صوت طقطقه فى الطلعه ومع المطبات .. والكبالن جديده

كل سنه وانتم طيبين جميعا..
عندى مشكله لا العفشجى عارف ليها حل ولا الميكانيكى..
فى الطلعه ومع المطبات .. بسمع صوت طقطقه من ناحية اليمين وصوت حديد بيخبط فى بعضه من ناحية الشمال.. قدام طبعا
مع العلم..
الطقطقه دى طقه واحده بس وصوتها ناشف وبيكون مع المطبات ومع الطلعه مش مع الملفات..
((مش زى صوت طقطقة الكبالن اللى بيكون مكتوم شويه ومتتابع)) ..
وصوت التخبيط ده مع المطبات بس.. كأن حديد بيخبط فى بعضه بخروشه..
الكبالن جديده والمساعدين جديده وبيض المقصات جديد.. رحت للعفشجى بص على العفشه كلها وعاد تربيطها وقالى سليمه كلها شوف قواعد الموتور عند ميكانيكى..
الميكانيكى نام تحت العربيه وعطى العربيه غيار وحركه ورا وقدام وراجع على القواعد ما وصلش لحاجه..
والمشكله لسه موجوده..
لا مشكلتين مش واحده..
وانا قلقان..
حد يفيدنى الله يبارك لكم.. بس محدش يقول كبالن عشان دى روسى مش صينى وجديده..

و الله المشكله دي موجوده عند واحد صاحبي ف عربية بوينتر و اديت العربية غيار و المكنه بتترج قدام عنيا و بترزع ف الشاسية و الميكانيكي مقتنع برضو ان القواعد سليمة

بيض المقصات لو بايظ يطقطق زى الكوبلن شحمه وشوف

البيض جديد بشحمه وكاوتشه

والموتور مش بيترج ولا حاجه

اعتقد كبالن داخلية

القاعده الخلفيه للفتيس

دى مشكلة بطاحات المساعدين الاممين***

ايه هى البطاحات؟؟؟
واى هى القاعده الخلفيه للفتيس؟؟؟

حد يفيدنى يا جماعه المشكله لسه موجوده ومفيش صنايعى عارف ليها حل