السلام عليكم و رحمة الله و بركاته
الاخوة الاعزاء لو فى حد يعرف اجراءات تأسيس شركة كمبيوتر يا ريت ما يبخلش عليا
انا الموضوع ده محتاجه بس عشان اطلع فواتير لان معظم الشركات اللى بوردلها بتشترط تقديم فاتورة
و جزاكم الله خيرا
عرض للطباعة
السلام عليكم و رحمة الله و بركاته
الاخوة الاعزاء لو فى حد يعرف اجراءات تأسيس شركة كمبيوتر يا ريت ما يبخلش عليا
انا الموضوع ده محتاجه بس عشان اطلع فواتير لان معظم الشركات اللى بوردلها بتشترط تقديم فاتورة
و جزاكم الله خيرا
بوص ياسيدي
انت هاتروح لمامورية الضرائب اللي انت تابع ليها ومعاك صورة من عقد الايجار او التمليك لمقر المشروع مثبت تاريخ في الشهر العقاري ومعاك ايصال كهرباء حديث وصورة بطاقتك الشخصية وعقد الشركة لو في شركاء
هاتخلص البطاقة في خلال اسبوع غالبا
بعد كدة هتاخد البطاقة الضريبة وصورة البطاقة وصورة من العقد وهتطلع علي الغرفة التجارية علشان تتطلع السجل التجاري ودة بيطلع في خلال يومين بالكتير
البطاقة الضريبية من غير مصاريف والسجل تقريبا مصريفة حوالي 50 ج
وبعد كدة هتسجل نفسك في الضريبة علي المبيعات
وبكدة هاتقدر تتطلع فواتير ضريبية ( سليمة )
والله اعلم
خلى بالك دة لو أعمالك تتعدى الـ 100 ألف جنيه سنويا غير كدة متسجلش فى المبيعات والا حيفترضوا تلقائى انك بتوصل للرقم دة ...اقتباس:
المشاركة الأصلية كتبت بواسطة kahamid
طبعا مش حأفكرك بنسخ الويندوز الاصلية وكل البرامج لازم تكون اصلى علشان المصنفات
الف شكر ليك يا باشمهندساقتباس:
المشاركة الأصلية كتبت بواسطة kahamid
بس فى حاجة صغيرة
انا معنديش مقر للشركة فينفع عنوان البيت يكون هو مقر الشركة؟
طبعا محدش من العملاء بيجى عندى البيت
الشغل من برة برة
يا ريت تفيدنى لو تعرف
شكرا يا استاذ تامراقتباس:
المشاركة الأصلية كتبت بواسطة Tamer-Ezzat
ربنا يجعل كلامنا خفيف عليهم و يبعدهم عنا عشان اتلسعت منهم كام مرة مع ان كل حاجة كانت سليمة
و بالنسبة لضرائب المبيعات الحمد لله الشغل خفيف مفتكرش انه يوصل معايا للرقم ده
و الله المستعان
اعمل عقد ايجار شكلي كدة باسمك او لو ايصال الكهرباء باسم والدك ممكن يغنياقتباس:
المشاركة الأصلية كتبت بواسطة kontakinty
اعمل رأس المال لما سألوك عنه ... اعمله 1000 او 2000 عشان رسوم الغرفة التجارية بتبقي نسبة منه
خلي معاك صور من المستندات ... والأصل كمان عشان ح يطلعوا علي الاصل وياخدو الصورة ... وخلي معاك دمغات من ام جنية ( 90 + 10 ) وملف بلاستك وصور زيادة عشان ساعات بيطلبو صور المستندت اكتر من نسخة
اعتقد لما تقدم علي السجل التجاري ح يعملو لك استعلام امني .... بيستغرق 3 شهور .... ده بسبب ان بعض الانشطة لازم يعملولها استعلام امني من امن الدولة والمخابرات العامة .... زي الكمبيوتر والدعاية والاعلان والسياحة والانشطة الخاصة بالمؤتمرات والمصتفات الصوتية والمرئية ....واي نشاط فيه اجانب ....لكن انت تقدر في الفترة دي تشتغل و تعمل فواتير طالما طلعت البطاقة الضريبية
اعمل عقد الايجار بقيمة صغيرة ... 100 جنية مثلا و اعملة بتاريخ حديث ( قبل شهر او شهرين مثلا ) عشان ماحدش يقولك انت بدأت نشاطك من زمان ....
آخر نصيحة ...... روح الصبح بدري أول ما يفتحوا ......خاصة الغرفة التجارية والسجل التجاري .... 9 الا ربع تكون هناك .... ح تلاقي الدنيا وردي .... بعد ساعة واحدة ح تلاقي الدنيا زحمة جدا ....
ربنا يوفقك