هل يوجد بديل للتوكيل

**TIMODAX** · 18-10-2008 08:53 AM

يعني المهنديسن و الميكانيكيه اللي في التوكيل و بنشتكي منهم أسيبهم واروحلهم هما هما برا

دي حاجه كده بقت زي الدروس الخصوصيه....................

**aya5** · 18-10-2008 04:39 PM

بس حتلاقى الفرق فى المعامله والصيانه الجيده
غير كده هم عارفين ان الفلوس داخله جيبهم كلها ويشتغلو بذمه
وربنا يسهل ونلاقى مركز صيانه غيرهم

**MohabSaeed** · 19-10-2008 02:20 PM

المشاركة الأصلية كتبت بواسطة aya5

بس حتلاقى الفرق فى المعامله والصيانه الجيده
غير كده هم عارفين ان الفلوس داخله جيبهم كلها ويشتغلو بذمه

اعتقد ان ده شئ مش مضمون ومحل شك :D

المشاركة الأصلية كتبت بواسطة aya5

وربنا يسهل ونلاقى مركز صيانه غيرهم

يارب

**eng_elnaggar** · 19-10-2008 10:26 PM

انا اعرف كذا حد منهم مهندسين او فنيين بيشتغلوا في التوكيل وفاتحين ورش بره للي عايز يقولي وانا ابعتله نمرهم على الخاص عشان ما نضرش الناس زى ما استاذ مهاب قال ...

**MohabSaeed** · 19-10-2008 10:56 PM

طيب يا استاذ محمد المهندسين دول بيبقى عندهم الامكانيات و المعدات الازمه لاعمال الصيانه

يعنى كمبيوتر .. اسكانر ....................
و بعدين هل الصنايعيه الى شغالين مع المهندس " المهندسين " بيحافظو على العربيه ... يعنى مثلا ماجيش اعمل عنده شغل الاقى فرش الباب عليه شحم و الكرسى متوسخ و الدركسيون مزيت ... كعاده الميكانيكه

انا عارف حضرتك رشحتلى مهندس منهم و انا كمان كنت فى التوكيل و خدت رفم ميكانيكى هناك و كانو بيشكرو فيه جدا

بس انا الصوره الى " لازقه فى دماغى " الجينوط الى بيتفك و يترمى على الارض و يعملوه تربيزة شاى , البهدله الى بتحصل للصالون , الصنايعيه الى يربطو الصموله بغشميه , الخرطوم الى مش بيتركب كويس ... و هكذا

التوكيل لو بوظلى حاجه فى العربيه او كسر حاجه بيغيروها من سكات , لكن بره لو حاجه باظت ... خلاص ماليش حاجه عنده

ديه كلها حاجات بتدور فى دماغى .. خصوصا انى من النوع الى بحب احافظ على العربيه من اقل خدش او اتساخ او حاجه تتكسر او تتركب غلط بجد ممكن انزل ابيع العربيه تانى يوم لانى مجرب الصنيعيه و التعامل معاهم و الحاجات الى بيبوظوها و يخربوها و طبعا بيقولى عادى يا بيه بسيطه .

**kobadr** · 20-10-2008 12:46 AM

المشاركة الأصلية كتبت بواسطة Mohamed_ElNaggar

انا اعرف كذا حد منهم مهندسين او فنيين بيشتغلوا في التوكيل وفاتحين ورش بره للي عايز يقولي وانا ابعتله نمرهم على الخاص عشان ما نضرش الناس زى ما استاذ مهاب قال ...

ياريت يا أستاذ محمد تبعتلي نمر التليفونات لحد منهم تكون جربته ولاقيته كويس علشان أنا شايف من واقع التجربة في صيانة الألف ومن كلام أغلب السادة ألأعضاء ان عملية الصيانة في التوكيل غير مجديه مع حماسي لأرسال شكاوى عن طريق الأيميل لماليزيا أملا في التحسن علي المدي البعيد.
أيميلي هو : kh.badr@gmail.com
وأشكرك جدا علي تعاونك واهتمامك.