أجور فلكية لنجوم المسلسلات المصرية في رمضان هذا العام...!!!

**minicooper20** · 01-07-2014 09:44 PM

المشاركة الأصلية كتبت بواسطة forever.leo

كلام حضرتك صحيح في البزنس عموما .. مش دقيق .. في النوع ده من البزنس .. فيه ناس و جهات على استعداد للصرف و دفع الاموال لفرض انماط و سلوكيات على الشعب .. و الدليل انه فيه قنوات بتخسر اقتصاديا من سنين .. بس لسه فاتحة و شغالة ! .. انا شايف انها معركة على العقل و الضمير المصري .. و القصد غالبا هو التطبيع مع صور الانحراف .

اهو البيزنس ده بذات ميخصرش حتى لى الهدف منو فرض سلوك و توجه ما
ان لم تكن منحرف بالفعل لن تجدى معاك محولات الانحراف لانك هتحربها بقيم و اصول و اخلاص راسخه فى زهنك
لاكن لان مبقا فيه فنتا من تبحث عن الانحراف
فا ما الداعى لجعل قناه تخسر لفرض نمط و سلوك معين و هو مفروض اصلن و موجود فى عالم السموات المفنوحه
اه فى نسبه موامره فى الحيا لاكنها ليست متشعبه فى القريه الصغيره الحنا عايشين فيها دى
مفيش حاجه بيدفع فيها راس مال تخسر تكمل ده منهج يهودى يا باشا

**sha2e** · 01-07-2014 09:50 PM

المشاركة الأصلية كتبت بواسطة far!d

ده سفه و هبل
بس للانصاف هو في باقي دول العالم مين اصحاب اكبر الاجور مش الممثليين و لعيبه للكوره
صناعه الافلام بره في امريكا من اكبر الصناعات و متنسوش هوليوود

اسمحلى اختلف مع حضرتك
لعيبة الكورة فى بريطانيا واسبانيا واوروبا اجورهم مرتفعه لان " صناعة " كرة القدم عندهم صناعه و تجارة فى حد ذاتها والدوري والمسابقات بتاعتهم بتتباع لقنوات كتير بمليارات الدولارات وبالتالي تقدر نقول انها ( مصدر دخل قومي لبلادهم )
لو جيت بصيت على كورة القدم فى امريكا هتلاقي ان الاعب هناك دخله مش زي اوروبا لان كورة القدم فى امريكا للاستهلاك المحلي ومش بتصدره لبره وبالتالي دخل اللعيبه هناك مش كبير
لكن لو بصينا على هيوليوود هنلاقي أجور الممثلين خرافيه لانها " صناعه " بتتصدر لدول العالم كله وبالتالي ( مصدر دخل قومي لبلادهم )

لو جينا بصينا هنا فى مصر

هنلاقي الكورة مصدر نزيف لدخل القومي قصاد كل لاعب مصري بيطلع يحترف بره فى قصاده 50 لاعب اجنبي بيتم التعاقد معاهم داخل مصر
يعني قصاد كل دولار " عمله صعبه " بيجي من برة احنا بنطلع قصادة 50 دولار بره مصر
بالاضافة ان الدوري المصري لا يتم تسويقه خارج مصر

الجانب الاخر : مسلسلات تافهه بينصرف عليها مليارات سنويا من دم الشعب المطحون عارف ازاي ؟
المسلسلات دي كلها بيتم استرداد ما تم صرفه عليها بالاضافه الى هامش ربح محترم لكل من شركة الانتاج وكل قناة عارضة للمسلسل من ارباح الاعلانات التى تسبق وتتخلل المسلسل
لو حسبنا مجموع ميزانيات المسلسلات واضفنا عليهم ارباح شركات الانتاج والقنوات الفضائيه "لن تقل عن 100%"
هنعرف حجم الدعايا التلفزيونيه (اعلانات التلفزيون) فى شهر واحد
مليارات بتندفع للوسط الفني من الشركات صاحبة المنتجات التى يتم الاعلان عنها
طيب ايه الى يخلي شركات تدفع مليارات لمنتجات اغلبها مش محتاج تسويق اصلا زي الاتصالات والكولا والشبسي هيا كده كده بتبيع مش محتاجه اعلانات

لكن لو عرفنا ان ميزانية الدعايا لكل شركه مش بتنخصم من الارباح ولكن بيتم حسابها من المصروفات وبيتم خصم الجزء الاكبر منها من الاموال المستحقة للضرائب "للدولة"

هنعرف ساعتها ليه الشركات مش بتسخسر فى الاعلانات اللى بتروح بشكل غير مباشر للوسط الفني اللى عايش على فقر الشعب المطحون

**Forever.Leo** · 05-07-2014 04:07 PM

المشاركة الأصلية كتبت بواسطة minicooper20

ان لم تكن منحرف بالفعل لن تجدى معاك محولات الانحراف لانك هتحربها بقيم و اصول و اخلاص راسخه فى زهنك

مين اللي قال الكلام ده ! .. ده حتى المثل البلدي بيقول .. ان الزن على الودان امر من السحر ! .. و اذا كان الكلام ده يصح للبالغين و الكبار .. فما هو حال القصر و المراهقين والشباب الصغير .. الذي قد يتأثر .. بنمط شاذ او منحرف .. مصر بها صراع هوية .. يجعل الاموال تنفق .. و ليس الشرط هو الكسب المادي المباشر .. و اذا لم تصدقني .. فانظر الى الشارع .. لتعلم اثر ما تنكره على اخلاق و سلوك الناس .