منجة لايطاليا - اروح ولا لأ؟

**dr_click** · 30-06-2014 10:21 PM

اتكل علي الله، الموضوع دا هيفتحلك ابواب كتير بس و انت هناك ركز في دراستك و بس.
و اعمل حسابك هتتبهدل بس مش اوي علي حسب حياتك في مصر كانت شكلها ايه، يعني لو انت بتاع ماما انا جعان اعمليلي اكل يبقي ابشزك هتتفحت بس هتستمتع بحياة مختلفة و تجربة جميلة

**mcomics** · 30-06-2014 11:37 PM

صلي استخارة وتوكل على الله ، منحة دراسية، وكمان في ايطاليا اللي الشباب بيموتو غرقانين في مراكب عشان يروحواها بس. الدراسة عاما في دول الاتحاد الاوربي ليها مميزات حلوة، بتتعرف على ناس في نفس مجالك، تتعلم حاجات جديدة ده غير انك بتشوف حجات كتير من منظور مختلف.
علاوة على كل ده، هتاخد في الاخر شهادة تؤهلك للعمل في نفس البلد او علي الاقل في اي بلد تانية في دول الاتحاد.
لو على المصاريف، انت ممكن تستلف من الوالد مبلغ تبتدي بيه بس، و تحاول على قد ما تقدر تشوف سكن موفر زي بيت طلبة، سكن مشترك ….الخ . الموصلات في الغالب بتكون مخفضة للطلبة، ده غير الاوكازيونات اللي ممكن تاخدها سواء في مطاعم او محلات ملابس وغيرهم.
لو على الشغل،طالما طالب في الغالب تصريح اقامتك بيديك الحق انك تشتغل ٢٠ ساعة في الاسبوع انت مجرد ما الدراسة تبدا و تعرف البلد كويس هتلاقي نفسك بتعمل علاقات وتحاول تجيب شغل .صدقني بغض النظر عن شوية سلبيات الا انك هتستمتع بجد. تجربة الدراسة في بلد اوروبية دي في حد ذاتها جميلة ومفيدة وخصوصا لشاب وعلي ما اظن عازب كمان :)
توكل على الله

**S.h.a.h.e.r** · 01-07-2014 12:30 AM

شكرا جزيلا علي الرد والله انتم نورتوني في حاجات كتير
جزاكم الله خيرا وتقبل الله صيامكم

**canner** · 01-07-2014 10:27 AM

طبعا انا لو منك ح اسافر بلا تردد و مافيش مشكلة انك تستلف من الوالد علشان تبدأ حياتك بس الاول لازم تعرف النظام عامل ازاى يعنى انت ح تدفع ايه؟ و ح يدفعلك ايه؟ و ربنا يوفقك

معلش سؤال يا هندسة انت الموضوع ده جالك عن طريق دكنور فؤاد خلف بتاع بترول و تعدين؟

**S.h.a.h.e.r** · 01-07-2014 10:50 AM

المشاركة الأصلية كتبت بواسطة canner

طبعا انا لو منك ح اسافر بلا تردد و مافيش مشكلة انك تستلف من الوالد علشان تبدأ حياتك بس الاول لازم تعرف النظام عامل ازاى يعنى انت ح تدفع ايه؟ و ح يدفعلك ايه؟ و ربنا يوفقك

معلش سؤال يا هندسة انت الموضوع ده جالك عن طريق دكنور فؤاد خلف بتاع بترول و تعدين؟

شكرا جزيلا علي النصيحة
الحقيقة لا والله انا جهزت الاوراق المطلوبه لمعظم المنح علي النت وقدمت عادي

**Ahmed_Rahem** · 01-07-2014 11:16 AM

روح طبعاً، اتأكد من جدية المنحة ومتطلبتها وروح.
رتب التالى:
- كورسات لغة هنا - هتكون ارخص
- بحث عن سكن مشترك او طلبة قريب من الجامعة
- الدخول على صفحة الجامعة فى الفيس او مواقع التواصل الاجتماعى وشوف الناس بتتكلم عن اية. وممكن تعرفهم بنفسك وتطلب مساعدة منهم واكيد هتلاقى.

وربنا يوفقك

**aif** · 01-07-2014 11:38 AM

اهروب يا ولد

**الجنرال** · 01-07-2014 09:40 PM

افتكرت من عنوان الموضوع ان عندك فرصة تصدير "مانجو" لايطاليا

المهم .. حسب معلوماتي ان فى جالية عربية كبيرة جدا هناك (وخصوصا المصريين والمغاربة)

وعاملين مشاريع وشغل كويس هناك .. توكل على الله ودور على شغل هناك معاهم وربنا ييسرلك ان شاء الله