-
إعلان بيع عربية مستعملة
من إسبوع تقريبا كنت في شركة كونتاكت و شوفت إعلان لعربية معروضة للبيع و الإعلان بيقول"فابريكة برة و جوة -ماشية 58000 تقريبا-الإستبن منزلش الارض"
انها فابريكة برة و جوة دي حاجة هتعلي سعرها علشان-المفروض-هي معملتش حادثة قبل كدة
لكن إيه حكاية الاستبن؟؟هي دي حاجة ممكن تعلي او تقلل من قيمة العربية وقت البيع؟؟و ليه؟؟؟
شكرا
-
ممكن يكون قصده ان العربيه ممشتش كتير والكاوتش لسه جديد وبحالته
-
قصة ان الاستبن مش نزل الارض حاجة ملهاش اي لازمة ف اي حاجة
انا عربيتي موديل 2002 واول مرة اركب الاسبتن السنة دي كان بترصيص بلاده بالعلامات الصفراء والحمراء اللي ف الجنط والكاوتش
بس هي دليل ملوش لازمة على ان الكاوتش متخرمش واضطر يغيره بالاستبين يعني بيمش ف طرق نظيفة او مشيه قليل
بس لما هتشتري مظنش ان ف حد بيسال على الاستبن غير انه يتاكد انه موجود بس
-
افتكاسة من افتكاسات المصريين ملهاش لازمة
و مابتفرقش ابدا ف سعر العربية ,,
-
مجرد كلام
علشان العربية تحلي فعين المشتري وغير مؤثرة بالمرة
كان عندي زمان عربية بيجو موديل قديم قعدت سنتين الكاوتش مفيش فردة اتخرمت حتي
Content Relevant URLs by
vBSEO 3.6.0 PL2