صوت حروشة عند فتح الكونتاكت سيراتو 2014

**mzaki** · 11-07-2014 09:58 PM

المشاركة الأصلية كتبت بواسطة msdk

طيب هو الصوت عند حضرتك مستمر مع فتح الكونتاكت لغاية اما تدور وبعد التدوير يختفى ولا بيظهر لمدة ثانيتين ويختفى قبل الدوارة اصل انا عندى الصوت بيقعد ثانيتين مع الكونتاكت صوت اكن فى اسطوانة محشورة فى سى دى روم ويفصل وبعد كدة ادور العربية عادى يعنى الصوت مثلا بيختفى مع اختفاء لمبة الدينامو
واسف على الاطالة فى الاسئلة

دا نفس اللى بيحصل معايا بالظبط لدرجة انى حطيت سى دى عشان كنت فاكر موتور ال سي دى رم هوة السبب .

اعتقد ممكن نروح التوكيل مع بعد عشان يقتنعوا ان فية مشكلة.

**bakkarahmed** · 11-07-2014 10:56 PM

الصوت ده ظهر عندي مره وحيده تاني يوم اشتريت العربيه لمده ثانيتين ولاحظته لاني باركن في جراج هادي بس ما اديتهوش اي اهميه...ولما قريت الموضوع ده من فتره تابعت ظهوره تاني وحاولت اني اشوفه بيتكرر تاني ...بس ماظهرش وحاليا هيا معايا بقالها 3 اسابيع وماشي بيها 1200 كيلو ...متهيالي ده حاجه بسيطه ان شاالله

**mzaki** · 12-07-2014 01:55 AM

المشاركة الأصلية كتبت بواسطة bakkarahmed

الصوت ده ظهر عندي مره وحيده تاني يوم اشتريت العربيه لمده ثانيتين ولاحظته لاني باركن في جراج هادي بس ما اديتهوش اي اهميه...ولما قريت الموضوع ده من فتره تابعت ظهوره تاني وحاولت اني اشوفه بيتكرر تاني ...بس ماظهرش وحاليا هيا معايا بقالها 3 اسابيع وماشي بيها 1200 كيلو ...متهيالي ده حاجه بسيطه ان شاالله

ان شاء الله ميظهرش تانى

**Dr . Mohamed** · 12-07-2014 02:06 AM

فى صوت كده زى زنة بسمعه عندى كل يوم و العربية بتدور اول مرة الصبح اول ما بفتح الكونتاكت قبل ما ادور العربية
و بعد ما بتسخن مش بيطلع الصوت تانى
دا صوت طرمبة بنزين و لا مشكله العدادات ؟

**bakkarahmed** · 12-07-2014 04:34 AM

انا جربت موضوع الصوت في عربيه واحد صاحبي هاي لاين بصمه...لاقيت الصوت موجود دايما مع اول ماتدوس علي استارت انجن مرتين ورا بعض بدون فرامل يعني لما بنور انوار علامات التابلوه وحسيت انه صوت طبيعي ومافيهوش مشكله...تماما زي مايكون صوت سي دي محشور وبيقعد ثانيتين
طبعا ماحدش بيلاحظه في البصمه لان دايما اللي بيدور بيدوس فرامل مع الاستارت انجن ومابيمرش بمراحل التشغيل اللي بتكون اثناء لف المفتاح
رأيي الشخصي انه حاجه عاديه
برده علشان قلق صاحب الموضوع يتابع معاهم في التوكيل ويجرب في عربيه هاي لاين هناك وخير ان شاءالله

**bakkarahmed** · 12-07-2014 04:35 AM

المشاركة الأصلية كتبت بواسطة dr . Mohamed

فى صوت كده زى زنة بسمعه عندى كل يوم و العربية بتدور اول مرة الصبح اول ما بفتح الكونتاكت قبل ما ادور العربية
و بعد ما بتسخن مش بيطلع الصوت تانى
دا صوت طرمبة بنزين و لا مشكله العدادات ؟

صوت طرمبه البنزين...لا تقلق

**msdk** · 12-07-2014 09:50 PM

المشاركة الأصلية كتبت بواسطة mzaki

دا نفس اللى بيحصل معايا بالظبط لدرجة انى حطيت سى دى عشان كنت فاكر موتور ال سي دى رم هوة السبب .

اعتقد ممكن نروح التوكيل مع بعد عشان يقتنعوا ان فية مشكلة.

انا فعلا حجزت ميعاد مع توكيل القطامية الاربعاء القادم ان شاء الله اما اشوف هيقولوا اية وكمان محضر شكوى لكيا لو ما اقنعونيش الصوت دة سببة اية وهبلغ حضرتك على طول ان شاء الله

**mzaki** · 12-07-2014 11:19 PM

المشاركة الأصلية كتبت بواسطة msdk

انا فعلا حجزت ميعاد مع توكيل القطامية الاربعاء القادم ان شاء الله اما اشوف هيقولوا اية وكمان محضر شكوى لكيا لو ما اقنعونيش الصوت دة سببة اية وهبلغ حضرتك على طول ان شاء الله

الف شكر لحضرتك ، انا لما رحت قابلت مهندس استقبال أسمة محمد
حضرتك يا ريت تعرف اسم المهندس اللى هتقابلة ان شاء الله

ان شاء الله خير :)

**engenany** · 13-07-2014 12:23 AM

انا متأكد ان الصوت مش طبيعى لانة جديد. العربية مكنتش كدة الاول. موضوع عدادات ولا لأ دة اللى معرفوش
بس واضح ان الصوت عند ناس كتير. ممكن نتقابل يوم ونجرب ونشوف احنا بنتكلم فى نفس المشكلة ولا اية

**msdk** · 16-07-2014 09:40 PM

انا رحت التوكيل والمهندس اللى قابلتة الاول اسمة محمد وقالى ان الصوت طبيعى وان دى سنسورز بتشتغل وبعدين حسستة انى مش مقتنع بادب طبعا
فالراجل يشكر جاب مهندس تانى وسمع وقال نفس الكلام وجابوا مهندس الورشة كمان وسمع وقال الحمد لله ما فيش حاجة ودة طبيعى وان دى سنسورز بتشتغل
فالحقيقة عشان الواحد مش متخصص قررت انى لازم اشوف عربية زى بتاعتى واجرب الصوت بنفسى وبقالى يومين بلف على المعارض للاسف ما فيش سبورتاج دلوقتى غير قليل قوى ومشعاوز اسئل حد فى الشارع معاة العربية عشان ما لعبش فى دماغة واوسوسة وكدة واعتقد ان الحل دة هيعرفنا اذا كان فى عيب فى عربيتنا ولا الصوت عادى
معلش هو الموضوع جايز يكون بسيط فى الظاهر بس الخوف ليكون المشكلة كبيرة ومستخبية
وبردو لما اوصل لحاجة هقول لحضرتك ان شاء الله