الموضوع: للصلع فقط - كان ايه شعورك وانت بتفقد اعز ما تملك

نورتوا الموضوع والله يا جماعه :)
والحمدلله فيه ردود كتير وناس كتير فضفضت بالللى جواها :)
توضيح بالنسبه لعنوان الموضوع " أعز ما تملك انا كاتبها من باب الهزار فقط " :)
نيجي بقى لتجربنى انا شاب عندى 25 سنه كل سنه الشعر بيخف اكتر واطبعا دلوقتى مبعرفش اسرح غير على قدام وشعرى دايما قصير
لما بحثت عالنت وجدت ان تقريبا افضل علاج للشعر اسمه مينوكسديل اسبراى بيترش بس ده لازم تفضل تحطه مدى الحياه لو حطيته فتره وبطلته الشعر بيقع بشكل مرعب اكتر من الاول
فالأول قولت وماله ايه المشكله لو اجيبلى علبه ب 75 جنيه او حتى 100 جنيه كل شهرين فى مقابل انى عالاقل لو مش هيطلعلى شعر جديد احافظ عالشعر اللى باقى بس بعد بحث طوووووووويل عالنت لأيام لقيت بعض ردود الفعل بتقول انه مجابش معاها نتيجه مرضيه وفى بعض الناس مجابش معاها نتايج خالص فقررت انى مش هستعمله لانى حسيت انى هتدبس تبيسه وحشه اوى يعنى تخيلوا كده الواحد جاب البتاع ده وقعد يحطه 6 شهور ومجابش نتيجه وبقى مينفعش يبطله عشان لو بطله شعره كله هيقع :(
فى شخص ما قبل كده اقترح عليا لما شعرى يقع خالص البس باروكه طبعا انا رافض الاقتراح ده تماما وعلى جثتى بجد مستحيل البس باروكه يعنى تخيل انت دلوقتى لبست باروكه وشعر حرير وبقيت امور ولذوذ وكيوت والناس بتعجب بيك انت بينك وبين نفسك هتكون مبسوط هما معجبين بيك بشكل مزيف ؟ انت هتضحك على نفسك ولا عالناس -_-
فى النهايه قررت ان الواحد يتأقلم عالوضع الحالى ويرضى باللى كاتبهوله ربنا وخلاص
وعلى رأى عمرو أديب : البقاء للأصلع هههههههه