الموضوع: تنبية لمالكى المواتير الحديثة و gm مثل الكروز و الاسترا بالنسبة للزيوت المستخدمة

البداية كانت انى نسيت اخد الكتالوج من المعرض فنزلتة من النت

و مكتوب ان GM بتنصح بلزوجة 5w30

و طبعا دة كتالوج امريكي

المهم لقيت ان زمايلنا في المنتدى في الكتالوج بتاعهم اوبل او شيفورلية مكتوب ان 5w40 or 5w30


بقالى 48 ساعة باخد جولات على النت للتأكد من ايهما افضل و طلعت بالمعلومات دى


الارقام دى ملهاش اى علاقة نهائي بدرجة حرارة الجو او البلاد لأن درحة حرارة الماتور ثابتة وهى الفيصل.

ال 5 دة رقم اللزوجة في الشتا و ال30 او 20 او 40 رقم اللزوجة في الصيف

الموبيل1 لونج لايف 0w40 ملوش لازمة لان ال 0 دى للبلدان اللى درجة الحرارة فيها -25

.
.

يستخدم ال 40 اكثر في مواتير الربع نقل او الديزل trucks لوسع خلوص الموتور

المواتير الحديثة محتاجة لزوجة خفيفة ذى ال 30 و ال20 عشان الزيت يقدر يوصل لكل اجزاء الماتور الدقيقة الضيقة اللى ممكن ال40 يجاهد عشان يوصلها

ال40 حيوصل برضوا بس حيتطلب مجهود اعلى من الموتور عشان بالبلدى كدة يزق الزيت لكل اجزاء الماتور الدقيقة و الجهد دة بيفقد الماتور احصنة و بيسبب خشونة وتأكل على المدى البعيد


ال 30 حيشتغل في اى اجواء و اى حرارة ذية ذى ال 40 بالعكس الخفة بتاعتة بتريح الماتور ويخلية يطلع كل الاحصنة بدون فاقد


مواتير ال GM والامريكاني مع الزيوت الثقيلة ذى ال 50 او ال 40 على المدى الطويل ممكن تؤدى الى فشل في طرمبة ضخ الزيت و فشل في وصول الزيت لكل اجزاء الماتور و بالتالى لفشل الموتور على تقريبا 300الف كيلو (محتاجة تأكيد)

ال 30 عشان خفيف يفضل انك متصبرش علية كتير يعنى يتغير قبل ميعادة ب 500كيلو مثلا عشان الخفة دى بتخلية يتطاير ويستهلك على عكس ال40 اللزوجة التقيلة بتخلية يقعد اكتر


اول 250الف كيلو خليك على ال 30 بعد كدة ممكن تنقل لل 40

كل الكلام دة عن الزيوت التخليقية الحديثة

يفضل في المواتير الزيرو ال 30 ولا ضرر من استخدام ال40 مرة او اتنين لو مش موجود ال30

حوة امريكا ll04 برة امريكا ll01 دة رقم للبنزين تقريبا بيبقي مكتوب على علبة الزيت


.
.
.

و علية استخدموا ال 5w30 حتى لو التوكيل معندوش غير ال 40 اشترى ال 30 من برة


والله اعلى و اعلم

ويرجي الافادة اكثر من خبراء الزيوت

المشاركة الأصلية كتبت بواسطة toty_305

-قلنا كده كتير بس الناس عندها فكر كل ما الرقم يكبر يبقى أحسن دي فيه ناس كانت بتقنعني ب castrol 10w-60 :D

10 60 دة يتحط في نص نقل مش ربع او في موتور عامل مليون كيلو مثلا

المشاركة الأصلية كتبت بواسطة john55

توكيل غبور غير شل الترا من 5w40الي 5w30في اخر صيانه انا عملتها من اسبوع فرق واضح في صوت الموتور والتسقيف فعلا النسبه الاقل احسن بكتير وشكرا

حتلاقي المفروض كمان ان استهلاك البنزين اتحسن

المشاركة الأصلية كتبت بواسطة Karim_Monir

كلامك نظريا مظبوط جدا
لكن علي ارض الواقع
ال 5/30 بعد اربع او 5 الاف كم ادائه بيقل كتير جدا
كلامي مع 4 انواع زيت ليس بينهم موبيل لاني مستحيل احطة ولا شيل لانه مبينزلش 5/30
ال 5/30 لو جداي من مشوار زي شرم للقاهرة في عز الصيف بعد 3 او 4 ساعات سواقه هاتعرف ان سحب العربية بقي وحش جدا وده محصلش مع ال 5/40 اطلاقا

كنت بتكلم في شكوكش دي مع صديقنا مصطفي عياد (فورميلاتور) وعارفين قد ايه انه بيفهم عربيات صح
قالي نفس الكلام فعلا
وانه مع الفيات بتاعتة المتربنة نفس الكلام بالظبط وبقي بيحط 5/40

كلامي علي البي ام طبعا لان توصيات الصانع 5/30 او 5/40 والعربية كانت لسه بحالة موتورها وكيلومتر قليل

عجيبة يا كريم دي البي ام برة علي قد ما قريت بيتخانقوا يتحط 20 ولا 30 ! و المواتير المتربنة بيحطوا 20

انا مستغرب لان المفروض نظريا درجة حرارة الموتور ثابتة طالما وصل لل ideal فمشوار في الصيف او الشتا في عز الحر او الساقعة هو درجة الموتور الداخلية ثابتة وبتلعب في رانج بسيط جدا طالع و نازل و التبريد هو اللي علية العبء


طب اخدت بالك من LL01 او كام عشان بتفرق من نوع البنزين

ممكن يبقي زيوت30 تجريبية بس لبنزين بلدها مش بتاعنا