن ونجرى على المطبخ علشان نشرب ميه ويا سلام يقى لما يأذن وانت بتشرب ههههههههههه
سهرات رمضان مش زى اى سهرة فى السنه ..
وانا طفل كنت معتقد ان المؤذن بيأذن و ينزل من المنبر يشرب مايه فاكنت بقول اشمعني عايز اشرب زيه
كنت بترعب منه جدااااااااااااااااااااااا اااااااا
رغم ان لما كبرت و اتفرجت مره عليه (بعد 15 سنه تقريبا) مت على نفسى من الدحك و ازاى اصلا كنت بخاف منه !!!
[sor2]http://media-cache-ec0.pinimg.com/736x/b2/9b/75/b29b75b69963df43fcc16ac5d5d09052.jpg[/sor2]
اما بقى عن الزكريات - طبعا لمه العيله موضوع تانى خاصه فى وجود اجدادى ووالدى ووالدتى رحمهم الله جميعا و بعترف انى فاشل حتى الان فى منح الدفئ الاسرى الموجود وقتها لاولادى حاليا
و اتذكر ايضا الفانوس - ايام ماكان فانوس فعلا بلمبه صغيره و بينور و خلاص مش بيعمل اصوات و لا على شكل اسبونش بوب و الحجات المشوهه دى
و اتذكر بكائى لولدى لإن اولاد عمى كان عندهم الفانوس الصفيح ذو الشمعه و انا عندى الفانوس البلاستيك (ذو الشكل المخروطى و القاعده المستديره و اللمبه الكهربيه ) و محاولاته المستميته لإقناعى بإن فانوسى اقيم و اغلى سعرا - و لكن عرفت لاحقا بإنه كان يرفض شراء الفانوس ابو شمعه حتى لا يتسبب فى حريق
متابع
كل عام وانتم بخير
راح احكى لكم زكريات الطفولة الرمضانية فى السويس
بلد الخير او بلد الغريب لان خيرها لغيرها اى للغريب
وده سر بلوتنا من بعد عصر جمال عبد الناصر ماعلينا
رمضان زمان كله خير ورحمة وتراحم بين الناس والجيران
قبل رمضان لازم نجهز احبال الزينة من الورق الملون من المكتبة مع النشا
=======
وكمان نعمل فانوس كبير هيكله من البوص ونجلده بورق قزاز ملون وبداخله لمبة كهرباء
ونعلق كل ده فى الشارع رايح جاى بين البيوت المتقابله
كمان لازم نجهز الفوانيس والشمع اما باستخراج الفوانيس القديمة من العام السابقلتنظيفها واصلاحها
او بشراء الجديد اذا كان مكسور او به تلف غير قابل للاصلاح عند سمكرى وابورات الجاز
يوم الرؤية لهلال رمضان تخرج الطرق الصوفية فى( زفةالرؤية) بالاعلام والزينات وتضرب بالدفوف مع ذكر
====================
الله ومدح الرسول باهازيج جميلة
وكان يخرج شيخ مشايخ الطرق الصوفية على صهوة جواد ابيض مزين بزينة جميلة وكان يطلق عليه( شيخ الكوبارية )اى الشيخ الكبير وكان فعلا ذو طلعه بهية ووقار شديد يتقدم الركب(كانت السيدات تعطيه اطفالهن وهو على صهوة الجواد ليدعو لهم بالبركة والفلاح) وكمان تخرج معها قوات رمزية من الدفاع المدنى والشرطة والمطافى فى مسيرة تبدأ من نقطة المطافىء على الكورنيش القديم ثم تتوجه الى شارع الجيش الرئيسى بوسط السويس متجهه الى جامع الاربعين بحى الاربعين ثم تعود من نفس الطريق فى الاتجاه المعاكس الى حى السويس لتنتهى المسيرة عند جامع الغريب وكان يسير فى هذه المسيرة شىء مميز وعجيب فى نفس الوقت لم اشاهده فىاى مكان اخر كان الصيادين يجرون بالحبال طبلية كبيرة تمثل مركب تسير على عجل رولمان بللى كبير وكان لها اسم مميز يطلق عليه نسيته بصراحة
ويرتكز عليها صارى مركب كبير ارتفاعه حوالى عشرة او خمسة عشر متر وبه علم مزخرف كبير جدا حوالى خمسة امتار عليه عبارة( لااله الا الله محمد رسول الله) وفى اركانه الاربعة اسماء الخلفاء الراشدين
وعلى هذه الطبلية توجد طبلة كبيرة وضخمة جدا يضرب عليها احد الاشخاص ضربات منتظمة وشخص اخر معه صاجات كبيرة من النحاس بحجم غطاء حلة كبيرة يعزفان عليها وكان لها وقع نفسى جميل وتخيل بقى انه يتم جر هذه الطبلية بما عليها بواسطة الناس المتطوعين بالحبال من اول السويس لاخرها رغم المشقة الكبيرة
وعند ثبوت الرؤية تطلق المدافع بعدد طلقات كبير لااذكر عددها ايذانا بحلول شهر الصوم وابتهاجا به
