الموضوع: رخامة المطبخ

الرخام العادي بيتبهدل بينقر و بيبقع و بيشرب مياه
خليك فى المستورد درجة أولى مش حيعمل كده ابدا
عامة رخام و جرانيت درجة الفنش لازم تكون نظيفة جدا - تقدر تشوف تفسك فيها كانها مرايا - و الاضاءة بتبقى معكوسة عليها كليا و الا حيبقى برضه بيبقع و يشرب مياه -
و التقطيع بتاع الحواف بيكون بمكنة مش بصاروخ زي الورش السيئة
اماكن البيع كتيرة جدا و الخم أكتر بكتير و حتسمع اسعار و تسمع بعد كده الضعف
لازم تروح تشوف حد بيفهم و تلف معاه او تشوف بنفسك قطع متفنشة عند شق التعبان او شركات الرخام
اعتقد الكوريان النضيف بيعدي ال الألفين فى المتر و طبعا كويس فى المطبخ

طب والرخام الصناعي (كوريان) بيصلح للمطابخ ولا يتبهدل

بص يافندم
متر الكوريان الكورى ب 1350 المتر المربع وليس الطولى زى الرخام..فبتوع الكوريان هيحاسبك عليه بالطولى بس هو المفروض بالمريع
الكوريان الصينى ب 1150 والامريكى ب 1650 وهو الافضل طبعا
الكوريان مناسب جدا للحمامات وممتاز فيها
انما فى المطبخ لازم تحطله سطح تقطيع لانه بيتخدش وكمان متحطش عليه اى طاسه او حله سخنه لانه بيتأثر بالسخونه
بس ميزاته انه مبيتأثرش بالاحماض ولا بالميه وكسره سهل جدا تصليحه وصنفرته ويرجع جديد زى الاول بس طبعا هو درجة صلادته مش زى الرحام او الجرانيت خالص
وكمان طبعا درجات الوانه مش موجوده فى الرخام خالص
------------------------
نيجى بقى للجرانيت هو افضل من الرخام للمطابخ
بس درجة الرخام الوحيده اللى تصلح للمطابخ هى الاخضر الهندى وتقريبا ب 500 بالنقل والتركيب
انما الجرانيت عندك كل الدرجات

حضرتك خللى بتاع الرخام يقطعه على السلم ولو انه هيتلكك بضعف منطقه الحوض وانها ممكن تتكسر منه
فيه حل تانى ان حضرتك تغطى الجزء اللى هيتم التقطيع فيه بمفرش او بملايه