كل شوية يقولو البنزين هيغلى ويرجعو يقولو لا .. ده حتى في خبرين هنا على الموقع واحد ان البنزين هيغلى من اول الشهر الي هو يوم التلات والتاني انه هيغلى بس بعد شهر رمضان طب الواحد يصدق مين ؟؟؟؟؟؟
عرض للطباعة
كل شوية يقولو البنزين هيغلى ويرجعو يقولو لا .. ده حتى في خبرين هنا على الموقع واحد ان البنزين هيغلى من اول الشهر الي هو يوم التلات والتاني انه هيغلى بس بعد شهر رمضان طب الواحد يصدق مين ؟؟؟؟؟؟
والله متعرفش بالظبط هما هايعملو ايه
ادينا هانشوفو وخلاص
او ما البنزين هيغلى هتعرف مع اول تفويله
يقال إن الاسعار الجديدة تطبق من 7/1 وناس بتقول انه اشاعة بس اكيد ليها هدف
الأسعار حتعلى أكيد
بس بعد نهاية العيد
اكيد هيغلى ................ دايما بيعملوا كده لما يحبوا يغلوا المواد البتروليه ... فاكريين بنزين 95 ويديك فتره للرغى والهرى ... وبعدين يرفع السعر ....... لابد من ان الحكومه هترفع الدعم من المحروقات .
بيلعبو بينا ياباشا علشان نهرى وناكل في بعض والسعر زى ماهو ولما يرفعوه يكون خلاص الناس ملت من الهري ويرضو بالامر الواقع !!
بس لي سؤااال بذمتكم حد فتح بقه لما عرف الخبر ؟؟ بالعكس الناس فتحت غطاء التنك وققفوا طوابير على البنزينة حتى لما الكهرباء قطعت عن المحطة فضلو واقفين !!احنا نستاهل اكتر من كده
ايوه احنا نستاهل اكتر من كده ................. لابد ان ندافع عن حقوقنا ..... بمعنى مقاومه التوكيلات المستفزه والامتناع عن التعامل مع الكسالى اللى بيقولوا عن نفسهم سايس ...والاعتراض على المخلف في السير او ركن السياره صف تانى لانه بيستولى على جزء من حقك في الطريق ... وبعدين نبقى نقول ان البنزين يغلى ولا لأ .
welcome to Egypt
MMamdouh
يا حضرات دا جس نبض الشارع المصري ف زيادة سعر البنزين عشان يعرفوا رد فعل الناس ايه
المشكلة اننا ف مصر المسئولين حسبي الله ونعم الوكيل فيهم
الحل بسيط متحدث وزارة التموين او التبرول يقول بيان رسمي وينهي الحوار بس ازاي خلي الناس تاكل فبعض
ودا طبعا من مسواء فشل الحكومات المصرية على مر العصور حتى الآن
بالضبط زى ما واحد ينصحنا باتباع سنة معينة من سنن الرسول صلى الله عليه وسلم فنقوله يعنى انت اتبعك كل السنن فاضل دى !!
معلش منتهى السلبية عن نفسي بقاوم كل اللى انت ذكرتهم بل اقاوم المفسدين والقتلة بغير حق بقدر استطاعتى ،،
وعلى فكرة البنزين هيغلى والكهرباء هتقطع والفساد هيزيد وبرضه الناس نايمة طول ما الخوف والجبن والانانية فينا ،،ياراجل ده حتى النصيحة مفيش حد بيرضى يسمعها مجرد سماع ولبس قبول ،،، ياعزيزى طول ما احنا كده نبقى نستاهل اكتر من كده
عارفين لو البنزين فعلا هيغلى 50 قرش زي ما بيقولو والكهربا تغلى عشان يقللو العجز أنا موافق بس وفرهملي يعني غلي البنزين بس وقت ما ادخل البنزينة في اي وقت في اليوم ألاقي بنزين وأفول بطريقة آدمية وامشي ... ووفرلي الكهربا خليني عايش بطريقة آدمية بردو نفسي أحس اني بني ادم في بلدي
انا مش موافق على كلامك وسامحنى لذلك
لان البنزين متوفر دايما ومش الزياده اللى هاتخليه يوفره
وبعدين الدعم ده من اقل حقوق المواطن لدى الدوله
وبعدين لما يزيد السعر المواصلات كلها هاتغلى
وبعدين الخضار والفاكهه والسلع الاساسيه والمواد الغذائيه برضه كلها هاتغلى لانها بتتنقل بالسيارات وطبعا الزياده فى السولار هايتم اضافتها على كل السلع
وتحيا مصر
مع ظهور الاشاعة الناس وقفت طوابير والمحطات امتنعت عن البيع طمعا في الزيادة و المكسب
والناس تاكل فى بعض
احنا في خلاط و منعرفش بيتعمل فينا كدة لية
يشيلوا فلان يجيبوا علان الدماغ والفول المصرى طافح عالكل !
هايغلي مفيش كلام
وزير التخطيط
اخر تصريح له اليوم السابع
هانرفع سعر المحروقات
خليها تخرب
ما هى خربانة اصلا !
شوف كلام الناس هنا في المنتدى وشوف رد فعل البنى ادمين ايه ؟؟ حاجة تجيب الشلل
خرص شديد حتى الواحد لا يحدث بها نفسه ؟ ياتري خايفين من ايه ؟
على فكرة لو حصل وعديت على لجنة والضابط ضربك بالقلم ده لو حصل برضه هنسكت !!!
بس خد بالك "لو" حرف امتناع يعنى ماتفهمنيش غلط،،معلش احنا بنتكلم،،قرموطى استايل
هل يؤثر سعر البنزين على سعر السيارات فى مصر ام لا
ارجو متابعة الموضوع الجديد
الموضوع بقي واقع