كيا سبورتاج 2015 أم هيونداي ix35 2015
الاعضاء الكرام،
طبعا الموضوع ده اتقتل بحث وادفن كمان :) لكن بصراحة انا كنت استقريت خلاص علي الكيا السبورتاج اول فئة 213،000 ورايح احجزها بس مكانتش موجودة، شوفت الهيونداي ix 35 ثاني فئة بـ 225،000 بس بصراحة فيها كل حاجة (كل حاجة بمعني الكلمة ماعدا فتحة السقف)
انا عارف ان الاثنين شركة واحدة والاثنين تقريبا نفس قطع الغيار
بس انا كان معايا كيا سيراتو 2010 وكنت مبسوط بيها اوي ومكنتش حاسس انها وحشة، ومراتي معاها النترا 2013 الشكل الجديد وبصراحة اما كنت بسوق عربيتها كنت بحس اني مش مستريح كده، يمكن تقفيل الكيا احسن؟ جايز ..... يمكن الكيا امتن؟ ممكن
بس بصراحة الحاجتين اللي اقدر اقول انهم كانوا في صالح ال النترا،
1. التكيف افضل من الكيا مش اقل من 50%
2. خفيفة اوي علي الطريق
انا محتاااااااااااااااااار
وانا مش عايز حاجة غير دول عشان انا شوفت كل حاجة وعايز اجيب كروس اوفر
وطبعا القشقاي مرفوضة بعد ما سوقتها وحسيت اني راكب عربية صيني (ده رأيي محدش يزعل) ولا ال سوبارو ولا الجوك
شكرا