الموضوع: فورد بي ماكس

المشاركة الأصلية كتبت بواسطة kantofanto

مشاء الله عربية جميلة ..تسلم بجد على الموضوع الرائع

شكرا لحضرتك
بس يا ترى هنشوفها فى الشارع
ولا هتبقي زى عربيات كتير جميله ونادرة الوجود فى شوارع مصر
زى الفيات لينا وال ستروين سي 4

اللي هيحدد هتبقى منتشرة في مصر ولا نادرة هو سعرها ومدى توافر قطع الغيار ، انا لو بقارن بينها وبين الكارينز (مع احترامي للسيارة ومالكيها طبعا) هختار دي ومش هفكر في موضوع سعر اعادة البيع اساسا لأن اللي بيشتري الفورد عارف انه هيخسر فيها لو فكر يبيعها.

المشاركة الأصلية كتبت بواسطة kareemmostafa

هو فيه فرق كبير ما بينهم! الفورد أصلاً بيحاولوا يعملوا عربية قدو الإمكان بمساحات واسعة من جوه و أبعاد صغيرة من بره....

ال B MAX تحسهم بيحاولوا يستغلوا المساحات بطريقة رهيبة و أماكن تخزين فى كل حتة بطريقة عملية جداً!

فهتلاقى مثلاً إن أبعاد الكارينز 4252 * 1805

لكن أبعاد ال B MAX :
4077 * 1751

الكابينة من جوه نفس الوسع تقريباً بس شنطة الكارينز أكبر .....


ال بي ماكس
، حجم الشنطة بالليتر بدون طى الكنبة (304 ) لتر و مع طى الكنب (1372) لتر


بس لو أنا بختار هختار ال B MAX الصراحة عشان القعدة فيها جوه حاجة تانية خالص و أداءها رياضى على غير المتوقغ من MPV.... متنساش إنها أصلاً فيستا!

و الصراحة ال options اللى فيها رهيبة!

مفيش اخبار عن الاسعار وقطع الغيار

المشاركة الأصلية كتبت بواسطة egytamer

مفيش اخبار عن الاسعار وقطع الغيار

الاسعار

Titanium A/T 186,900
Titanium Plus A/T 199,900

قطع الغيار

حضرتك ممكن تتواصل معهم على موقع الفيس

https://www.facebook.com/FordEgyptOfficialPage

المشاركة الأصلية كتبت بواسطة abokoko

شكرا لحضرتك
بس يا ترى هنشوفها فى الشارع
ولا هتبقي زى عربيات كتير جميله ونادرة الوجود فى شوارع مصر
زى الفيات لينا وال ستروين سي 4

طبعاً مش هنتتشر لان الفورد مش بياعة فى مصر و تسويقها مازل ضعيف ، دا غير الفكرة العامة عند الشعب المرى أن قطع غيار فورد غالية عشان بيقارنها بالكورى فبالتالى الكيا كارينز تكسب و هاتنتشر أكتر بكتير بصرف نظر عن الجودة و الامان ، دا غير أن سعرها كمان مش بسيط عشان يخليها تنتشر
ان عن نفسى أميل اكتر للفورد فوكاس هاتشباك بمبلغ 218000ج أو إيكو سبورت بس يعيب عليها ان تقفيلها هندى.

أشكرك على المشاركة الجميلة و الرائعة.