اشترى ix35 2015 جديد او مرسيدس 2004 مستعمل

المبلغ المتاح / 250 الف
نوع العربية / اشترى ix35 2015 جديد او مرسيدس 2004 مستعمل
خبرتك فى السواقة وسكك الصيانة / خبرة
الموديل / فوق ال 2004 او جديد
إستخدام السيارة فى الاغلب / داخل المدينة وخارج المدينة فى سفريات
الكماليات المرجوة / جميع الكماليات
إستهلاك البنزين / يفضل قليل
قطع الغيار / فى المعقول
اماكن الصيانة توكيل + ممكن ميكانيكية - يفضل الاتنين
التفرغ لأعمال الصيانة / ماعنديش وقت خالص
الاستمرار بالعربية لفترة / هاتستمر بيها فترة طويلة
سعر إعادة البيع / خسارة معقولة
اهم حاجات بتدور فيها على العربية /- قوة تحمل+- قلة اعطال+- الشكل الحلو
- ............
ملاحظات اخرى / .انا مرتاح اكتر للهيونداى ix35 2015 عشان شكلها وارتفاعها عن الارض
.فى انتظار مشاركة الاعضاء

مادام مرتاح للهيونداي يبقي اشتريها أنا ما أفضلش مرسيدس قديمة بغض النظر عن إنها ألماني بس الزيرو ليه طعم تاني و بعدين استهلاكها للبنزين عالي

اقتباس:

---

المشاركة الأصلية كتبت بواسطة ENG.MaRk

مادام مرتاح للهيونداي يبقي اشتريها أنا ما أفضلش مرسيدس قديمة بغض النظر عن إنها ألماني بس الزيرو ليه طعم تاني و بعدين استهلاكها للبنزين عالي

---

الفكرة ان والدى معاة مرسيدس 94 e200 وانا عالطول بسوقها وبصراحه حاسيس انها جامدة اوى على الطريق...
بس انا نفسى اجرب الجديد وعاوز المشورة والمساعدة من اهل الخبرة...

الاكثر مناسبه للطرق بتاعتنا ix35

المستقبل للعربيات suv عموما

وده من وجهه نظري

المرسيدس كعربيه طبعا لا تقارن الا بمثيلتها

لاكن انا مبحبش اكون اسير الزمن

يا تجيب مرسيدس موديل السنه يا ماجبهاش

تحياتي

و هو ده اللي أنا بتكلم فيه ... أنا مش بقلل من سمعة المرسيدس لأني بعشقها بمعني الكلمة بس مادام المبلغ اللي معايا مايجيبهاش جديدة يبقي خليني أحسن في حاجة جديدة و مع ذلك الهيونداي مش وحشة أوي و لكنها لا تقارن بالمرسيدس و بعدين أصلا المرسيدس فات عليها 10 سنين بينما الهيونداي زيرو و ممكن يكون ملعوب في المرسيدس أو يكون صاحبها مهمل فيها

و كمان المبلغ ده ممكن يجيب بي ام x1 موديل 2012 كسر زيرو و مادام حضرتك عايز حاجة SUV و ألماني يبقي x1 أحسن خيار ليك لأنك هتبقي ضربت عصفورين بحجر ( ألماني و كمان موديل جديد )

الهيونداى من غير تفكير كفايه انها زيرو وبعدين المرسيدس بردو موديلها قديم من 10 سنين

اقتباس:

---

المشاركة الأصلية كتبت بواسطة eng.mark

و كمان المبلغ ده ممكن يجيب بي ام x1 موديل 2012 كسر زيرو و مادام حضرتك عايز حاجة suv و ألماني يبقي x1 أحسن خيار ليك لأنك هتبقي ضربت عصفورين بحجر ( ألماني و كمان موديل جديد )

---

انا مش مرتاح لكسر الزيرو او مستعمل حتى لو 2012
انا فعلا اتفرجت وجربت ال ْbmw x1 2014 طبعا لا غبار عليها وسعرها 350 الف
بس فرق السعر 100 الف ورفاهيه واوبشن ال ix35 2015 يتفوق عليها
حضرتك كدة خلتنى اعيد المقارنه بين الاثنين
مع العلم انا شغلى شهر داخل مصر وشهر فى الخارج واستعمالى للعربيه خفيف مش كتير..

المقارنة دي أصلا حرااام
الـix35 تعتبر تكتك جنب المرسيدس و بالأخص لو تقصد الـw211

اقتباس:

---

المشاركة الأصلية كتبت بواسطة HOSSAM99

المقارنة دي أصلا حرااام
الـix35 تعتبر تكتك جنب المرسيدس و بالأخص لو تقصد الـw211

---

حرام ليه يا صديقى...انا عارف ان كلامك صح والمقارنه غير عادلة بس انا بقارن موديل 2015 وموديل 2004 يعنى 11 سنه فرق المفروض يشفعو ليهيونداى..
وبعدين ازاى حضرتك تقول ix35 2015 عليه تكتوك...
حضرتك قفلت نفسى من ناحيتها مع انها داخله دماغى اوى بس يا ريت حد يشجعنى عليها او يقترح البديل...

اقتباس:

---

المشاركة الأصلية كتبت بواسطة moh'd soliman

حرام ليه يا صديقى...انا عارف ان كلامك صح والمقارنه غير عادلة بس انا بقارن موديل 2015 وموديل 2004 يعنى 11 سنه فرق المفروض يشفعو ليهيونداى..
وبعدين ازاى حضرتك تقول ix35 2015 عليه تكتوك...
حضرتك قفلت نفسى من ناحيتها مع انها داخله دماغى اوى بس يا ريت حد يشجعنى عليها او يقترح البديل...

