للصلع فقط - كان ايه شعورك وانت بتفقد اعز ما تملك

**a raafat** · 30-06-2014 11:36 PM

اللسلام عليكم
كل سنه وانتوا طيبين يا جماعه ورمضان كريم

فى ناس ممكن تشوف الموضوع ده تافه بس انا شايف ان مفيش مانع ندردش فيه مسأله مصيريه زى دى هههههه وبما انى على وشك أن أصبح أصلع وانت كنت حاليا لا يصدق عليا صفةاصلع لكن قريبا هيصدق عليا كنت عايز اعرف بقى الأخوه اللى سبقونى واكتسبوا الصفه دى ياترى كان ايه شعورهم وازاى تقبلوا الموضوع وشكلهم اللجديد وكده

انا مثلا بحاول قدر الامكان أنى مكنش مضايق واتقبل الوضع عادى بس بينى وبينكوا نفسى الحق اتجوز و واتصور و اتزف وانا بشعر بالرغم انى حاليا مش مرتبط ومش حاطط الجواز فى دماغى لكن الحاجه الوحيده اللى مخليانى ممكن ابقى عايز اتجوز بسرعه هوه أنى ألحق اتجوز وانا بشعر

انتوا بقى ايه رأيكوا فى موضوع الصلع ده

**manfromegy** · 30-06-2014 11:38 PM

جربت تاخد قرار تشيل شعرك بالموس

**a raafat** · 30-06-2014 11:40 PM

المشاركة الأصلية كتبت بواسطة manfromegy

جربت تاخد قرار تشيل شعرك بالموس

والله يا باشا مش حابب اعملها حاسس انى هبقى زى البطاطسايه كده :(
بس كده كده هيجي عليا وقت واطر اعملها غصب عنى بس دلوقتى اعتقد حالتى لسه موصللتش للمرحله دى :)

**FAR!D** · 01-07-2014 01:52 AM

المشكله تكمن في شئ
هوا بيروح وانت بتتفرج عليه و مافيش في ايدك حاجه
كان شعري هكذا........

**مصطفى-حسن** · 01-07-2014 02:39 AM

او لا انا متحفظ على العنوان فقط
اعز ما يملك الراجل هيا كرامتة مش شعرة

نيجى بقة لسؤالك
اولا انا نصف اصلع
يعنى شعرى خفيف جدا من فوق
ولما خدت قرار انى اتقبل انى اصلع او نصف اصلع كنت حاسس بالحرية والانطلاق واقبلت على الحياة بنهم شديد وثقة عالية جدا بالنفس

والكلام دة كان من حوالى ييجى اتناشر سنة او اكتر
لما خدت القرار بالتقبل كنت حاسس انى زىما اكون فى سجن وطلعت منة
خلاص
خلاص
معدتش شايل هم انى اجرى على الدكاترة واجرب فى ادوية وكريمات ووجع قلب
خلاص
معدتش هلبس كاب بالنهار وكاب بالليل
خلاص
معدتش هعمل شعرى سشوار لما اكون رايح فرح عشان ادارى الشعر الخفيف وعشان مينفعش البس كاب فى فرح
خلاص
معدش فية كريمات وجل وتسريح الشعر بحيث ميبانش الجزء الخفيف فية
كنت حاسس انى ساجن نفسى جوة كهف فى افكارى وطلعت منة

دانا كنت ساحل نفسى بنفسى
واكتشفت ان الموضوع فى النهاية ابسط من البساطة
بل بالعكس انا دلوقتى نفسى شعرى كلة يخف ويروح وابقى راجل اصلع فى الكامل
اققوم من النوم اغسل وشى وانزل
يا راجل بلاش كلام فاضى
شعر اية وبتاع اية

وبعدين سيبك انت من الكلام دة كلة
الراجل الاصلع معروف بالفحولة

**FAR!D** · 01-07-2014 03:14 AM

المشاركة الأصلية كتبت بواسطة zarif

وبعدين سيبك انت من الكلام دة كلة
الراجل الاصلع معروف بالفحولة

ده كلام بنصبر بيه نفسنا يا خويا ههههههه

**AHMED12345678** · 01-07-2014 04:17 AM

انا عندى 33 سنه وبحس ان الصلع مكبر سنى وانى شكلى زى ميكون عندى 40 سنه
ساعات ببص لصورى فى العشرينات وانا بشعرى وبقول لنفسى ليت الشباب يعود يوما
بس بحس فعلا ان الصلع بيكبر من سن الواحد
احيانا بفكر انى ازرع شعر بس بستعيب الموضوع ده غير التكلفة المادية
فى النهاية تقبلت الموضوع خصوصا لما لقيت ان نسبة كبيرة من زملائى شعرهم وقع برده
ساعات بحس ان المضوع نفسى اكتر منه وراثى ........ يمكن بسبب ضغوط الحياة فى مصر وصعوبتها الى بتضغط على نفسيتنا
الله اعلم
المهم فى النهاية هتتقبل الموضوع لان مفيش فى ايدك غير كدة
الحمدلله احنا احسن من غيرنا

-

-

الموضوع: للصلع فقط - كان ايه شعورك وانت بتفقد اعز ما تملك

LinkBack

أدوات الموضوع

عرض

-

-

المواضيع المتشابهه

حقن ميزوثيرابى للصلع الوراثى

اكتر موقف نرفزك وانت سايق وخلاك كنت ((هتفطر)) وانت ((صايم))؟؟

تقيم (ايه شعورك وانت بتبيع عربيتك الاولة في حياتك)

شعورك ايه وانت بتتفرج على مجلس الشورى وهوا بيتحرق؟

ممكن تنام وانت سايق أو وانت مسافر

الكلمات الدلالية لهذا الموضوع

المفضلات

المفضلات

ضوابط المشاركة