هى مخالفة الاتجاة العكسى بكام

**arbi** · 17-10-2008 03:35 AM

انا مش متأكد بصراحه
بس ازاي يعني العسكري أو أمين الشرطه يكتب النمره وتنزلي مخالفه 3000 جنيه ما أنا مش هعرف يعني هدفع الحد الاقصى
مش ممكن تكون كده
لازم الظابط يسحب الرخص عشان يسبت المخالفه وكمان ينبهني عشان لو عاوز ادفع الحد الادنى او ادفع في ساعتهه
وألا العسكري يكتبني 3مرات بس كفايه اروح المرور ألاقي 9000جنيه حد اقصى بقى ما أنا مارحتش اتصالحت
لأ ده أنت تقولهم خدو العربيه أحسن
فعلا مستحيل تكون المخالفه دي من غير ظابط ويسحب الرخص

**عزيز محمد** · 17-10-2008 03:50 AM

يا أستاذنا محمد ابراهيم ده كان سؤالى الثانى:
يعمل إيه لما ييجى يجدد يلاقى عليه مبلغ كبير (خصوصا مع تغليظ العقوبات المالية مع القانون الجديد)؟؟
طبعا الكلام ده لما ما تعرفش إنك أصلا اتسجلت مخالفة

هل يمكن تقديم تظلم مثلا؟ أو طعن أو ما شبابه ذلك؟
أو حتى طلب تخفيض أو تقسيط الغرامة (بتكلم جد مش بهزر، ما هو لو الواحد خدله كل شهرين مخالفة زى دى على مدة الترخيص ما تخلص هتبقى محتاج قرض تسدد بيه المخالفات)؟

**MoToRiZeR** · 17-10-2008 03:51 AM

أعتقد إن المخالفة بتبقي كدة في حالة التلبس فقط .
يعني ضابط يقفشك ماشي عكس و يا تعمل محضر تصالح فوري يا الرخص تتسحب و تدفع الحد الأقصي .

**محمد ابراهيم 1** · 17-10-2008 12:11 PM

المشاركة الأصلية كتبت بواسطة MoToRiZeR

أعتقد إن المخالفة بتبقي كدة في حالة التلبس فقط .
يعني ضابط يقفشك ماشي عكس و يا تعمل محضر تصالح فوري يا الرخص تتسحب و تدفع الحد الأقصي .

كلامكم ده معناه إنهم محتاجين مليون ضابط عشان يغطوا الجمهوريه
هو ده النظام واللى مش مصدق حيشوف لما يروح يجدد

بالنسبه للغرامات لو لقيتها كبيره ممكن تدخل لوكيل النيابه وهو حيخفضهالك للحد الأدنى وممكن يشيل لك المخالفات اللى عدى عليها أكتر من 3 سنوات عشان دى بتبقى سقطت بالتقادم

وبعد التخفيض للحد الأدنى إذا لقيتها كبيره ممكن تعمل حاجه إسمها معارضه والمعارضه دى تعتبر طعن على حكم الغرامه وفى الحاله دى الأوراق بتتعرض على قاضى المرور وممكن ينزل وممكن لأ

**tutankhamoun** · 17-10-2008 12:24 PM

يا جماعة ......... أنتو بتجادلوا في ايه ؟؟؟
الأستاذ محمد ابراهيم أوضح بكل شفافية ما يحدث في ج ع ع

اي عسكري أو امين شرطة أو صول أو شاويش واقف في المرور في الشارع من حقه يأخد أي حد غرامة
و الوحيد اللي من حقه سحب الرخص هو الظابط امسئول عن اللجنة لو تم توقيفك في لجنة أو رادار

بس دي خلاصة الكلام
و ياما ناس راحت تجدد رخص و بيلاقوا عليهم غرامات مأخوذة في أماكن لم يزوروها بتاتا في حياتهم

و ما بينفعش في الحالة دي غير الوسايط أو وكيل نيابة طيب تعمل معاه تظلم

و غير كدا .......... أنسى يا عمرو

ملحوظة : عمرو هو مواطن كادح من مواطنين ج ع ع