مشكلة سخونه زيت فتيس النترا 2007

**tamertolba** · 01-07-2014 04:35 AM

ياجماعه عندي مشكله محتاج حد يساعدني فيها
المشكله بتحصل لما العربيه بتسخن وخصوصا اذا كان الطريق زحمه
اللي بيحصل بالظبط اني بتحصل رجه خفيفه مره واحده بعدها العربيه بتثبت علي الغيار التالت وبالتالي بتبقي تقيله جدا وهي طالعه والسحب ضعيف بتفضل ثبته علي الغيار التالت لحد مبطل العربيه وادورها من جديد بعديها بتمشي شويه كويس وبعد كده تعمل نفس الحركة تاني

المهم غيرت زيت الفتيس وغيرت فلتر زيت الفتيس ونظفت الريداتير والسرنتينه بتاعه زيت الفتيس
ونفس المشكله موجوده

حطيت العربيه علي الكمبيوتر طلعلي 2 خطاء
الاول
p0713 trans.fluid
temp.snsr high
والتاني
p0743 turque con.
Clutch.electri.

ياريت ياجماعه تسعدوني علشان تعبت من الموضوع ده ناس تقول دورة تبريد وناس تقول كهرباء وسينسور وناس تقول زيت وناس تقول الفتيس وانا مش عارف اعمل ايه

**Mostafa Khalil** · 31-07-2014 07:40 PM

باشا نفس الكلام بدا يحصل معاعيع ياؤيت لو عرفت ايه المشكله تطمني الله يخليك

**Ahmed Saad** · 31-07-2014 11:26 PM

بص ياباشا موضوعك ده حصل مع واحد صاحبي بس في اوكتافيا a5 ونفس الأعراض وكشف عليها نفس العطلين بالظبط طلعوله وعمل كل اللى انت عملته وفي الآخر العيب طلع سربنتينه تبريد زيت الفتيس غيرها وبقت العربيه زي الفل والمشاكل انتهت جرب كده هتلاقى العيب ده السبب وإن شاء الله خير

**حماده المصري** · 01-08-2014 04:08 PM

بص ياريس

اطلع على ماهر في اول شارع الوحده بتاع امبابه

ده اسناذ الهيونداي هو الي هيقولك علاج الموضوع ده ايه
وتاحد منه الكلمه هتلاقيها صح

**Mostafa Khalil** · 11-08-2014 03:34 PM

باشا بص

انا زي ماكتبت فوق كان عندي نفس المشكله و اتصلحت الحمد الله روحت لواحد اسمه عمر اتوماتيك خلف مكتب بريد صقر قريش
الاول اتصلت بيه في التليفون هو الي شرحلي الاعراض الي في الفتيس فقلت بس الراجل ده تمام تو كلت علي الله و روحت ليه يوم الاثنين الي بعد العيد علي طول قال لي الاتي قبل ما يشتغل في العربيه قالي ديه اعراض حاجه اسمها عقل الفتيس و ده استيراد ب 900 جنيه علشان مفيش منه جديد و بيبقي علي التجربه لمده 10 ايام + حاجه اسمها شريحه كبيره ب 400+ 5 كيلوا زيت Atf 220 + مصنعيه 150 جنيه قولتله اشتغل ياباشا قالي سيب العربيه و تعالي اخر النهار قولتله لا دانا جايلك من اكتوبر اروح فين يا عم و قمت قاعد علي قلبه الشغل اخد حوالي 5 ساعات و الراجل امين جدا لدرجه انه جيه قالي العقل سليم محتاج تنظيف بس , نظفه و غير الزيت و غير (الشريحه الصغيره ب 200 جنيه ) و قالي الفلتر مش محتاج تنظيف .
كده المصاريف
450 عمر
125 زيت
النتيجه والله مشاء الله الفتيس رجع جديد و سافرت بيه سيدي عبد الرحمن اغلب بمتوسط سرعه 140 + 3 افراد + تكيف + عز الظهر و الف حمد و بركه لله

**amoor881999** · 29-05-2015 02:36 AM

المشاركة الأصلية كتبت بواسطة tamertolba

ياجماعه عندي مشكله محتاج حد يساعدني فيها
المشكله بتحصل لما العربيه بتسخن وخصوصا اذا كان الطريق زحمه
اللي بيحصل بالظبط اني بتحصل رجه خفيفه مره واحده بعدها العربيه بتثبت علي الغيار التالت وبالتالي بتبقي تقيله جدا وهي طالعه والسحب ضعيف بتفضل ثبته علي الغيار التالت لحد مبطل العربيه وادورها من جديد بعديها بتمشي شويه كويس وبعد كده تعمل نفس الحركة تاني

المهم غيرت زيت الفتيس وغيرت فلتر زيت الفتيس ونظفت الريداتير والسرنتينه بتاعه زيت الفتيس
ونفس المشكله موجوده

حطيت العربيه علي الكمبيوتر طلعلي 2 خطاء
الاول
p0713 trans.fluid
temp.snsr high
والتاني
p0743 turque con.
Clutch.electri.

ياريت ياجماعه تسعدوني علشان تعبت من الموضوع ده ناس تقول دورة تبريد وناس تقول كهرباء وسينسور وناس تقول زيت وناس تقول الفتيس وانا مش عارف اعمل ايه

نفس المشكلة عندى بالظبط يا باشا بس الفرق الوحيد إنى كشفت عليها بجهازين مختلفين والاتنين أجمعوا إن العطل فى البودى فالف
فياريت تفيدنا مشكلتك إتحلت ولا لسه

**tamertolba** · 30-05-2015 10:13 PM

بص ياباشا سيبك من كل الكلام اللي انت سمعته 99.9 من الصنايعية مبيفهموش اصلا انا القصه عندي وصلت لاني نزلت اشتري فتيس بس بالصدفه ربنا كرمني براجل بتاع فتايس محترم وبيفهم اول لما حكيتله نص الكلام كملهولي هو وعمل الفتيس في نفس اليوم وكانت المشكلة عبارة عن تغيير كابل جزء منه جوه الفتيس والباقي بره.
المهم علشان مطولش عليك الراجل ده اسمه ياسر زيتونه في المريوطية وده رقم تليفونه 01001583839 ولو عايز اي مساعده في القصه ديه او عايزني اروح معاك او عايز تفهم اي حاجه اكتر كلمني في اي وقت 01227775050