فى رمضان وقبل موعد الافطار نجرى على (الطابية) بالسويس وهى تل اثرى كبير يقال انه من ايام
===================
الفراعنةوانه هو بقايا الصرح الذى امر فرعون ببناءه ليبلغ به عنان السماء ليتطلع الى رب موسى اى الله سبحانه وتعالى ( وكنا ونحن صغار نسمع انه يوجد سرداب اسفل هذه الطابية يصل من هذا التل الى قصر فرعونوانه يظهر كل يومفى الصباح الباكر ديك يؤزن اعلى هذا التل )
لنشاهد المدفع على الطبيعه عند انطلاقه ثم نصيح فرحين ونجرى على منازلنا للحاق بمائدة الافطار العامرة
وبعد الفطار نتجمع اولاد وبنات الحته بالفوانيس
==========
ونلف على الجيران لجمع( العادة) وهى عبارة عن الحلويات من الكنافة والقطايف او المكسرات من البندق والزبيب والمشمشية والبلح او الفواكه حسب الموسم هههههههه ده غير النقدية ودى بقى كنا نشترى بيها شمع لليوم التالى
وكنا نغنى اغانى جميلة واحنا ماشيين فى الشارع او عندما ندخل احد المنازل ونخبط على الشقق شقة شقة
مانفوتش حد هههههههههه ونغنى واحد منا يقول مثلا ياست ادينا تفاحة والباقى يرد عليه صاحبة البيت مرتاحة
وهكذانغنى ادونا العادة لبة وذيادة دا الفانوس طقطق والعيال نامت هههههههه وكل الجيران يفتحوا الباب بترحاب وبسمة على الوجوه دون غضب او احساس بالازعاج لاعطاء الهدايا الرمزية لنا لاسعادنا
وبعدها نروح لبيوتنا واحنا فى منتهى السعادة بعد تنتهى شموعنا فى فوانيسنا لننام
ونصحى بعدها على صوت( المسحراتى) وهو يدق على طبلته وينشد الادعية الدينية
==========================
وينادى باسماء اهل الحى للاستيقاظ للسحور بطريقة جميلة وبديعة
كمان لازم تبادل اطباق الحلويات وحتى المخلالات والاكل بين الجيران
فى العشر الاواخر لازم بقى نجهز احذية وملابس العيد الجديدة
=================
وكمان يبدأ الاعداد لعمل كحك العيد وده ممكن ياخد اسبوع مثلا
صاجات طالعة وصاجات داخلة تروح الفرن من الكحك والغريبة والفتوت والمنين و والبسكويت
وطبعا احنا الاطفال لازم نساعد ونشارك فى تشكيل الكحك هههههه كل واحد بنقشة او رسمة خاصة يفرح بها بعد ان تستوى وتخرج من الفرن
ويتم رص الكحك فى الصفائح الكبيرة للعيد
اخر يوم فى رمضان يمر المسحراتى الخاص بالحى لجمع العادة او العيدية اكراما له لمجهوده
=====================
طبق مشكل من الكحك او بعض النقود
افتكر دلوقتى مافيش حا جة واحدة بتتعمل من كل اللى زكرته
قل الخير والبركة والمحبة بين الناس للاسف الشديد حتى الجار لايعرف جاره صغيرا او كبيرا
انها زكريات جميلة لزمن جميل لمجتمع وناس كله احساس ومحبة ورحمة وترابط
مجتمع اسلامى صحيح شريط جميل محفور فى وجدانى باحرف من ذهب يتلالآ فى عقلى وقلبى
اعتز به باسلامى وانى كبرت فى جو مشبع رحمة ومودة وتاخى
كل عام وانتم بخير وربنا يوحد كلمة المسلمين وينصرهم على كل اعداء الظاهر والباطن
ياااااااااااااااااااه قول للزمان ارجع يا زمان
على ايامنا كنا نتلم فى الشارع ونعمل شراشيب رمضان :) نجيب الكتب القديمه و الكراسات ونقطعها بالمقص ونلزقها بالنشا على حبال طويله وكنا نخلى الشارع كأن عليه مظله لدرجه بالنهار يبقى تقريبا الشمس بتمر بالعافيه ومن زينه رمضان مع فانوس كبير جدا من الخشب والورق الملون وكمان جامع كبير
وكان زمان الفوانيس بتنور بالشمعوتسخن وتحرق ايدينا ونخرج كلنا بعد الفطار نلف على البيوت ونقولهم حالو ياحلو .. وفى نهايه الاغنيه نقول لهم .. فكوا الكيس وادونا بقشيش هنروح مانجيش ياحالو هههههه طبعا كان الناس بتنزل لنا حلو رمضان كنافه وقطايف ونقعد نلعب لغايه الفجر ياااااااااااااااااااه رمضان زمان ده موقف جه على بالى
كل رمضان وكلكم بخير
متابع
صحيح الايام الجميلة لاتعوض والا راح مابيرجعش
ليت الشباب يعود يوما