للمتفائلين فقط .. الدائرى الاقليمى ونظرة لمستقبل مصر ..

**بحار** · 28-06-2014 08:43 PM

الطريق الدائري الإقليمي طريق حر بدأ إنشاءه لتخفيف الضغط المروري عن الطريق الدائري (القاهرة)
طوله نحو ٤۰۰كم ويربط بين :
القاهرة الجديدة
طريق العين السخنة
طريق السويس
طريق الإسماعيلية
الزقازيق
بنها
منوف
السادات
6 أكتوبر
طريق الفيوم
دهشور (البدرشين)
حلوان

**hugan** · 28-06-2014 11:02 PM

ممتاز مفيش كلام هايعمل نقله حضريه كبير

**مصطفى-حسن** · 28-06-2014 11:28 PM

الطريق دة اللى عملة حد فاهم قوى بجد

واقرب مثال على كدة انا كواحد من الناس عشان انزل الصعيد كنت بطلع من العاشر من رمضان اخد طريق مصر اسماعيلية الصحراوى
وبعدين اركب الدائرى
وبعدين انزل من الدائرة نزلة المعادى
واعدى على المعادى و15 مايو وحلوان ......الخ
وبعدين اطلع طريق الكريمات
وفى النهاية الاقى نفسى قدام بوابات الصعيد على الطريق بتاع الجيش

الوصلة دى كانت بتاخد من ساعتين لساعتين وربع بكل زحمتهم وخنقتهم

دلوقتى
بطلع من العاشر من رمضان
اركب الدائى الاقليمى
انزل منة قدام بوابات الصعيد اللى على طريق الجيش
والطريق بياخد 40 دقيقة فقط وانا نايم وماشى على 150 كم/س

مش بس كدة
الطريق دة بيخدم الشمال الشرقى لمصر كلها
يعنى اللى جاى من سيناء ودمياط والمنزلة وبورسعيد والقنطرة والاسماعلية والسويس وعايز يروح الصعيد
بيطلع نفس الطلعة من عندنا بدون ما يدخل القاهرة وزحامها والدائرى وقرفة

مش بس كدة

الطريق دة لما يكمل يبقى انا هروح اسكندرية فى ساعة ونص بدل ما بروح دلوقتى فى 3 ساعات ونص

مش بس كدة

احنا كمدينة صناعية هيبقى فية خط مباشر للشحن والتصدير من العاشر لاسكندرية بدون عذاب الدائرى والمحور

فعلا
حقا وصدقا
اللى عمل الطريق دة واحد فاهم قوى بجد

**بحار** · 29-06-2014 02:57 AM

المشاركة الأصلية كتبت بواسطة motor head

الطريق جميل مفيش كلام

بس البهايم هيروحوا فين يعنى

بعد مخلصو جزء كبير من الطريق افتكروا يحطوا كارته طبعا الناس بتلبس فيها بالليل عشان مش شيفنها يقوموا يعملوا ايه ؟؟

قطعوا فى الطريق و بوظوه عشان يمدوا اسلاك كهرباء بهايم :-(

فين المكان اللى حضرتك تقصده

المشاركة الأصلية كتبت بواسطة besso

هو اتنفذ من ايه

يعنى ايه مش فاهم ؟؟

**mahmoud_ali** · 29-06-2014 04:26 AM

يا مسهل ويتفتح فى ميعاده

**AlGazar2** · 29-06-2014 07:15 AM

التخطيط بتاع الطريق ده معمول من عشرات السنين فى تخطيط القاهرة 2020 و القاهرة 2050 و المراحل الى اتعملت فيه دى كده تعتبر متاخره عن مواعيدها كمان و اعتقد انه المفروض كان يبقى زى الدائرى من غير كارته بس اتعمل بكارته بعد كده و الله اعلم

و الطريق ده غير انه هيخدم قطاع كبير اغلبه قطاع النقل هيخف زحمه رهيبه من على الدائرى و الاوتوستوراد خصوصا بتاعه النقل التقيل الى جاى من السويس و رايح شق التعبان او حلوان بس المهم ان الكارته بتاعته متبقاش مبالغ فيها

**MOTOR HEAD** · 29-06-2014 01:57 PM

الكارته موجوده على الطريق الواصل من طريق القاهره السويس لحد طريق القاهره اسماعليه

انا بعدى عليها عشان بروح من السويس الى العاشر من رمضان

-

-

الموضوع: للمتفائلين فقط .. الدائرى الاقليمى ونظرة لمستقبل مصر ..

LinkBack

أدوات الموضوع

عرض

-

-

-

-

المواضيع المتشابهه

تجربة طريق الدائرى الاقليمى (السخنه - القاهرة الجديده)

حد جرب الدائرى الاقليمى الجديد

قالوا عن الجيش المصري ... ( للمتفائلين فقط )

الطريق الدائرى الاقليمى

رافة ونظرة شفقة ببعربيتيى المخبوطة

الكلمات الدلالية لهذا الموضوع

المفضلات

المفضلات

ضوابط المشاركة