الموضوع: تقيمى لصيانة ال ١٠٠٠ للنيو كارينز (وكيل روكسى)

شكرا لردك يا ريس والله يبارك فيك... بس مش عارفة حكاية المواعيد دى عشان لما تستلم العربية ميبقاش فيك حيل تناهد معاهم فى اى حاجة مش عجباك .. ولا عشان تحافظ على عربيتك ومترحلهمش كل شوية ... بخصوص قراية الكمبيوتر : دى بتتضبط تانى مع المشى ؟ انا ساكن فالشروق والمشكلة انى مخدتش بالى من قراية الكمبيوتر الا و انا على اول طريق السويس .. ولحد موصلت وهى مصممة على ال ٨ :-)

المشاركة الأصلية كتبت بواسطة عمرو مجايفر

السلام عليكم يا اعضاء نايل موتوز الكرام
انا معايا كيا كارينز ٢٠١٤ اتوماتيك وكان وحجزت صيانة الالف فرع روكسى ورحت امبارح حسب ميعاد الحجز بتاعى وكانت مفاجأة بالنسبالى انهم ادونى ميعاد الساعة ٩ ونص بعد الفطار !!!
قولت بركة يا جامع ورحت فى ميعادى .. روحت لاقيت مكان الوكيل غريب شوية لان فى بنزينة التعاون مغطية علية لان البنزينة قدامة ما علينا .. مدخل الصيانة ضيق بتفضل قاعد فعربيتك لحد ميجى الفنى يسمع منك شكوتك من العربية او نوع الصيانة :-) . وحلنى بقى لحد ميجى دورك لانه فنى واحد بس .. بعد كدة .. قعد يكتب فورقة انى هعمل صيانة الالف .. وامضى ياباشا .. قولتلة أمضى على أية هو مش المفروض تقولى فالصيانة دى هتعمل اية للعربية ؟؟؟ قالى هنغير زيت وتربيط عفشة وهنضف الماتور بالهوا وهنغير فلتر زيت .. طبعا انا سبتة الاول يكتب التكلفة لاقيتة بيكتب ٣٨٠ .. قولتلة عايز اعمل رجلاش للفرامل لان فرامل اليد كانت عايزة تتشد سنة .. وزودلى مية القربة والمساحات و زودلى هوا العجل ..لاقيته مزودش حاجة فالفاتورة .. قولت تمام .. هتسلم العربية امتى يبنى .؟؟؟؟. قالى ١٠ ونص ... طبعا احنا شعب يدى مواعيد مضروبة للصبح .. كنت هناك فالتوكيل ٩ وربع استلم العربية منى الساعة ١٠ .. وقالى هتستلمها ١٠ ونص ومستلمتهاش الا ١١ وتلت !! اومال لو كنت رايح لاقدر الله على حاجة كبيرة !!! ماعلينا .. نادو علية عشان ادفع .. ببص فى بيان التصليحات الاقى مكتوب وردة ب ١٦ جنية وطبة زيت بحاجة وعشرين جنية !!!! روحت للبية الفنى بقولة اية دة !!! هما البهوات كسروا الطبة وبيدفعونى تمنها ؟؟ قالى لا يا باشا وازاى الكلام دة وشغل ال٧ ورقات دة .. راح قعد يلف لفتين وقالى دة امر شغل غلط جة فامر شغل حضرتك !!!! طبعا انا مطمنتش قولتلوا طيب ممكن اشوف اسم صاحب امر الشغل الى دخل فامر الشغل بتاعى .. لاقيتة فعلا بتاع واحد تانى ..
الدروس المستفاده :
اولا : روح قبل ميعاد الحجز بنص ساعة على الاقل .
ثانيا: راجع كشف الصيانة بتاعك اول متستلمة وشوف تكلفة كل حاجة ..
ثالثا: لازم تكون فاهم كل حاجة فعربيتك وواخد فكرة عن الميكانيكة بتاعتها .. عشان محدش يستغفلك ..

فى حاجات بقى انا مستغربها بعد الصيانة .. ودى محتاج حد حصل معاه نفس الموقف :-
العربية حسسها بقت عفشتها ناشفة اوى .
ثانيا : الكمبيوتر بتاع العربية بقى بيقرأ ان العربية بتحرق ٨ لتر كل ١٠٠ كيلو ..، كانت قبل الصيانة بتقرأ ٧ ونص لتر فى ١٠٠ كيلو !!!!! مش عارف دة عادى ولا لا ؟؟؟؟
ثالثا: اداء العربية كسحب اتحسن كتير بعد الصيانة ..

باشا انا كنت عايز اسئلك في حاجة عن الكارينز الجديدة
هي ارتفاعها عن الأرض اعلي من السيدان زي السيراتو والريو مثلا عشان بحس انها نفس الأرتفاع
وهل بتحك معاك في المطبات وهي محملة ولا لأ ؟؟

المشاركة الأصلية كتبت بواسطة mhkorayem

موضوع المواعيد ده مشكله اداره اولاً واخيراً مش بنعرف نظبط اي مواعيد في مصر ابداً لازم يكون في تاخير
بخصوص البنزين متشغلش بالك كام مشوار كده وهتلاقي الموضوع بيتغير معاك

شكرا يا ريس على متابعتك

المشاركة الأصلية كتبت بواسطة mohamed haggag

باشا انا كنت عايز اسئلك في حاجة عن الكارينز الجديدة
هي ارتفاعها عن الأرض اعلي من السيدان زي السيراتو والريو مثلا عشان بحس انها نفس الأرتفاع
وهل بتحك معاك في المطبات وهي محملة ولا لأ ؟؟

بص يا ريس دة رأى المبدئ عنها : اولا عربية ممتازة بالنسبة لحجمها ماتورها قوى فالطلعات وبنركب فيها ٧ ومفيش اى مشاكل ولا فى سحب ولا فى اداء خالص .. الحمد الله محكتش فمطبات معايا نهائى مع الغلم انى سافرت بيها الغربية وما ادراك ما الغربية ومطباتها ... الحمد الله التكييف وانت محمل لا يؤثر على العربية نهائى كأنك مش مشغلة .. مكن صوت الماتور الى بيعلى سنة ... بس سحب واداء بسم الله ماشاء الله كويسة .. فى ناس كتير مستغلية تمنها بس تمنها فيها .. لو انت خايف من الارتفاع كيا عملت فئة جديدة علت فية الجنط

مبروك الصيانة

المشاركة الأصلية كتبت بواسطة S O P H O S

مبروك الصيانة

الله يبارك فيك يا ريس .. شكرا على المتابعة