تجربتي مع توكيل جسر السويس .. سيفيك 2008

**gogo510** · 29-06-2014 05:02 PM

امبارح رحت ل التوكيل اللي في جسر السويس وحبيت اشاركم التجربه .. دا كان عشان ان معايا سيفيك 2008 وكانت بتستهلك بنزين الضعف تقريبا 20 لتر /100 كم

وبصراحه المعامله كانت اللي حد ما سيئه بس الواحد كان عاذرهم عشان كانت الزحمه شديده

وبعد الكشف ع العربيه طلع تقرير ان العربيه محتاجه
ضبط تاكيهات وسوفتوير للموتور وسوفت للفتيس 400 جنيه
وتغيير فلتر بنزين 800
وطقم اصلاح للدركسيون 3600
وطنابير 2600
بليه شداد للموتور 1500

بصراحه حسيت الاسعار عاليه جدااااا وحسيت ان العربيه ضايعه

وقولت هعمل التاكيهات والسوفت
وفعلا ضبطوها بس بعد بتاع 4 ساعات من الانتظار والشغل نفسه مخدش نص ساعه
واستغربت ان فلتر البنزين عايز يتغير مع انها بتسحب جامد بنزين

بعدها اخدت العربيه علي طريق السفر وبجد انبهرت جدا من اداء الموتور .. حسيت انهم ركبوا موتور تاني
حسيت ان اداء الموتور رياضي جدا بس في نفس الوقت الار بي ام معدش بيطلع بسرعه يعني كان الاول بيطلع بسرعه ل6 و7 دلوقتي بيطلع ل4 وبياخد وقت شويه عشان يطلع ل6

وبالنسبه لاستهلاك البنزين اللي حسبته كان 8كم/لتر مع التكييف

كنت عايز اخد رايكم في اسعار الحاجات الباقيه دي طبيعيه ولا هلاقيها ارخص بره مع العلم دي اسعار الحاجه بتركيبها ..
وان دي اول عربيه ليا

شكرا

**hugan** · 29-06-2014 07:45 PM

طنابير 2600
اصلاح علبه دركسيون 3600
بليه شداد 1500
ليه هي طياره

**monamize4** · 30-06-2014 03:53 AM

طنابير ايه يا جماعة اللى ب 2600 !!!!!!!!!!!!
ليه ؟ فاكرين نفسهم مرسيدس ؟!!!!

و لما تصليح علبة الدركسيون ب 3600 ,,, امال سعر العلبة نفسها بكام ؟!!!!

**gogo510** · 02-07-2014 10:52 AM

طب ممكن اعرف اسعار القطع اللي انت جبتها ..التيل والبوجيهات وزيت الفتيس .. ياريت بردو لو تقولي زيت الفتيس بيتغير كل اد ايه؟؟؟

**aelmohamady** · 02-07-2014 06:21 PM

على فكرة انا عادى انك تظبط تاكيهات انما يعنى ايه سوفت وير ماتور وسوفت وير فتيس؟ ده اسمة نصب

Sent from my samsung GT-I9152 using Forum Runner

**zoma ahmed** · 02-07-2014 07:09 PM

المشاركة الأصلية كتبت بواسطة gogo510

طب ممكن اعرف اسعار القطع اللي انت جبتها ..التيل والبوجيهات وزيت الفتيس .. ياريت بردو لو تقولي زيت الفتيس بيتغير كل اد ايه؟؟؟

بوجيهات والدي جابهالي من السعودية بس تقريبا سعرها هنا في حدود 470 -550 تقريبا
جوان التاكيهات ب 125
زيت الفتيس ب 330 وبيتغير كل 40 الف كيلو
تيل امامي ب 720
وانا تحت امرك في اي استفسار

**banzai** · 02-07-2014 09:16 PM

المشاركة الأصلية كتبت بواسطة aelmohamady

انما يعنى ايه سوفت وير ماتور وسوفت وير فتيس؟ ده اسمة نصب

Sent from my samsung GT-I9152 using Forum Runner

انا نفسى افهم برده الحته دى , المفروض التاكيهات هتظبط و الكنترول هيظبط نفسه حتى لو اتعمله ايدل
على حد معلوماتى السوفت وير ده لو هتركب حاجات افتر ماركت كامه او بساتم او هتركب تيربو
يا ريت حد من اهل الخبره يفيدنا يعنى ايه سوفت وير لموتور ستوك (اقتصادى) و فتيس كمان؟

The new DBW (Drive By Wire) system on the R18A now constitutes a major and crucial part of the R18A's SOHC i-VTEC mechanism. Firstly, it provides the high-precision control over the throttle valve required while the valve timing is being changed over, ensuring smooth driving performance that leaves the driver unaware of any torque fluctuations. Secondly, and more importantly, during the economy mode there is the unusual, and conflicting situation where while the throttle pedal is at an almost completely closed position, the throttle butterfly in the throttle body is in an almost completely opened position, the exact opposite ! However, this relationship only applies when the engine is running in economy mode, when VTEC has activated the fuel economy cam lobes. In normal running, the normal relationship between throttle pedal position and throttle butterfly opening remains, i.e. light throttle means small throttle butterfly opening, etc. Thus the SOHC i-VTEC mechanism used in the R18A is only possible with a DBW system.

http://asia.vtec.net/Engines/RiVTEC/

**gogo510** · 03-07-2014 09:03 AM

بالنسبه للي فهمته ان سوفت وير موتور دا بيظبط وحده الكنترول وطريقه تظبيط الهوا والبنزين مع الرشاشات علي حسب كلامه انا كنت اقدم ب2 فيرجن .. ودا لانهم كل شويه بيغيروا في طريقه الاحتراق عموما عشان يعلي الاداء

اما بالنسبه لسوفت الفتيس الاتو .. دا انت بتقولو لو عايز سواقتك تبقي رياضيه 100% او تبقي عاديه وممكن تعمل كيك داون ... السوفت دا بيتحكم في النقلات تبقي عند كام ار بي ام .. وكمان بالنسبه ليا الار بي ام كان بيوصل 6 باقل لمسه بنزين .. دلوقتي بقت 4 ولازم تدوس شويه عشان تعلي معاك