افضل كلية هندسة خاصة....طالب رياضة اتفحت

**ahmed salah90** · 29-06-2014 01:06 AM

معهد العاشر رقم 1 في مصر بالنسبه للجامعات و المعاهد الخاصه و هتنزل تدريب لحد ماتقول يا بس انا فيها قسم ميكانيكا بس قسم صعب و قليل اللي بيتخرج في ميعاده معظم الطاللبه بتعدي ال5 سنين

**Mamoud salah H** · 29-06-2014 02:52 AM

المشاركة الأصلية كتبت بواسطة #maam#

أدخل الشروق بقلب جامد دكاترة فنية عسكرية + عين شمس + القاهرة .......... وكمان فيه تخفيض لما تجيب تقدير مش عارف لسه مستمرين ولا لأ ....... أنا كان بيتخفضلي نص أو ربع المصاريف كل سنة عشان كنت بجيب تقديرات ,,,,,,,,,, نظام دراسة محترم وصارم ............... معامل محترمة وكنا بنجرب على الاجهزة الحديثة الموجودة ...........توكل على الله

انا ااسؤال الاهم بالنسبة ليا هل شهادتها معترف بيها اما اجي اشتغل زيها زي الجامعات الحكومية

**Mamoud salah H** · 29-06-2014 02:56 AM

المشاركة الأصلية كتبت بواسطة باسم يوسف

رأيي الشخصي الذي يحتمل الصواب

لو لديك الاموال لعمل مشروع محترم و مربح او لك "واسطه تقيله" للالتحاق باحدي الوظائف بشهادتك الجامعيه في مكان محترم بمرتب محترم ... توكل علي الله و التحق باحدي الكليات الخاصه

غير ذلك

التحق بكليه حكوميه تناسب مجموعك و وفر الالاف الجنيهات التي سوف يتم انفاقها في الكليه الخاصه لانك بعد التخرج سوف تلتحق بملايين الشباب الجالسين علي طاولات القهاوي للعب الجوكر

#الحقيقه_المره

لا للاسف معنديش واسطة وﻻ معايا المبلغ الي هعمل بيه مشروع مربح انا هبقي زي غيري هتخرج عشان اشتغل بشهادتي

**AlGazar2** · 29-06-2014 07:21 AM

الجامعات الخاصة المحترمة الرخيصة

الشروق
مودرن اكاديمى
العاشر

الشروق و مودرن يعتبر الدكاتره بتوعهم فى اغلب المواد واحد - دراسة صعبة مفيهاش لعب ( خريج عمارة مودرن ) - معترف بيهم فى مصر و بره
عشان تشتغل محتاج واسطه سواء فى مصر او بره او يكون معاك مبلغ تفتح بيه مشروعك الخاص

هندسه عمارة بالتحديد هتنسيك كل اللغات الى معاك فبلاش عمارة الا لو انت متميز فى الموضوع ده و عندك موهبة و ميول حقيقية ليه غير كده بلاش قسم عمارة تماما عن تجربة

و نصيحة اخوية بلاش هندسه بلاش هندسه بلاش هندسه و افتكر انى قولتلك بلاش خش تجارة تجارة حلوه مفيش كلام

**Mamoud salah H** · 29-06-2014 08:31 AM

المشاركة الأصلية كتبت بواسطة algazar2

الجامعات الخاصة المحترمة الرخيصة

الشروق
مودرن اكاديمى
العاشر

الشروق و مودرن يعتبر الدكاتره بتوعهم فى اغلب المواد واحد - دراسة صعبة مفيهاش لعب ( خريج عمارة مودرن ) - معترف بي
هوهم فى مصر و بره
عشان تشتغل محتاج واسطه سواء فى مصر او بره او يكون معاك مبلغ تفتح بيه مشروعك الخاص

هندسه عمارة بالتحديد هتنسيك كل اللغات الى معاك فبلاش عمارة الا لو انت متميز فى الموضوع ده و عندك موهبة و ميول حقيقية ليه غير كده بلاش قسم عمارة تماما عن تجربة

و نصيحة اخوية بلاش هندسه بلاش هندسه بلاش هندسه و افتكر انى قولتلك بلاش خش تجارة تجارة حلوه مفيش كلام

هو دة الكلام الي كنت مستني اسمعة معادا اخر جملة دي عشان مش بعد كل دة ادخل تجارة والا مكونتش دورت علي خاصة

بس ليه بلاش هندسة عمارة دنا كنت ميال ليها

**mustafavet** · 29-06-2014 08:51 AM

المشاركة الأصلية كتبت بواسطة mamoud salah h

منا محضر نغسي علي هندسة والا مكونتش دخلت رياضة وصعب اوي بعد التعب الي تعبته السنادي ادخل حاجة تانية

الجمله دي ضيعت ناس كتير جدا - اوعي اوعي تفكر بالشكل دا

**amr011111** · 29-06-2014 09:04 AM

لو انت حابب دراسة الهندسه يبقى توكل على الله فيها
بس لما تيجى تدخل هندسه خاصة يكون مجموعك قريب من المجموع اللى بيدخل هندسه حكوميه علشان دماغك تقدر تستوعب المناهج
انما لو المجموع فارق كبير ولقيت معهد بيدرس هندسه فبلاش تدخله علشان اه ممكن تنجح بس لما تتخرج هيبقى مستواك مش زى خريج الجامعه الحكوميه

بالنسبه لمجموعك فى الرياضه ميفرقش اوى انك تحدد انك هتدخل هندسه ولا لاء لان فيه اقسام كتير فى الهندسه بعيده تماماً عن الرياضه

بالنسبه لو عاوز تعرف المعاهد المعتمده من نقابة المهندسين فادخل على موقع نقابة المهندسين وانت هتلاقى ليسته بالمعاهد والكليات المعتمده
www.eea.org.eg
وبالتوفيق

**#MAAM#** · 29-06-2014 09:28 AM

المشاركة الأصلية كتبت بواسطة mamoud salah h

انا ااسؤال الاهم بالنسبة ليا هل شهادتها معترف بيها اما اجي اشتغل زيها زي الجامعات الحكومية

معترف ياباشا ومعاك كارنية النقابة كمان .......... أنا شغال في شركة كبيرة في السعودية وزمايلي برضه الحمد لله ..... أهم حاجة في الشغل الاول الواسطة أو الحظ وبعد كده الخبرة والفهم هو اللي بيفرق في الشغل وربنا يوفقك

**Mamoud salah H** · 29-06-2014 08:37 PM

شكرا لكل الناس الي ردت وساعدتني واديني مستني بقي النتيجة ونشوف نصيبنا فين

**mr_vampire** · 29-06-2014 09:52 PM

معلش الرد متاخر بس بعد ماقريت كل اراء الشباب.

رايي الشخصي : مادام عايز هندسة يبقي ادخلها حكومة او خاصة لو ربنا مقدرلكش حكومية. هتندم اشد الندم لو كان نفسك فيها ومدخلتهاش بعد ماتروح كليات نظرية وهتحس انه مش مكانك وانك مش لاقي نفسك فيها.

ولو علي فكرة فالاخر هتعد عالقهوة ده مسالة نصيب اولا واخيرا لكن: لو الكل قاعد عالقهوة هتلاقي كل عشرة تجارة في وسطهم واحد هندسة.

توكل علي الله وادخلها حكومية او خاصة. وطمنا وفرحنا معاك بعد النتيجة ان شاء الله.

الف مبروك مقدما.