الفرسان الثلاثة

**meemo** · 28-06-2014 02:04 AM

كل عام وانتم بخير ورمضان كريم
انا محتار بين الفرسان الصيني الثلاثة الايمي والانفي والبي واي دي اتو وانا نازل اجازة وعايز اشتري اي منهم وخصوصا بعد ما بعت عربتي العزيزة الكريمة الاصلية الماروتي
ومن شهر 2 وانا متابع ارائكم الموقرة عن الثلاتة والنهاردة الحمد لله وصلت الي ارض الوطن بسلامة الله الفجر وكنت المغرب في المهندسين في معرض جيلي بتفرج علي الايمي انطباعي عنها بعد مشاهداتها العربية فخمة فعلا واسعة جدا فعلا تجذب اي مقبل علي الشراء انه يشتري والاولاد عندي عايزنها بشدة بس الكلام عن مشكلها وخصوصا الصدا مقلق جدا غير المشاكل التانية بس رغم كل ده العربية بتبيع ومنتشرة بصراحة حاجة مش مفهمومة وانا في المعرض النهاردة المندوب قالي تلحق قبل اول 7 علشان هتغلي وكمان التسليم هيبقي متاخر
روحت اشوف الانفي في معرض اسبرانزا لقتيه قافل وعرفته امهم اجازة لغاية يوم الاتنين طبعا الانفي شكلها علي النت اللي شفته علشان لم اراها رؤية العين جميلة واوبشن جميلة بس قلة البيع وعدم الانتشار مش مفهموم لغز غريب صح
نيجي باه للبي واي دي اتو وديه اهم ميزة فيها الاتو وانتشارها الرهيب كتاكسي وانا في جاي من المطار لفيصل الصبح عديت حوالي 10 تاكسي بي واي دي وملاكي واحدة وعلشان هي تاكسي ديه مشكلة عندي علشان البهوات ولادي مش عاجبهم انها تاكسي
طيب انا عايزة ايه من العربية اولا الاستخدام : انا استخدامي خفيف جدا العربية الماروتي قبل ما ابيعها قعدت معي 5 سنين عملت 33 الف كم علشان العربية باستخدام يعتبر شهرين في السنة وباقي السنة زوجتي بتستخدمها خفيف جدا يعني ممكن تقعد بالاسبوع او 10 ايام في الجراج متطلعش يادوب مشاوير بسيطة
ثانيا: التوكيل عايزة توكيل محترم علشان الماروتي كنت اسمع اي حاجة او اشك في اي حاجة اجري علي التوكيل يعني ببسطة انا من النوع اللي مش مكيانكي يبص في عربيته واي حاجة همة كانت صغيرة اعملها في التوكيل
ثالثا: سعر البيع بصراحة مش بفكر فيه كتير علشان مفيش عندي افراد الطبقة الوسطي او المغتربين رفاهية تبديل السايارة كل 5 سنين مثلا فهي عربية العمر
اخيرا مش عايز اقول علي الهجوم الشديد اللي اتعرضت ليه علشان هشتري صيني وديه باه قصة تانية خلينا في الاهم دلوقتي
ماذا تفعل لو كنت مكاني ؟؟؟؟؟؟؟؟؟؟؟؟؟؟؟؟ واي فارس من الفرسان التلاتة تختار وعلشان انا مستعجل خايف اختار غلط
وكل سنة وانتوا طيبين

**hugan** · 28-06-2014 02:17 AM

بي واي دي
اولا علشان اوتو

**J A G U A R** · 28-06-2014 02:42 AM

ايمى لو مشاكل الصدا فيها اتحلت غير كده byd عربيه من افضل الصينى وانتشارها تاكس دليل كبير على نجاحها

**meemo** · 28-06-2014 09:49 PM

نزلت شفت الانفي والبي واي دي طبعا في الاول من غير عربية الموصلات بهدلة ومصاريف بس الواحد بيركب مع سواقين التاكسي ويسمع منهم
المهم شفت الانفي الصيني والمصري الانفي زي الايمي واسعة وحلوة من جوة وشيك بس الايمي افخم من برة وتقفيل المصري اقل جودة من المصري في الخامات وانا ماشي في شارع كله محلات اكسسورات عربيات في مصر الجديدة واحد واقف بالانفي سالته عليها قال جميلة جدا بس في قطع غير مش موجودة وانه جاي يسال علي المرية علشان اتكسرت منه وقال انها في سنة عاملة 60 الف وانه مهمل في صيانتها ورغم كده ادائها رائع
ركبت مع سواق تاكس بي واي دي سب ولعن في العربية وقال ان قطع الغيار موجودة بس مش معمرة وان الحساسات علي طول بتبوظ وانه مركب مساعدين التويوتا ورحت شفتها في توكيل الامل في مصر الجديدة بصراحة مش فخمة زي الايمي والانفي وان ميزتها انها اتو
انا احترت مش عارف اختار
اضحي بالاتو واجيب الفخامة
العائلة لها رغبة في الايمي
النصيحة؟؟؟؟؟

