رأيكوا في العربية دية ؟(سويفت 93)

**Jato.33** · 16-10-2008 12:08 AM

بصوا يا رجالة
عربية سويفت 93 فابريكة بره وجوه وماشية 35000 كيلو أول يد (واحدة ست كبيرة)
بعض التجريح في الجوانب وفانوسين ورا منقورين كده مش مكسرين خالص - دهان باهت وممسوح تماماً من حرف الشنطة - التكييف يعمل - مطلوب 36000 نهائي
تم عرضها على سمكري وأشاد بناضفتها ولم يعلق على أي شئ
أشتري ولا لأ ؟

إذا كان رأيكوا إني أخلص فيها

تفتكروا لو عايز أصينها على نضافة أوي أروح بيها التوكيل ولا هيضحكوا عليا
لأننا عندنا أصلاً لانوس 99 عاملة 80000 كيلو والدي عمره ما عمل حاجة فيها برة التوكيل وأنا كنت بتكلم في الموضوع ده الأول ولكن تبين لي مع الوقت إن التوكيل موفر جامد معانا فعلاً مش بتحتاج بعد التوكيل تروح تعمل أي حاجة برة والشغل نضيف والتكلفة لو زيادة شوية لكن عدم أمانة الميكانيكية بتكلف أكتر

تفتكروا لو روحت التوكيل هيعملوا فيها حاجة ولا أنسى التوكيل وخليني بره أنا عايز أضمن شغل نضيف أوي ليها بصراحة أول فرحتي ومش عايز أهينها

**waled369** · 16-10-2008 12:13 AM

و الله السويفت عربية حلوة بس أنا شايف ان السعر مبالغ فيه جدا و بانتظار رأي الخبراء

**Rsarabia** · 16-10-2008 12:17 AM

رأيى ان السعر 36 كتير عليها بالسعر دا تجيب هيونداى اكسل 1500 و كاملة وفابريقة كمان و هى اكيد احسن من سوزوكى

**ANKOR** · 16-10-2008 12:09 PM

السعر ده عالي جدا على سويفت صديق لي اشترى سويفت 95 فابريكة بره وجوه و زي الفل بــــــ 30000

**muhmado_furp** · 16-10-2008 05:12 PM

السلام عليكم
اخي الكريم
انا بس عاوز اقولك ان السويفت 93 دي ياباني
ومن اول 94 مصري
والياباني سعره اعلي من المصري فموديل 95 مصري وسعره اقل من 93
دي حاجه

الحاجه التانيه 35000 كيلو تعتبر مش مشيت بس خد بالك من العداد لانه بيقلب بعد ال100000 كيلو فلازم تاخد بالك

السويفت لو مفهاش بارومه من جوه وعلي ابوها هتبقي احسن من الف اكسيل حتي لو كامله وده رائيي

التمن مش كتير بس في المقابل تكون مش محتاجه جنيه مصروف يعني اتاكد من التكيف والعفشه وكله يبقي تمام

انا رأئي تاخد صاحبيتها التوكيل وتعملها صيانه لاي حاجه هناك وهيا تتحمل التكاليف وبكده تكون كسبان

وربنا يوفقك

**hazem_khidr** · 17-10-2008 07:28 AM

انا حقول رايي بالنسبه للسعر
عربيتي السويفت ال 93 جابت ليا 33 الف
عربيتي راشه بره و فابريكه دواخل
و لولا ان اللي بيشتري شكله ما عجبنيش و جاب وسايط
و بعت ناس علشان يقللوا من العربيه و لما زهق عرض 33 كنت بعتها
بس اسلوبه ما عجبنيش
نيجي للعربيه دي طالما مش راشه بره لكن البويه وحشه زي ما بتقول يبقي زي ما الاستاذ محمد قالك
العداد ممكن يكون قالب فعلا مش 35 الف كيلو بس.
عموما ما تفرقش
لو تخلصها علي 35 يبقي كويس
و السويفت اجدع من الاكسيل بكتير خصوصا لو 93

**midoalfy** · 28-10-2008 08:12 PM

اوعى تشتريعا يا دى تاكسى بس و بعدين انت بتقول عندك لانوس

**emad2002** · 14-12-2008 09:46 PM

السعر عالى جدا وبعدين انت لسه حترش من الخارج على العموم العربية السويفت من العربيات الميكانيكا بتاعتها سهلة وبسيطه وعايز اعرفك حاجه كمان انا عندى استعداد ارجعلك اى عربية سويفت زيرو بالنسبة للموتور والعفشىة بس اهم حاجه الشاسية بدل كويس مفبش مشكله والله اخى انا اخلى عربية سويفت ب 6 ةالاف جنية عروسه يعنى انا شايف السعر عالى
وربنا يوفق