تابع سلسة اصحى يا قسم ال لادا

اليوم بفضل الله وبحمده
نجوت وتجنبت الاصطدام

كان امامى دوران والتقاء مع شارع رئيسى
عربيه بيجو 504 وعربيه مكروباص صينيى و2 على موتوسيكل
الموتوسكل من الشارع الرئيس والعربيتين مع الدوران وخبط الموتوسكل فى البيجو اللى مال على المكروباص
اعتقد الكل بخير كدمات على اعوجاج فى الصفيح والحديد - المهم الحمد لله لا خسائر بشريه

مش دى القصه

القصه
انا جاى وراهم وكنت بهدى لتحت ال60 حوالى 40/50 كيلو
ولقيت الموقف ده
دوست فرامل بسرعه لتجنب الاصطدام بهم

العربيه كانت على وشك الزحف

اللى عملته ورا بعض وبصوره متلاحقة وتلقائيه
لقيت نفسي بدوس جامد واسيب ادوس و اسيب
والعربيه كانت بتنطط
بس الحمد لله هديت جامد ولفيت بعيد عنهم ولم اخبط فيهم


الفرامل بتاعه ال لادا مش قد كده
فانا شاددها من اسبوع تقريبا وواخد هوا

خلوا بالكم

الحمد لله على سلامتك
المهم لازم تراجع على الفرامل تانى عند ميكانيكى غير اللى روحت عنده الموضوع مش محتاج تأجيل وربنا يسترها معانا كلنا

زحف العربية مالوش دعوة بالفرامل الا فى حالة واحدة ان الطنبورة ما بتقفش و بتلف برضه و فى الحالة دى ما يبقاش زحف لأنك هاتسمع تزييقة مع الفرامل
الزحف درجات ممكن بسبب الطريق (رملة او مياه ) و غالبا بيبقى بسبب الكاوتش
اطمن على حالة و نقشة الكاوتش

الكاوتش بردجستون
تقريبا 2011 او 2010
وماشى حوالى 24الف او اقل
النقشة مش زى الجديد لكن كويسه ومش ممسوحة
العربيه لادا مصري 2007م
؟

السلام عليكم
ألف حمد لله على سلامتكم ووقاكم الله وحفظكم من كل سوء
فعلا فرامل اللادا فيها حاجة غريبة عندى ساعات تبقى زى الفل يادوب من لمسة على الدواسة وتستجيب
وساعات أخرى أدوس على الدواسة بكل عزمى وألاقيها خفيفة شوية
رحت لبتاع الفرامل يسحب هوا قالى الفرامل مفيهاش حاجة علما بأنى لسة مغير تيل أمامى
وحاشى التيل الخلفى وشادد الفرامل بالكامل
ربنا يسترها معانا ويقينا و يحفظنا من كل سوء
والف سلامة على حضرتك

حمد لله على السلامه وياريت ناخد بالنا من الفرامل باستمرار

حمدلله على سلامتــك والحمد لله انك نجوت من هذا الحادث

للأســـف الفرامــل مشكله لا يمكن السكوت عنها ولكن هناك عوامل كثيره تتوقف على قوتها ( كاوتش ـ ارض رمله او ميه ـ طنابير ـ تيل فرامل ،، الخ ) فياريت تحاول تراجع تانى على الفرامل وتتأكد من سلامتها لزياده الطمأنينه

عموما هراجع الفرامل مع الميكانيكى
+
هخليه يشد فرامل اليد

كان فيه طريقة تسقيط الغيار بتكلبش العربية مكانها و دى الأفضل بس أنا مش عارف أعملها بالسرعه المناسبة (دايماً بأكون مرتبك )
ربنا يسلم طريقنا جميعاً

اعتقد الطريقه دى هيكون لها تاثير سيئ على
مجموعه الدبرياش + الفتيس

هى ممكن تتعمل لما الفرامل تسيب