العربيه اخرها 160؟؟؟؟؟؟؟؟؟؟؟؟؟؟؟؟؟ ليه؟محتاج مساعدة الخبراء

اولا كل عام وانتم بخير ورمضان كريم اعاده الله عليكم وعلي الامه الاسلاميه كلها بالخير واليمن والبركات

السلام عليكم اناالعربيه حاولت اجري بيها علي الطريق الدولي بتاع دمياط مفروض ان زي ما الناس هنا بتقول عن العربيه ان تجميعها كويس بعد سرعة 60 وفعلا تجميعها كويس لحد سرعة 100 وبعدين بيقل التجميع جدا جدا وبعد مجهود جبار جابت 160 بالعااااااااااااافيهومرضي تش تجيب اكتر من كده هل ده طبيعي؟
عربيتي a516موديل 2008 عداد 66000 كم ومغير بوجيهات جديده بوش 3 شمعه وزيوت وفلاتر
هل ده طبيعي ولا ايه اللي بيحصل؟
المشكله التانيه بقا
معلش بتقل عليكم بس محتاج فعلا مشورة اهل الخبره
كنت باسمع صوت زي تكتكه كده لما اكون باخد يوتيرن يمين او شمال
ورحت للعفشجي وقال كبالن وغيرت كوبلن يمين وكوبلن شمال بس الصوت ماراحش
ايه بقا المشكله؟هل ممكن تكون كبالن داخليه؟لان هوا غير الخارجي وسالته علي الداخلي قاللي سليم انتم ايه رايكم؟
ياريت اهل الخبره يفيدوني

المشكلة الاولى: الاسبيرانز a516 موتور مش بتاع جري يعني اخرة فعلا ال160 كم
المشكلة التانية: روح شوف الكبالن الداخلية الاول عند عفشجي تاني و لو كويسين زي ما قال دة شوف علبة الدركسيون سليمة ولا لأ

المشكله الاولى .. نظف دوره البنزين وشوف

لو كبالن داخليه هتحس العربيه وهي علي سرعه عاليه برعشه فيها دي اعراض الكبالن الداخليه ممكن تشوف البطاحات عامله ايه

اقتباس:

---

المشاركة الأصلية كتبت بواسطة j a g u a r

المشكله الاولى .. نظف دوره البنزين وشوف

---

ممكن اعرف ازاي انضف دورة البنزين ؟هل باستعمال زيت التنظيف اللي بيتحط مع التفويله ؟لاني حطيته وحاسس ان زي ما هيا ولا فيه حاجه تاني؟


وبالنسبه لموضوع ان كده اخر سرعتها انا شفت مواضيع لناس هنا في المنتدي جابت 170 وكان العربيه لسه ممكن تجيب كمان وفيه مواضيع تانيه ناس جابت 200


وبالنسبه للطقطقه هشوف عفشجي تاني واقولكم النتيجه بس شويه كده لاحسن العربيه خربت بيتي اليومين دول
وربنا يستر
وشكرا لكم جميعا ولو فيه اراء اخري يا جماعه ياريت نقولها

بسم الله ...

في اسباب كتير لعدم وصول العربية للسرعة القصوي ...

1 .. ايه اخبار المتور و ظبطته ....مش هنروح نكشف ولا ندفع حاجة .... دوس بنزين للاخر و اتأكد ان العربية بتفصل عند العلامة الحمرا لعداد لفات المتور ...لو بتفصل بدري تبقي هتحتاج تتحط علي الكمبيوتر ..
2.. اي اخبار طقم الدبرياج .. لو تعبان عمر ما العربية هتجمع كل طاقة المتور للفتيس و هتهدر جزء كبير
3.. فلتر بنزينك و بوجيهاتك و نضافة البنزين نفسه .... انت بتقول لسة مظبط
4.. ضغط العجل ... لو الكاوتش مهوي هتبقي ابطء من العادي

و اخيرا .... انت بتحرق ولا خايف تدوس بنزين .... انا عندي من 180 ل 200 عايزة حرق بقلب جامد .... في ناس بتخاف ...

