عايز اركب تكييف فى سكودا فيلشيا 96

**mada127** · 16-10-2008 10:55 AM

ممكن حد يدلنى اركب فين التكييف واركب تكييف مستعمل بتعها الاصلى ولا جديد بس طبعا موش بتعها ياريت حد يساعدنى ويكون يعرف حد تمام يركبة

**amir** · 16-10-2008 02:41 PM

لو عايز و ناوي يبقي جديد طبعا و سيبك من حوار مستعمل اصلي و الكلام الفاضي ده
عندك الجندي قصاد السجان في شارع دمشق
و النوع اللي هتلاقيه هو ساندن ياباني و تقريبا مفيش غيره
بس خد بالك و عن تجربه لأني كان معايا فيليشيا 98 و ركبتلها تكييف
مش هيديك اداء مبهر
الجو هيبقي ساقع عن بره العربيه فقط بس مش هتعرق
و لو وقفت في شمس ولا الحراره كانت عاليه شويه هتلاقي ان التكييف بيجاهد علشان يسقع و ممكن تبدء تتخنق منه
لكن لو في ضله و العربيه ماشيه هتبقي مبسوط و باليل هيبقي تلاجه
اظن المشكله بتبقي في العزل و لو امكن انك تركب فيميه خفيف او في كول هتلاقي اداء ممتاز
و طبعا ده محتاج مراجعه شامله و اصلاح لو كان فيه عيب
بس مش هيأثر علي السحب الا سنه بسيطه
و لو تقدر تستني علي التكييف للصيف القادم و تبيعها و تجيب حاجه تانيه يبقي احسن
لكن لو مش في الامكان يبقي اتكل علي الله و ركبه و كده كده هيضيف لقيمه العربيه لو احتجت تبيعها مستقبلا
ارجو اني اكون افدتك

**mada127** · 18-10-2008 01:58 PM

شكرا جدا على النصيحة دى انا كونت بفكر فى ان اجيب عربية تانية بس كونت عايز حد يشجعنى

**ArafatEHegazy** · 19-10-2008 01:11 PM

أن معايا سكودا كومبي 96 ومشتريها فيها تكييف متركب موش أصلي ... دلوقتي بقالها معايا 4 سنين
أداء التكييف معقول وان كان موش زي الياباني ولكن مرضي
بيأثر علي السحب
موضوع السخونه أنا موش بعاني منه نهائي ...لأني معتني بدورة التبريد جدا ...وأعتقد ان أي خلل في دورة التبريد هو اللي بيزود الحرارة لأن السكودا عربيه حساسة للحرارة بطبيعتها
أنا ببقي مشغل التكييف في الحر والحرارة موش بتعدي 90 الحمد لله

آه نسيت أقول ان نوع التكييف ساندن ياباني

**amruzo** · 26-10-2008 12:57 PM

والله يا جماعه عندى نفس المشكله بس المكنه تعبانه شويه بس هاجيب موتور مكيف جاهز اعتقد ان الاصلى اصى برضه هاتفرق لما يكون الموتور مكيف غير لما تركبه انت

**elmadawy** · 29-10-2008 07:42 PM

ايضا عن تجربه لا انصحك بتركيب اي شي مش نازل اصلا مع العربية لانه عمرة ما حيبقا زي لما حيكون نازل اصلا مع العربية لابيخلي اداء العربية مش كويس والعربيه تسخن لانك تعرف ان العربية حساسه شويه في موضوع السخونيه