---

شوف يا فاندم
Ix34 عربيه جميله لكن متسواش فلوسها طالما الفلوس دي ممكن تجيب W211
أو بي أم الفئة الخامسه
نقطه تانيه : و لا 11 سنه و لا 30سنه تفرق مع عربيه مرسيدس طالما مصانه صح لكن صدقني أنا بعد 5 سنين هاتشوف علامات الشيخوخة علي أي عربيه تجاريه زي الهيونداي
ليه مش قلة علم من هيونداي و لا تخلف من الكوريين لأ هو الخبير صنع هيونداي عمرها 5 سنين و الخبير التاني صنع المرسيدي تعيش بالنصف قرن و بعد النصف قرن لو حالتها حلوه يتقال عليها كلاسيك و تتباع بأتمان خرافيه
ده مختصر
نقطة تالته :الرفاهيه و الحداثه و البرستيج و الأمان و خلافه هايكون في صالح العربيه الأصليه (مرسيدس) و ده هايكون في مواجهة زهوة الزيرو اللي مسيرها في يوم هاتروح
أخيرا : العربيات أمزجه و أنا ركبت هيونداي بداية من إلانترا 1996 في سنتها و مكنش حد يعرفها و لا يعرف هيونداي أصلاً و بحب هيونداي لكن لغاية المقارنه بعربيه تقيله زي المرسيدس مقدرش
الـix35 جميله و محدش أشتكي منها و مفيش مانع فني من شراها
معلش طولت عليك

اقتباس:

---

المشاركة الأصلية كتبت بواسطة hossam99

شوف يا فاندم
ix34 عربيه جميله لكن متسواش فلوسها طالما الفلوس دي ممكن تجيب w211
أو بي أم الفئة الخامسه
نقطه تانيه : و لا 11 سنه و لا 30سنه تفرق مع عربيه مرسيدس طالما مصانه صح لكن صدقني أنا بعد 5 سنين هاتشوف علامات الشيخوخة علي أي عربيه تجاريه زي الهيونداي
ليه مش قلة علم من هيونداي و لا تخلف من الكوريين لأ هو الخبير صنع هيونداي عمرها 5 سنين و الخبير التاني صنع المرسيدي تعيش بالنصف قرن و بعد النصف قرن لو حالتها حلوه يتقال عليها كلاسيك و تتباع بأتمان خرافيه
ده مختصر
نقطة تالته :الرفاهيه و الحداثه و البرستيج و الأمان و خلافه هايكون في صالح العربيه الأصليه (مرسيدس) و ده هايكون في مواجهة زهوة الزيرو اللي مسيرها في يوم هاتروح
أخيرا : العربيات أمزجه و أنا ركبت هيونداي بداية من إلانترا 1996 في سنتها و مكنش حد يعرفها و لا يعرف هيونداي أصلاً و بحب هيونداي لكن لغاية المقارنه بعربيه تقيله زي المرسيدس مقدرش
الـix35 جميله و محدش أشتكي منها و مفيش مانع فني من شراها
معلش طولت عليك

---

ان متفق معاك فى كل كلمه قولتها
السؤال منين أقدر اشترى مرسيدس 2004 او 2005 تكون بحاله كويسه ومضمونه
وبعدين انا مه عنديش وقت ولا طوله بال مع الميكانيكة وصيانة وورش ووجع دماغ
عشان كدة انا ميال للجديد وعلى قد المبلغ المتاح معايه

فيه حاجة مهمة.. حضرتك ميزانيتك تجيبلك سي 180 موديل 2010.. أو سي 200 موديل 2008 لو حضرتك حابب موتور أقوى.. والاتنين الصراحة لا يقارنوا أبدا أبدا بالآي إكس 35.. أداء مختلف تماما.. أنا بكلم حضرتك عن تجربة.. والدي معاه سي 200 موديل 2009 وصديقي المقرب معاه أي إكس.. وسقت الاتنين كتير.. جوة البلد وفي سفر للساحل.. شتان فعلا.. الآي إكس فعلا لعبة أطفال مقارنة بالمرسيدس..!

رأي الزيرو طبعا

المرسيدس هتكون موديل 2010 بالسعر دا .. اعتقد صفقه رابحه لو الحاله كويسه
بس الهيونداي عجباني باللون الأبيض و عشان suv والمطبات !
فعلا موضوع محير
توكل علي الله و هات الزيرو عشان تريح نفسك من جو الصنايعيه

انا ناويت على ix35 2015 الزيرو وهاصلى استخارة عليها
انا عارف ان المرسيدس لا يقارن بس مع تعب الصنايعيه وعطلة الوقت الزيرو يكسب
انا والدى معاة زلاموكة 94 e200 بس طبعا كل شويه عاوز قطع غيار ليها اشى عفشه مساعدين كابالان يظبط كهربا العربيه بتسخن....انا بصراحة مش فاضى للكلام دة...

اقتباس:

---

المشاركة الأصلية كتبت بواسطة moh'd soliman

انا ناويت على ix35 2015 الزيرو وهاصلى استخارة عليها
انا عارف ان المرسيدس لا يقارن بس مع تعب الصنايعيه وعطلة الوقت الزيرو يكسب
انا والدى معاة زلاموكة 94 e200 بس طبعا كل شويه عاوز قطع غيار ليها اشى عفشه مساعدين كابالان يظبط كهربا العربيه بتسخن....انا بصراحة مش فاضى للكلام دة...

---

اختيار موفق وغير تقليدي

توكل علي الله