بالصور والفيديو سيارة تريلا تدهس 15 سيارة ملاكي باحد شوارع الاسكندرية

نشرت صفحة نايل موتورز علي الفيسبوك الصور التي حققت اكبر مشاهدة
وهي لسيارة تريلا تحاول دخول احد الشوارع السكنية فقامت بدهس سيارة باسات في منظر مؤلم وبجانبها سيارة لانسر ولا ندري رد فعل صاحبها حتي الان
الصور من ش العقبة في كليوباترة-اسكندرية
عدد السيارات 15 سيارة

ماذا ستفعل لو كنت مكان مالك الباسات ؟؟

http://nileup.com/up/uploads/nilemotors_14042000581.jpg

http://nileup.com/up/uploads/nilemotors_14042000582.jpg

http://nileup.com/up/uploads/nilemotors_14042000583.jpg

http://nileup.com/up/uploads/nilemotors_14042000584.jpg

http://nileup.com/up/uploads/nilemotors_14042000585.jpg

http://nileup.com/up/uploads/nilemotors_14042000586.jpg

http://nileup.com/up/uploads/nilemotors_14042000587.jpg


فيديو اخر للواقعه
https://www.facebook.com/photo.php?v...type=2&theater

الباسات اتدمرت
سواق تريلا بيتعلم وشكلها كده في اسكندريه
ربنا يعوض عليهم

يا بوووووووووي
وللدرجادي مش حاسس بأي حاجة

السواق ده يتسجن
لحد ما يسدد ثمن السيارة كاملاً عقاباً له
لان الموضوع مش مجرد اصلاح .. العربية اتعجنت ..
اتدمرت ... حتى يكون عبرة لمن يعتبر
واكيد مش معاه رخصة
البلد بقى حالها اصعب كل يوم
ربنا يعوض عليه

الحل الوحيد ان التريلا تتباع و كل واحد ياخد تمن عربيته كامل .... حاجه تقرف عالصبح

بالراحة بس
سواق التريلا ولا هايجراله أي حاجه دي توصيفها القانوني مخالفه مش أكتر و حتي لو سواق التريلا معهوش رخصة و دي أشك فيها مافيهاش عقوبة جامده اللي تخليه يجري علي أصحاب العربيات يصلحالهم ياسادة حاولو تعدلوا القانون الأول

ربنا يعوض عليهم الباسات راحت بسبب الاستهتار التريلا وزنها اكتر من 40 طن فاضيه

مش مصدق ان ده حال البلد ..................................... مش شاعر انه بيدمر في العربيات .... اكيد بيسوق تحت تاثير اى نوع من انواع المخدرات .

ايه المنظر البشع ده رينا يصبر أصحاب العربيات اللي اتعجنت دي لحد امتي هنفضل في الفوضي والاستهتار ده

ربنا يعوض اصحاب العربيات اللى اتدمرت من واحد مينفعش يتقال عليه كلمة سواق تريلا الكلمة الوحيدة اللى تنطبق عليه مينفعش الواحد يقولها ويضيع صيامه
المفروض يبقى فى حل رادع للنوعية دى

سواق التريلا شكله ساب الدنيا وخلع

الحمد لله السيات الحمرا سليمه يا فرحه صاحبها دلوقتى فلوسه حلال :)

اقتباس:

---

المشاركة الأصلية كتبت بواسطة manfromegy

بالراحة بس
سواق التريلا ولا هايجراله أي حاجه دي توصيفها القانوني مخالفه مش أكتر و حتي لو سواق التريلا معهوش رخصة و دي أشك فيها مافيهاش عقوبة جامده اللي تخليه يجري علي أصحاب العربيات يصلحالهم ياسادة حاولو تعدلوا القانون الأول

---

العقوبه بتقع على صاحب التريلا لما يرفعو عليه قضيه ويطلبو تعويض وحايخدو جزء من حقهم بس بعد سنيييييين والا يتحكم عليه بحبس بس مده صغيره ممكن لو هو صايع يقول اتحبس بدل ما ادفع ويبقى حق الناس ضتاع فعلا لانهم مش حيعملو حاجه بحبسه

هو الغريب فعلا الناس اللى فى الشارع رااااااااااااااااحت فيييييييييييين

طيب منحاول نوصل صوتنا من المنتدي هنا

اقتباس:

---

المشاركة الأصلية كتبت بواسطة manfromegy

بالراحة بس
سواق التريلا ولا هايجراله أي حاجه دي توصيفها القانوني مخالفه مش أكتر و حتي لو سواق التريلا معهوش رخصة و دي أشك فيها مافيهاش عقوبة جامده اللي تخليه يجري علي أصحاب العربيات يصلحالهم ياسادة حاولو تعدلوا القانون الأول

---

اذن نحكم بشريعة الغاب وكل واحد ياخد حقه بدراعه مفيش مفر غير كده واليك قرار النيابه نقلا عن صاحب العربيه.... بلد غاب فيها اى منطق او عدل او انصاف او قانون وضعى حتى


AbdelGawad Ahmed خلاص .. النيابه اخلت سبيل العربيه بالقوه بامر نيابه عشان انا وحش و بلطجي و كنت محتجزها بالقوه و صاحبها متضرر من و قوفها عن العمل!!
طيب و كل الخساير بتاعه اصحاب العربيات دي ايه؟؟؟ عربيتي راحت خالص و انا مش عامل تامين علي فكره
بسال السواق انت دخلت الشارع ده ازاي اصلا و ليه و موقفتش ليه مع اول عربيه عجنتها يقولي الفراميل سايبه

