حادث امامي لبرسونا 2014

**Momen.H** · 30-06-2014 05:42 PM

السلام عليكم ورحمة الله وبركاته.

يا جماعة انا روحت امير وجوزيف عملولي مقايسة فيها 30 حاجة هتتغير سعر التصليح هيبقي في حدود 25 الف, انا عندي 3 افكار في دماغي ياريت تقوليلي ايه الاصح.

1- لو في مكان معتمد بسجل تجاري وبطاقة ضريبية اجيب منو قطع الغيار بتمن ارخص بحيث التكلفة تنزل 5 ولا 7 الاف واخلي التامين يعوضني.

2- العب علي نقطة تبديل العربية بس انا حاسس ان التلفيات متوصلش لاعتبار العربية تالفة. ارجو الافادة في النقطة ديه بالذات واعرف في حالة ايه العربية تعتبر تالف.

3_ اكمل مع امير وجوزيف وبلاش المخاطرة... وده هتزعلني لحد مرجع فلوسي من التامين وممكن يدفعوني 3 - 4 الاف....

ارجو الافادي في اسرع وقت.

شكرا ليكو.

**eng.m7md.ali** · 30-06-2014 06:22 PM

احكيلنا اللي حصل بالتفصيل لان محدش بيتعامل مع امير وجوزيف غير حضرتك تقريباً

والف سلامة على حضرتك

وياريت بردو تقولنا التلفيات ايه

**Momen.H** · 01-07-2014 12:12 AM

المشاركة الأصلية كتبت بواسطة eng f3lix

احكيلنا اللي حصل بالتفصيل لان محدش بيتعامل مع امير وجوزيف غير حضرتك تقريباً

والف سلامة على حضرتك

وياريت بردو تقولنا التلفيات ايه

[aldl]http://postimg.org/image/3l97nafcv/[/aldl]

[aldl]http://postimg.org/image/dhaamxl4v/[/aldl]

حادثة بسبب فسبة تلت تكاسي خبطو في بعض وانا كنت اخر واحد اخبط من الامام في التاكسي,

لقين الراديتاير اتخرم والمية فضيت في ثواني والوش داخل لجوة زي مواضح في الصور. تاني يوم روحت قاطرها لامير وجوزيف ياريت تقولي لو في مكان احسن قريب من مدينة نصر او مصر الجديدة وانا اودهالو انشاء الله.

**eng.m7md.ali** · 01-07-2014 03:29 AM

الصور مش ظاهرة .. ياريت حضرتك ترفعها تاني عشان نشوف التلفيات

**Omar Mahmoud** · 01-07-2014 02:28 PM

حمد لله علي سلامتك
لو هتكمل مع امير و جوزيف و هتدفع الفلوس هتاخدها تاني بعد ايه؟؟

**Momen.H** · 01-07-2014 03:30 PM

عشان تشوف الصورة دوس فيو بيكتشر هيفتحهالك في صفحة تانية، موقع الابلود هو السبب في ده، لو مظهرش حاجة ياريت تبلغني.
أمير وجوزيف قالو تقريبيا هتعد أسبوعين.

**yousefsemsem** · 01-07-2014 06:01 PM

من وجه نظري المتواضعه الخبطه ديه مش مكلفه اوي لدرجه 25 الف بس حمدالله علي سلامتك وفكر في الفكره الاولانيه

**Momen.H** · 01-07-2014 06:46 PM

المشاركة الأصلية كتبت بواسطة yousefsemsem

من وجه نظري المتواضعه الخبطه ديه مش مكلفه اوي لدرجه 25 الف بس حمدالله علي سلامتك وفكر في الفكره الاولانيه

الله يسلمك يا باشا.

قطع الغيار لوحدها هما سعروها ب 17 الف.

**eng.m7md.ali** · 01-07-2014 07:39 PM

المشاركة الأصلية كتبت بواسطة momen.h

الله يسلمك يا باشا.

قطع الغيار لوحدها هما سعروها ب 17 الف.

شوفت الصور بس مش باين منها اي حاجة غير ترييحة عالردياتير والشبكة مكسورة والصدر عايز يترد

لكن الحاجات دي مش هتتكلف كل السعر ده الا لو الحاجات الاصلية جديدة من التوكيل

لو مأمن يبقى وديها التوكيل نفسه في ابو رواش يصلحها ومش هتدفع فلوس .. التأمين هو اللي هيخلص مع التوكيل

يااما تصلح برة في ورشة نايل موتورز وتجيب حاجتك استيراد من عند الراعي او ملك البروتون في الحرفيين بالفواتير

**Momen.H** · 01-07-2014 11:02 PM

المشاركة الأصلية كتبت بواسطة eng f3lix

شوفت الصور بس مش باين منها اي حاجة غير ترييحة عالردياتير والشبكة مكسورة والصدر عايز يترد

لكن الحاجات دي مش هتتكلف كل السعر ده الا لو الحاجات الاصلية جديدة من التوكيل

لو مأمن يبقى وديها التوكيل نفسه في ابو رواش يصلحها ومش هتدفع فلوس .. التأمين هو اللي هيخلص مع التوكيل

يااما تصلح برة في ورشة نايل موتورز وتجيب حاجتك استيراد من عند الراعي او ملك البروتون في الحرفيين بالفواتير

مامن عليها مع مصر للتأمين التكافلي اول سنة, ابو رواش ده غير عز العرب؟ وازاي التأمين هو الي هيخلص معاهم, مش المفروض انا بدفع وبعدين يعوضوني؟ ارجو الافادة يا كبير.

الموضوع: حادث امامي لبرسونا 2014

LinkBack

أدوات الموضوع

عرض

-

-

-

-

-

المواضيع المتشابهه

حادث لرينو فلوانس 2014

استفسار عن الكاوتش لبرسونا

أقصى سرعة لبرسونا/جين تو

عاوز ضروري فانوس تويوتا برادو امامي يمين واكصدام امامي

هل النقل الثقيل مسؤول عن الحوادث بشكل رئيسي ؟ .. حادث حصل امامي

الكلمات الدلالية لهذا الموضوع

المفضلات

المفضلات

ضوابط المشاركة