اقتباس:

---

المشاركة الأصلية كتبت بواسطة omar2017

المشكلة الاولى: الاسبيرانز a516 موتور مش بتاع جري يعني اخرة فعلا ال160 كم
المشكلة التانية: روح شوف الكبالن الداخلية الاول عند عفشجي تاني و لو كويسين زي ما قال دة شوف علبة الدركسيون سليمة ولا لأ

---

انا جبت بيه 180 و كان ممكن اجيب تاني بس الطريق كان اتقفل

في حاجة ممكن تخلي سرعة العربية تقل او تعديش سرعة معينة
وهي الطريق لو في مرتفع يعني الطريق طالع لفوق دا سبب والسبب التاني سرعة الرياح وخصوصا لو كانت ف عكس اتجاهك او متعامدة على اتجاه سيرك وقتها هتحس انه مفيش ثبات

دا غير ضغط الكاوتش والبنزين وحالة المتور ويفضل ان بتكون حارق على الغيارات على قد ما تقدر عشان توصل للسرعة المطلوبة

العربية ممكن تجيب 180 بسهولة لو الطريق مساعد و العربية مظبوطة

شكرا لكل الردود من الاخوه الافاضل وانا هجرب اللي قاله استاذنا هيما وهاحرق جامد علي الغيارات واشوف ايه اللي هيحصل.بس صحيحي حضرتك بتقول ادوس دواسة البنزين للاخر لما باعمل كده العربيه مش تسحب خااااااالص بالعكس الحب بيقل جداوالميكانيكي بيقولي ده طبيعي لان دواستها كهربا مش واير وعلي فكره هوا كشف عليه بالكمبيوتر وبيقولي كله تمام والعربيه كويسه بس مش حاسس بكده خااالص ياريت تفيدوني يا جماعه ضروري لان اعصابي تعبت وبالنسبه للبوجيهات لسه مغيرها جديده بوش 3 شمعه وفلتر البنزين الميكانيكي قال عليه كويسولا اغره برده؟ بس الغريب بقا ان العربيه بتسحب كويس لحد سرعة 120 لو انا علي الغيار الرابع لكن لو جبت الغيار الخامس السرعه بتزيد بالعافيه.متهيا لي لو طقم الدبرياج مش كويس مكنتش السرعه هتزيد كويس في الاول ولا ايه راي حضرتك؟ والميكانيكي مش عارف فيها ايه وبيقول انها كويسه ومفيهاش حاجه بس كده علي كلام حضرتك فيه مشكله
توقعات حضراتكم ايه للمشكله دي؟

اقتباس:

---

المشاركة الأصلية كتبت بواسطة drmedo82

ممكن اعرف ازاي انضف دورة البنزين ؟هل باستعمال زيت التنظيف اللي بيتحط مع التفويله ؟لاني حطيته وحاسس ان زي ما هيا ولا فيه حاجه تاني؟

---

هو فى انواع زيوت كويسه للتنظيف بس انا مش عارفها

تقريبا فيه زيت امريكي اسمه ابرو هجرب كده اشتريه واحطه مع التفويله بس ادعيلي الاول اني الاقي بنزين احط حتي 10 لتر مش تفويله

اقتباس:

---

المشاركة الأصلية كتبت بواسطة hemaa_82

بسم الله ...

في اسباب كتير لعدم وصول العربية للسرعة القصوي ...

1 .. ايه اخبار المتور و ظبطته ....مش هنروح نكشف ولا ندفع حاجة .... دوس بنزين للاخر و اتأكد ان العربية بتفصل عند العلامة الحمرا لعداد لفات المتور ...لو بتفصل بدري تبقي هتحتاج تتحط علي الكمبيوتر ..
2.. اي اخبار طقم الدبرياج .. لو تعبان عمر ما العربية هتجمع كل طاقة المتور للفتيس و هتهدر جزء كبير
3.. فلتر بنزينك و بوجيهاتك و نضافة البنزين نفسه .... انت بتقول لسة مظبط
4.. ضغط العجل ... لو الكاوتش مهوي هتبقي ابطء من العادي

و اخيرا .... انت بتحرق ولا خايف تدوس بنزين .... انا عندي من 180 ل 200 عايزة حرق بقلب جامد .... في ناس بتخاف ...

---

عملت النهارده بنصيحتك وحرقت علي الغيارات من اول التاني جبت بيه 80
والتالت حوالي 120 والرابع جبت بيه لحد 160 والطريق مسمحش أي اجيب الخامس
عملتها حوالي 3 مرات النهارده في كل مره ملحقتش اجيب الخامس
ايه راي حضرتك كده؟المشكله فين؟اسس اني لو كنت جبت الخامس العربيه برده مكنتش هتسحب ولا ايه رايك؟

علي فكرة انا مستحيل اجيب 200 علي الخامس ... الخامس عندي اخره 180...
لما بحب اجيب 200 بسقط التالت و احرق لحد 6الاف لفة و اجيب 150 عليه و بعدين الرابع لحد ال 200.... انما الخامس مبيطلعش الفات عن 4.5 او 5

اقتباس:

