الموضوع: السلامه اولا قبل شراء السيارات الصينيه

يا ريتها جت على السلامة و بس, السيارة الصينية يعنى :
- عمر افتراضى قصير.
- أعطال بالجملة فى الفترة الاولى من استخدامها, و انهيار تام بعد فترة قصيرة نسبيا.
- أداء منقوص, و المصيبة أنه يقل مع الاستخدام.
- عيوب صناعة, و تصميمات مقلدة بشكل مضحك.
و لكن لأن السيارة انسيابية قليلا و شكلها بيعجب بعض الناس, و مليانة "اوبشنز" فطبيعى انو الناس هتشتريها و تفرح بالحبشتاكانات و الحاجات اللى بتنور, و تغور فى داهية أى حاجة تانية!
قلتها من قبل, بعض المستهلكين لا يستحقون أكثر من سيارة رديئة.

شوفتوا الفرق بين السينا اللي بتتجمع في الصين و الشيري الصيني بجد حرام اللي هيضيعوا في حوادث العربيات دي

و المصيبة الكبيرة في البريلنس عربية بالاسعغار دي اي كلام مجرد كماليات

اللي لفت نظري ان سرعة التصادم 64 كم في الساعه وده مش كتير
الواحد يخلي باله بعد كده وهو سايق...
ربنا يستر
بس فعلا العربيات الصيني دي مقلب جامد

مفيش اجدع من الفيات

المشاركة الأصلية كتبت بواسطة ahmodium

اللي لفت نظري ان سرعة التصادم 64 كم في الساعه وده مش كتير
الواحد يخلي باله بعد كده وهو سايق...
ربنا يستر
بس فعلا العربيات الصيني دي مقلب جامد

مفيش اجدع من الفيات

64 كلم/ساعة مش سرعة مهولة للاصطدام لو انت بتخبط فى حاجة مرنة يعنى سيارة أخرى, لأن الطاقة الناتجة عن الاصطدام هتتوزع على السيارتين و كمان هيكون فيه حركة للخلف و الامام لكل السيارتين, لكن الاختبار بيجرى على حيطة ثابتة مبيحصلش فيها أى تشوه و لا بتتحرك من مكانها فالعربية هى اللى بتاخد الخبطة كلها عشان كده 64 كم/ساعة فى حيطة مساوية ل100 كم/ساعة مثلا فى سيارة أخرى.