سؤال لساكنى مدينتى!!!!!

**a_samy** · 29-06-2014 02:07 PM

السلام عليكم يا شباب وكل عام وأنتم بخير
أنا معروض عليا شقه 97 م فى مدينتى قبلى فى الدور الأخير,أنا محتار جدا هل أشتريها وبعدين أعانى من الحر والسخونه بتاعة الشقه عشان قبلى وفى الدور الأخير...لو حد جرب يعيش فى شقه فى الدور الأخير فى مدينتى وقبلى ياريت يفيدنى فى النقطه دى...وكمان كنت عاوز أسأل عن الخدمات جوه المدينه ولو حبيبت أدخل أولادى المدارس هعرف أدخلهم فى المدارس الموجوده هناك ولا الحياه هتبقى غاليه؟؟؟؟؟

**ahmedfouad** · 29-06-2014 10:29 PM

انا كنت عايش فى شقة دور اخير وقبلى غربى
ومع العلم ان السقف كان العزل فوم 10 سم
لكن كانت جحيم والعياز بالله
السلم مافيهوش مشكلة لانك هتتعود عليه
وكمان مفيد جداً للقلب
لكن الحر هتحتاج تكييف مركزى للشقة بلا مبالغة
وهيشتغل على طوول

انا مش بشوه لحد شقته
بس حضرتك بتسأل وانا قريت سؤالك وبرد بامانة
وربنا معاك

**a_samy** · 29-06-2014 10:58 PM

المشاركة الأصلية كتبت بواسطة ahmedfouad

انا كنت عايش فى شقة دور اخير وقبلى غربى
ومع العلم ان السقف كان العزل فوم 10 سم
لكن كانت جحيم والعياز بالله
السلم مافيهوش مشكلة لانك هتتعود عليه
وكمان مفيد جداً للقلب
لكن الحر هتحتاج تكييف مركزى للشقة بلا مبالغة
وهيشتغل على طوول

انا مش بشوه لحد شقته
بس حضرتك بتسأل وانا قريت سؤالك وبرد بامانة
وربنا معاك

حضرتك بتتكلم عن مديبنتى؟
اللى اعرفه ان كل العمارات فى مديبنتى فيها اسانسير واللى اعرفه كمان ان العزل فبها حوالى 24 سم

**ramymechanics** · 29-06-2014 11:52 PM

مدينتى والرحاب لا انصح بدور اخير نهائيا لسببين غير الحر .... أولا عشان المية كتير بتضعف عالأدوار العليا والحاجة التانية سعر اعادة البيع بتاعها فالضياع ... مدينتى والرحاب دور اول او تانى وانا افضل الأول كمان لأنه بيتباع هوا

**mr_vampire** · 30-06-2014 02:03 AM

طيب معلش هو سعر المتر هناك كام ؟؟؟؟ وهل هي كلها عمارات وشقق ولا ممكن حد ياخد منزل مثلا دورين وكدة زي شاليه لاني مروحتش هناك خالص قبل كدة ؟؟؟؟

**ramymechanics** · 30-06-2014 02:42 AM

المشاركة الأصلية كتبت بواسطة mr_vampire

طيب معلش هو سعر المتر هناك كام ؟؟؟؟ وهل هي كلها عمارات وشقق ولا ممكن حد ياخد منزل مثلا دورين وكدة زي شاليه لاني مروحتش هناك خالص قبل كدة ؟؟؟؟

المتر هناك لو هتشترى من حد شارى وعليه اقساط لسة يعمل فى رينج 6000 يزيد او يقل حسب عوامل كتيرة اوى

المبانى فى مدينتى اما عمارات 6 ادوار أو فلل

**mr_vampire** · 30-06-2014 02:52 AM

المشاركة الأصلية كتبت بواسطة ramymechanics

المتر هناك لو هتشترى من حد شارى وعليه اقساط لسة يعمل فى رينج 6000 يزيد او يقل حسب عوامل كتيرة اوى

المبانى فى مدينتى اما عمارات 6 ادوار أو فلل

والمستوي يستاهل بقي السعر ده ولا قلبت علي اكتوبر وكدة ؟؟؟

وهي فعلا مدينة متكاملة بقي بامن ومدارس ومستشفيات وكدة ولا ايه النظام ؟؟؟؟

معلش اسف علي كثر الاسئلة.

**ramymechanics** · 30-06-2014 03:24 AM

المشاركة الأصلية كتبت بواسطة mr_vampire

والمستوي يستاهل بقي السعر ده ولا قلبت علي اكتوبر وكدة ؟؟؟

وهي فعلا مدينة متكاملة بقي بامن ومدارس ومستشفيات وكدة ولا ايه النظام ؟؟؟؟

معلش اسف علي كثر الاسئلة.

هى معمولة عشان تبقى راقية بس طلعت مصطفى مبقتش أثق فيهم اوى اليومين دول و كان فيه كام مشكلة قريب معاهم من السكان بسبب التأخير فى جمع الزبالة وشوية مشاكل كدة اللى يقلق فى مدينتى ان عدد الوحدات مهول جدا لأن مساحتها اربع اضعاف الرحاب بالاضافة ان كل مبانيها اعلى وعدد الوحدات فالدور اكتر .... بالنسبة للمدارس نص المدارس باصاتها بتروح هناك انا مدرسة بنتى فالعبور وليها باصين بيروحوا مدينتى و 3 باصات بييجوا هنا الرحاب من الناحية دى اطمن

بس بردو تظل الرحاب ومدينتى مكان تعيش فيه وانت مبسوط

**mr_vampire** · 30-06-2014 03:27 AM

المشاركة الأصلية كتبت بواسطة ramymechanics

هى معمولة عشان تبقى راقية بس طلعت مصطفى مبقتش أثق فيهم اوى اليومين دول و كان فيه كام مشكلة قريب معاهم من السكان بسبب التأخير فى جمع الزبالة وشوية مشاكل كدة اللى يقلق فى مدينتى ان عدد الوحدات مهول جدا لأن مساحتها اربع اضعاف الرحاب بالاضافة ان كل مبانيها اعلى وعدد الوحدات فالدور اكتر .... بالنسبة للمدارس نص المدارس باصاتها بتروح هناك انا مدرسة بنتى فالعبور وليها باصين بيروحوا مدينتى و 3 باصات بييجوا هنا الرحاب من الناحية دى اطمن

بس بردو تظل الرحاب ومدينتى مكان تعيش فيه وانت مبسوط

شكرا يافندم عالمعلومات.

اخيرا هل فيه ويب سايت للرحاب ومدينتي ادخل اتفرج علي تقسيمات الوحدات ومساحاتها والعمارات واسعارهم ونظام الدفع وكدة ؟؟؟؟؟

**ramymechanics** · 30-06-2014 03:38 AM

[COLOR="DarkGreen"][SIZE="5"][B]كل الشغل هناك عن طريق سماسرة دى صفحة بتعتبر ترمومتر للأسعار ومعروض فيها حاجات كتير

[url=http://www.madinatyonline.net/realestate_view_category_rehaby_in.php]