هو الاخ الى كان بيصور قصده يصور كيفية دهس السيارات ولا كان معدي بالصدفه لقي التريلا ركنه بالمنظر دا
دا كان المفروض يعمله جنايه
ربنا يعوض على صحاب العربيات

حسبى الله و نعم الوكيل دة الواحد بيبقى دافع دم قلبه فى العربيه

حسبي الله ونعم الوكيل

الاول كان بيصعب عليا قرار عز بمنع المقطورات
ولكن الان بعد اللى شافة المواطن بعد هذه المهازل لاشفقة ولارحمة

اغلب بتوع المقطورات بيتعاطو مع العلم ان فيهم ناس متخصصين سواقة بمهارة عالية

اين القانون نتمنى رجوع الحق لاصحابة
الواحد لما عربيتة بيحكها توكتوك بيزعل اوى وبيكون حاسس انه عايو يفعص التوكتوك
ولكن كيف لانة لايوجد قانون فى قلعة محمد على او قلعة قايتباى بالاسكندرية لان المقطورة اسكندرانية


يارب صبر اصحاب السيارات
ولو الصور دا كانت فى يوم 24\1\2011 فما تحت كان يتصور انها فوتوشوب

او العاب كرتون
او بلاى ستيشن 4

ده انسان مش فايق ده بالتاكيد كانت دماغه في كوكب تاني ؟؟؟؟؟؟اساسا ازي دخل شارع بالحجم ده بالدهية المعاه وازي يمشي بيه ؟؟؟؟؟؟؟؟؟؟؟

لو قاصد مش هيعمل كده
الله يكون فعون اصحاب العربيات دي والله

الناس مستغربة انه دخل الشارع و هو معهوش فرامل ده عادي ما سواق تريلا كان هيشيل العربية النهاردة في امتداد المحور عند مول العرب
ملف داخله علي 90 علي الطريق السريع و فجأة لقيت واحد بيزمر و المصيبة انه داخل الملف علي سرعة اعلي مني و ماشي اسرع من العربيات الملاكي اللي علي الطريق يعني انت عربيتك تقيلة و بتاخد وقت علشان تقف بسبب وزنها تقوم تجري و محسسني انه ميكروباص سوزوكي 7 راكب و الانيل من كدة الاقي السواق علي حتة مطلع سايب الفرامل و كل حاجة تزمر مفيش حاجة كان هيخبطني لولا اني رجعت بسرعة و بعد كدة بيبص و متضايق.
ده العادي بتاعهم و غير اللي بيشربوه بصراحة يا ريت يخلوهم يمشوا بالليل بس.

نفس الحادثة دي حصلت مع واحد صاحبي في السعودية
تم سجن سائق التيريلا
وتم تقييم قيمة إصلاح السيارات
ولم يخرج السائق من السجن إلا بعد أن دفع جميع ما عليه من فلوس
لدرجة إن في واحد كان مسامح في جزء من حقه
خد الفلوس من الشرطة وراح رجع جزء مسامح فيه للسائق

مصر بلد الفوضى في كل المجالات
وفوضى مقصودة من عشرات السنين مش فوضى عشوائية

ـ

هي كلمة .. افترا .. و لا ازيد !

السواق التريلا كبيرها حيتعمله محضر اتلاف وحياخد غرامة خمسمائة جنيه وحيرجع يسوق زي الباشا .
وعلي المتضرر انه يقوم برفع دعوى مدنية ضد صاحب العربية والسواق بقيمة التلفيات ويبقى يقابلني لو خد منهم مليم ، ولا حول ولاقوة الا بالله العلي العظيم

ربنا يسترها مع الكل

السواق ده سواق مش طبيعى

تعليق عجبني من واحد كاتبه علي الفيس تحت الصورة
"
عمرنا ما حنتقدم طول ما العامل مش لابس خوذة
الفلاح دايس حافي
السواق مش رابط الحزام
الحداد مش لابس واقي العين
النجار مش لابس جوانتي
الزبال مش لابس كمامة
الطباخ مش لابس غطاء رأس
البنا مش لابس حزام تعليق
الكمسري لابس شبشب
المدرس ماسك عصايا
الضابط يتقاله باشا
الحرامي رجل أعمال
القاضي بيتعين بواسطة
الفني يتقاله باشمهندس
التمرجي يتقاله يا دكتور
البواب عايزله بواب
الموظف فاتح درجه
البلطجي سايس موقف
ال بدقن نقوله يا شيخ
الصحفي يبقى مذيع
لعيب الكرة يبقى إعلامي
الفن يبقى سبوبة و نحتاية
الصايع يبقى فارس و نجم
الدوشة تبقى أغنية
السرقة تبقى حداقة و شطارة
السفالة بقت حرية...
و لك الله يا #مصر

حسبي الله ونعم الوكيل حرق دم بجد

Sent from my GT-S5282 using Forum Runner

لا حول ولا قوة الا بالله !!
ربنا يعين اصحاب العربيات دي

سواق التريلا لازم يلقن درس قاسي ويكون عبرة