**tito20002003** · 02-07-2014 01:19 AM

المشاركة الأصلية كتبت بواسطة meemo

نزلت شفت الانفي والبي واي دي طبعا في الاول من غير عربية الموصلات بهدلة ومصاريف بس الواحد بيركب مع سواقين التاكسي ويسمع منهم
المهم شفت الانفي الصيني والمصري الانفي زي الايمي واسعة وحلوة من جوة وشيك بس الايمي افخم من برة وتقفيل المصري اقل جودة من المصري في الخامات وانا ماشي في شارع كله محلات اكسسورات عربيات في مصر الجديدة واحد واقف بالانفي سالته عليها قال جميلة جدا بس في قطع غير مش موجودة وانه جاي يسال علي المرية علشان اتكسرت منه وقال انها في سنة عاملة 60 الف وانه مهمل في صيانتها ورغم كده ادائها رائع
ركبت مع سواق تاكس بي واي دي سب ولعن في العربية وقال ان قطع الغيار موجودة بس مش معمرة وان الحساسات علي طول بتبوظ وانه مركب مساعدين التويوتا ورحت شفتها في توكيل الامل في مصر الجديدة بصراحة مش فخمة زي الايمي والانفي وان ميزتها انها اتو
انا احترت مش عارف اختار
اضحي بالاتو واجيب الفخامة
العائلة لها رغبة في الايمي
النصيحة؟؟؟؟؟

بالمره اتفرج على شانجان cs 35 فى داندى مول كارفور طريق القاهرة اسكندرية اعتقد انها هاتغير المفاهيم عندك خصوصا فى الرفاهيه وانها كمان اتوماتيك وفيها كل اللى بتفكر فيه اعتقد انك هاتغير تفكيرك تماما خاصة انها مش تقفيل مصرى تقفيل بلدها الصين خد العيله واتفرج عليها وهاتدعيلى .

**cobrahi** · 03-07-2014 01:48 AM

المشاركة الأصلية كتبت بواسطة tito20002003

بالمره اتفرج على شانجان cs 35 فى داندى مول كارفور طريق القاهرة اسكندرية اعتقد انها هاتغير المفاهيم عندك خصوصا فى الرفاهيه وانها كمان اتوماتيك وفيها كل اللى بتفكر فيه اعتقد انك هاتغير تفكيرك تماما خاصة انها مش تقفيل مصرى تقفيل بلدها الصين خد العيله واتفرج عليها وهاتدعيلى .

متاااابع

لكن اخى الغالى و الى اعتز بيه تيتو .. انا فهمت من الاستاذ الى بيسال ان امكانياته ف الـ 86 الف بس
بدليل انه بيقارن فى المستوى دة من السعر بين الايمى و الانفى و البى واى داى
اما شانجان cs35 غاليه عليه و فوق مستوى السعر الى هوة عاوزة

لسه مفيش اخبار عن توفر الشانجان الايدو ف المعارض يا تيتو ؟؟؟؟

**mohammedamer7** · 08-07-2014 11:58 AM

هو الأيمي مفيش منه اوتو

**cobrahi** · 11-07-2014 04:07 AM

المشاركة الأصلية كتبت بواسطة mohammedamer7

هو الأيمي مفيش منه اوتو

لاء الايمجراند لا يوجد منها اوتوماتيك كله مانول فقط

الموضوع: الفرسان الثلاثة

LinkBack

أدوات الموضوع

عرض

-

-

-

-

المواضيع المتشابهه

التقرير التاني عن ونش الفرسان

تقرير عن ونش الفرسان

يا كل الفرسان..عيد سعيد

الاخوة الفرسان

الكلمات الدلالية لهذا الموضوع

المفضلات

المفضلات

ضوابط المشاركة