الموضوع: حد جرب الكنافة اللى بالنوتيلا الجديدة !

المشاركة الأصلية كتبت بواسطة lena jo

النوتيلا عبارة عن شيكولاته مع بندق مفروم.
ممكن تتعمل في المنزل الطريقة الاولي من الfacebook
علبة قشطة+ملعقة ك زيت+2 ملعقة ك مسحوق كاكاو + ملعقة ص نسكافيه+2 بيالة شاي(مكتوبة كده مش عارفلها معني)سكر بودرة+ظرف كريو كارميل. كله في الخلاط و خلاص. ممكن تجربوا السكر و تذوقوا لغاية لما يظبط.
الطريقة الثانية من فتكات. انا نقلتها عندي في ملف one note بجمع فيه طرق كل حاجة و الكلام كله منقول مش من عندي لكن انا بنقل المهم بس من غير الرغي
النوتيلا. (فتكات)
- كوب لبن
- كوب لبن بودره
- كوب سكر بودرة
- كوب زيت
- كوب كاكاو خام (الفاتح احلى من الغامق)
نحط كل المكونات في الخلاط و نضربهم كويس اوي و بعد كده فضيه في بطرمان نظيف. لو عندك.بندق تطحنيه و تحطيه وقت الخلط
pasted from <http://forums.fatakat.com/thread4786848>
و دي هدية فوق البيعة طريقة الدانيت من فتكات . يلا عشان تعرفوا فضل فتكات و الله انا عرفتها من هنا في المنتدي و بعدين عجبتني جدا فيها كل حاجة.
شوكلاته دانيت
3 كــوب حليـب
2 و 1/2 م ك دقيق
* فانيلا
* م ص نسكافية بنكهة الموكــا (بتدي طعم خيـــال )
4 ملاعق كاكاو
* السكر حسب الرغبـة ( بس خلى بالك كاكاو هيرشى يحتاج سكر اكتر من كاكاو نسكويك يعنى دوقـي الاول.
الطريقة
نضع جميع المكونــات على الحليـب.البـارد ونخلط بمضـرب سلك ونرفعهم عـ النــار نخلط لحد ما يغلـى اول ما يغلي نرفعــة من عـ النــار.
Pasted from <http://forums.fatakat.com/thread3757699>

و طريقة تانية
شوكلاته دانيت
كوب لبن .كوب زيت. كوب سكر .فانليا.
5ملاعق اكل كاكاو محلى انا جربت الخام قبل كده ماكانش طعمه حلو.(مش انا دي اللي كاتبة الوصفة)
الطريقه:.
حطى اللبن والزيت والسكر فى الخلاط واضربيهم كويس بعدين حطى الكاكاو والفانيليا واضربى تانى لحد مايتقل يبقى تقل المايونيز كده لقيتيه لسه خفيف حبه زودى معلقه كاكاو كمان.
بس كده وحطيه فى برطمان فى التلاجه انا المقادير دى عملتلى كيلو شوكلاته.

و الكنافة طريقتها سهلة اكيد بس هنا هتحشيها النوتيلا و خلاص و بالهنا و الشفا اعملوها و اعملوا واحدة للطفل الغلبان اللي كان هيموت عليها ووفروا اللم من الناس.يلا ادينا بنقطع عليكم رزقكم معلش بقي ملكوش حجة و لو عايزين اي حاجة تانية قولوا بس و اجيب لكم الطريقة.فيه كل حاجة في فتكات حتي طريقة الحلاوة الطحينية و المايونيز و بطرق سهلة.

طيب حضرتك ناويه تعمليها امتي ؟؟
احنا ممكن نمول العمليه
يرضيكي يعني نروح نشحت في فتكات ؟؟
واحنا ماشاء الله منتدي سيارات ليه وزنه