الحمد لله لسه راجع من معرض غبور المهندسين وحجزت الايمي والاستلام في خلال اسبوع او عشرة ايام
عرض للطباعة
الحمد لله لسه راجع من معرض غبور المهندسين وحجزت الايمي والاستلام في خلال اسبوع او عشرة ايام
الف مبروك
الف مبروك وخلى بالك منها خصوصا الحوادث
الله يبارك للجميع
مبروك يا برنس
الف مبروك وربنا يتمملك الاستلام علي خير
شكرا للجميع بس عايز اي نصائح عند الاستلام وكمان في تأمين في غبور حد جربه علشان عايز أأمن علي العربية هو قالي 3400 جنيه سنويا ومع التأمين خصم في الصيانة الدورية علي المصنعية وقطع الغيار ولا اشوف شركة تأمين تانية افضل
خليك مع غبور افضل انا شايف انه لديه مميزات جيدة فى التامين
الف مليون مبروك
محتاج رايكم دلوقتي مندوب المبيعات اتصل بي قال ان اللون الاحمر اللي عايزه مش قبل يوم15 في الشهر واللي موجود واستلمه يوم الاحد لون الشامبين والفيراني وخصوصا اني مستعجل علي التسليم علشان انا نازل اجازة شهرين فاتت منهم اسبوع
ولا ده معناه ان الموضوع مش ماشي ومكملش واسحب فلوس الحجز؟؟؟؟؟؟؟
مبروك وربنا يعطيك خيرها ويكفيك شرها
اسحب فلوسك واشترى byd اوتوماتيك
يا باشا مليووووووووووون مبروووووووووك وربنا يتمم الأستلام ب1000خير
العربية فعلاً جميييييييلة ودا عن تجربه مش مجرد كلام والسلام
بس أهم حاجة تعاينها كويس وقت الأستلام وتتأكد من وجود الأستبن والكوريك ومفتاح العجل ووصلة الفلاشة وماتنساش ترخم عليهم وتصمم تاخد الكتالوج ،، وخلي بالك عشان هايقولك أبقي خده من غبور في صيانة أل1000كيلو ،، بس أنت خليك أتنح منه وقوله ماليش دعوة ومش مستلم العربية ألا لما أخده.....وبالمرة ماتنساش تفتح الكبوت عالسخان كدا وتتاكد من البطارية الجافة وتشيك علي مستوي زيت الماتور والفرامل وقربة الميه وقربة المساحات ،، ناهينا طبعا عن قربة زيت الباور المزرنخ اللي متنيلين وحاطينه واللي أكيد أنت بنفسك بعد ماتجرب العربية هاتطلب تغييره في صيانة أل1000
حاجة كمان لازم تخلي بالك منها في ال1000كيلو الأولانية....ماتقرصش جامد علي الغيارات وحاول تنقل علي 2 أو 2.5 ار بي أم علي أقصي تقدير...طبعاً دا هايحرق دمك شوية لأن الجيلي مابتفوقش بجد ألا علي 3أر بي أم بس معلش نصبر شوية أول ألف كيلو دول بالذات....وبلاش تكيف عشان بيبقي حمل علي الماتور وهوا لسه بيلين....طبعاً فيه ناس هاتقولك ياعم صلي ع النبي وهي أصلاً جاية متلينة جاهزة....لأ ياسيدي العربية بتبقي متلينة عالواقف مش عالمشي....وحتي لو كانوا في التوكيل ملينينها وهما رافعينها ولو أني مابرجحش الأحتمال ده....فبرضوا دا ما يعتبرش تليين بالمعني الصحيح لأنه بيعتبر تليين عالهوا....يعني تليين وهمي ومش حقيقي ..لأنه ببساطة مافيش نزول علي الأرض أو مقاومة فعلية للطريق والعزم والمطالع وخلافه
أخر حاجة عاوز أقولهالك العربية فعلا جمييييييييلة ومحترمة وثابتة علي الطريق وفراملها هايلة وعفشتها أنا عن نفسي متأكد أنها هاتفرحك وترضيك....ودا عن تجربه مع أتنين من الأصدقاء المقربين والسفر معاهم بأستمرار للوادي وأسوان وشرم والغردقة وعمرها ماقصرت معانا أو قلت بينا حتي وأحنا مشغلين التكيف ومطلعين عينيها.....ودا اللي خلاني أنا كمان أطمع وأغير وطبعا أنتهي بيا الحال أني أنزل أحجزلي واحدة من سمير ريان وأخدتها يوم 19 اللي فات
نسيت أقولك.....ماتنساااااااااااا ش تظبط الكاوتش علي 28 عشان بيبقي دايماً ملخبط في الأستلام.....ومرة تانية 10000000000 مبرووووووووووك
شكرا ياباشا علي المعلومات الوفيرة ديه وربنا يسير الامور في الاستلام هو مندوب غبور اتصل بي النهاردة الصبح وقالي العربية هتكون في المعرض النهاردة باليل لو عايز استلامها بمرة الصبح اوكي بس من غير الورق او اصبر ليوم التلات استلمها مع الورق ويبعت هو حد معي المرور يرخص وابقي انا ارضيه
بالنسبة لنقل الغيرات ممكن شرح مفصل بالسرعات بدل الار بي ام علشان المدام هي اللي هتركب العربية وملهاش في قصة الار بي ام ديه
وشكرا علي المعلومات
متااابع نصائح و تقارير ملاك الايمجراند باهتمام
الحمد لله لسه مستلم العربية وراجع وهرخص بكرة ان شاء الله الواحد لما بيركب عربية جديدة كانه اول مرة يركب عربية دي بطلت مني 4 او 6 مرات وكان شكلي زبالة
فولت ل125 جنيه
ارخص واصور وارفع ان شاء الله بس مش بعرف طريقة رفع الصور
روحت رخصت امبارح والمصاريف كالتالي
1010 ضريبة
320 تأمين
75 مثلث وشنطة اسعاف
90 طفاية
60 ملف
وحوالي 100 جنيه كده يعني
وروحت بالعربية دانتي مول التقيم المبدئي التكييف ممتاز رغم ان الفني اللي سلمني العربية وهو بيجرب لي التكييف قالي يشتغل بعد 1000 كيلو بس قلت اجربه تاني وانا ماشي كان كويس جدا
بس مش عارف اظبط النقلات وبتبطل مني
ده بالنسبة لاول مشوار
يتبع في الحلقة القادمة
اولا مبروك عليك العربية
ربنا يديك خيرها ويكفيك شرها
بس 1010 ضريبة ؟!!! دى ضريبة ايه؟
الف مبروك عربيه ممتازه ربنا يديك خيرها
متااابع
دفعت لية انا قولتلهم اني بعتها و مدفعتش
Sent from my SM-C115 using Forum Runner
يعنى انت دافع ضريبه لمده تلاته سنوات + ضريبه رفاهيه لمده تلاته سنوات
متااابع
الف مبروووك عليك