فيه موقف حصلى وانا بغير زيت للعربية ومش عارف هل انا غلطان ولا اية ؟؟
الموضوع انا اشتريت جركن زيت من البنزينة علشان عارف ان فيه ناس بتوع زيوت بتغش
واشتريت الجركن وروحت طالع عند واحد بتاع زيت علشان اغيره ودخلت بالعربية والراجل فضى الزيت القديم وجيه عند الزيت الجديد بيقولى هتحط زيت اية وقولتله لا انا جايبلك جركن زيت معايا
لقيت الراجل ابتدى يعلى صوته ويقولى يعنى اية جايب جركن زيت وازاى وانا هكسب ازاى وانا هستفاد اية ومش عارف اية !!!!
قولتله طب انا متأسف انا مكنتش اعرف ولقيته ابتدى يعلى صوته قولتله لو انت مش تغير زيت لحد برة اكتب ورقة على المحل وقعد يبرطم
قولتله حسابك قالى مش عايز فلوس روحت مطلع 10 جنيه وادتهاله وخدها منغير كلام برضو
النهاردة الصبح بقى بفتح كابوت العربية علشان اشوف مستوى الزيت لقيت الكبوت مش عايز يفتح خالص ومش عارف بقى هو عمل فيه حاجة ولا اية ؟؟
السؤال بقى هل انا غلطان ولا اية ؟؟