---

المشاركة الأصلية كتبت بواسطة hemaa_82

علي فكرة انا مستحيل اجيب 200 علي الخامس ... الخامس عندي اخره 180...
لما بحب اجيب 200 بسقط التالت و احرق لحد 6الاف لفة و اجيب 150 عليه و بعدين الرابع لحد ال 200.... انما الخامس مبيطلعش الفات عن 4.5 او 5

---

افهم من كده ان عندي مشكله يا مستر هيما؟
لان انا التالت عندي علي 120 بيبقا علي 6000 لفه
والرابع علي 160 او 165 بيبقا علي 6000 لفه لكن علي كلام حضرتك انك علي 600 لفه علي التالت بتبقا علي سرعة 150 وعلي 6000 لفه علي الغيار الرابع بتبقا علي سرعة 200 معنا كده انا عندي مشكله؟
وايه في رايك طبيعة المشكه؟

الاستاذ هيما بيتكلم عن ام 11 هي اللي غياراتها كدا
بينما 516 اقل من كدا في الغيارات

اقتباس:

---

المشاركة الأصلية كتبت بواسطة abdulhafeez

الاستاذ هيما بيتكلم عن ام 11 هي اللي غياراتها كدا
بينما 516 اقل من كدا في الغيارات

---

اهااااااااااااااااااااااا تمام
طب يعني انا الوضع عندي كده تمام ولا برده اقل من الطبعي؟

516 .......... الغيار الاول آخره 45

الغيار التاني آخره 80
الغيار الثالث آخره 130
الغيار الرابع آخره 160
والغيار الخامس جاب معايا لحد 195


خد بالك ان اتجاه الهوا بيفرق جدا ولو الطريق طالع او نازل ...........

يعني مثلا عندنا على طريق الفيوم لو رايح القاهرة .... والعربية آخرها بطلوع الروح 150 الى 160

بينما لو راجع الى الفيوم العربية بتبقى مرتاحة من 140 وتبدا تجيب معاك لحد 180 في وقت قليل وبدون حرق على الغيارات ...............

انا كنت بشد مع سيراتو على طريق الشيخ فضل (( راس غارب - المنيا ))

وكنت حاطط 10 لتر بنزين 80 على 30 لتر بنزين 92 وكمان 3 في العربية ومشغل التكييف

وطلعت منه على 175 كم \ساعة ......

بس الطريق كان مساعد قوي ..... دا غير الملفات كنت باخدها 140 على طول والسيراتو بيهدي على الملفات جامد ......

بصراحة 516 عربية كفاءة في السفر .......... مريحة جدا وثابته قوي في الملفات وبتحس ان العربية راسية على الطريق

تمتم ياباشا تسلم علي الافاده جدا وشكرا لردودك بس سؤال اخير كنت بتاخد وقت اد ايه تقريبا عشان توصل لسرعة من 100 ل 195؟

اقتباس:

---

المشاركة الأصلية كتبت بواسطة drmedo82

تمتم ياباشا تسلم علي الافاده جدا وشكرا لردودك بس سؤال اخير كنت بتاخد وقت اد ايه تقريبا عشان توصل لسرعة من 100 ل 195؟

---

لو الطريق مستوي العربية بتوصل من 100 الى 150 بسرعة ( مش عارف احدد الوقت بصراحة ))

ومن 150 الى 170 في وقت اطول شوية


ومن 170 الى 190 هي وظروفها ..... وممكن يكون آخرها 185 وما تزودش عن كدا

خد بالك ان جودة البنزين بتفرق جامد جدا في السرعات العالية

يعني بنزين 90 آخره 170 كم ساعة
بينما 92 يكمل معاك لحد 185 الى 190


و95 اعتقد العربية ممكن تجيب 220

اقتباس:

---

المشاركة الأصلية كتبت بواسطة abdulhafeez

لو الطريق مستوي العربية بتوصل من 100 الى 150 بسرعة ( مش عارف احدد الوقت بصراحة ))

ومن 150 الى 170 في وقت اطول شوية


ومن 170 الى 190 هي وظروفها ..... وممكن يكون آخرها 185 وما تزودش عن كدا

خد بالك ان جودة البنزين بتفرق جامد جدا في السرعات العالية

يعني بنزين 90 آخره 170 كم ساعة
بينما 92 يكمل معاك لحد 185 الى 190


و95 اعتقد العربية ممكن تجيب 220

---

تسلم للرد ياباشا
بس معلش بقا هنتعبك بسؤال اخير
حضرك بتقول انك من 100 ل 150 بسم الله ماشاء الله بسرعه
طيب بتبقا ساعتها علي الغيار الرابع ولا الخامس؟
لان انا فعلا ممكن اجيبها بسرعه بس ع الغيار الرابع لكن ع الغيار الخامس ببطء جدا جدا جدا ش عارف ايه السبب