هل تنصحونى بجولف 7 زيرو ولا لا؟

**Yasser_Teilab** · 03-07-2014 01:04 AM

المشاركة الأصلية كتبت بواسطة ahmad--ezzat

ds5 وخلص الكلام ....روح بص عليها

مركبه فضاء

غاليه.. جدا

شكرا على الاهتمام والردود :)

**amrsabet** · 03-07-2014 01:54 AM

عربيه أكثر من رائعه موتور وعزل وفرامل و تكييف و عفشة و راحه ركوب و ثبات و كماليات رائعه عبها مفيهاش باركينج سنسور
لكن سقف بانوراما و زينون و كل حاجه فيها
انا بالصدفة اتنين زميلي في الشغل لسه عايش جايبين واحده سموك سيلفر وواحدة زرقا ماشاء الله
وعفشه مالتي لينك مش تورشن بيم
والفتيس رائع ولكن للأمانه العربيات لسه زيرو بس ممكن تتعامل مع الفتيس أنه مانوال و تمشي في الزحمه اوى على الاول لحد سرعه 10 اللي احنا نص حياتنا عليها بس على الطريق ولا اروع
ولو عايز توفر هات ليون

**corolladestroyer** · 03-07-2014 02:26 AM

المشاركة الأصلية كتبت بواسطة Yasser_Teilab

السلام عليكم السادة الأفاضل، وكل عام وأنتم بخير.
انا ملاحظ قلة المواضيع عن الجولف 7 وكأن محدش بيشتريها.
انا كنت بفكر جديا اشتريها، بس مستني موديل 2015، ومحتاج رأيكم وخبراتكم.
التوكيل والموزعين المعتمدين مبيفهموش حاجة مع احترامى وبيقلك اى كلام علشان يطمنك ويضحك عليك وخلاص.
انا تخوفاتى اللي اكيد انتوا عارفينها الفتيس والبنزين والتوكيل.

اتمنى تفيدونى بخبراتكم ولو فى تجارب شخصية يبقي رائع

شكرا لكم ورمضان كريم

العربيه عامله معايا دلوقت 18 الف..ب92
البنزين مفيش منه اي مشاكل العرييه عمرها ما كركرت والسحب فوق الممتاز العربيه الرقم الرسمي بتاعها من 0-100 في 8.4
قست تسارعها كذا مره وعملت متوسط 7.9 ثانيه....
الفتيس مفيهوش ترزيع ولا تطويل في الغيارات ولا مشاكل تذكر هو عيبه صوت الخشوله بتاعه وده العادي في ال DSG من الكيلو 0.....
بالنسبالي مشكلتي الوحيده مع العربيه rear suspension noise غير كده العربيه ممتازه جدا...ثبات وعزل وسرعه ومتعه وكله...

**J A G U A R** · 03-07-2014 02:55 AM

رغم جمال وفخامه وفظاعه الجولف بس الفتيس يتقلق منه

**ahmed.Elashy** · 03-07-2014 11:04 AM

بص العربيه مفيش غبار عليها والتوكيل انا بتعامل معاه الناس كويسين و متعاونين و نظرا للتوكيلات اللي ف البلد ف هوا يغتبر كويس ومعاملاتهم كويسه مع الناس لان معظم الناس اللي بتجيله بتبقي من طبقه كويسه خصوصا ملاك الاودي
اتوكل ع الله وان شاء الله احصلك واجيب الجولف قريب

**Mohamedjetta** · 03-07-2014 11:23 AM

Dsg كويس وعندي والدي في جيتا وهي حاليا ماشيه العربيه 106 الف ومفيش اي مشاكل
الحاجه الوحيده اللي عملتها انا و والدي هي كانت الكلتشات وقعدت معانا الكلتشات يجي 60 الف
عيوب الفتيس ده
1- الشخلله
2- ممكن رزعه بسيطه بس نادرا
مشكله الناس عندنا في مصر بتكلم علي موديلات dsg اللي كان من ايام 2009 واكيد فولكس عدلت من الفتيس ده في الفتره اللي فاتت
فعلا اختيار صعب لان الفتيس مقلق.... انا شخصيا ببقي خايف علي عربيه بابا

**Yasser_Teilab** · 03-07-2014 11:25 AM

المشاركة الأصلية كتبت بواسطة amrsabet

عربيه أكثر من رائعه موتور وعزل وفرامل و تكييف و عفشة و راحه ركوب و ثبات و كماليات رائعه عبها مفيهاش باركينج سنسور
لكن سقف بانوراما و زينون و كل حاجه فيها
انا بالصدفة اتنين زميلي في الشغل لسه عايش جايبين واحده سموك سيلفر وواحدة زرقا ماشاء الله
وعفشه مالتي لينك مش تورشن بيم
والفتيس رائع ولكن للأمانه العربيات لسه زيرو بس ممكن تتعامل مع الفتيس أنه مانوال و تمشي في الزحمه اوى على الاول لحد سرعه 10 اللي احنا نص حياتنا عليها بس على الطريق ولا اروع
ولو عايز توفر هات ليون

أنا متشكر جدا على ردك.

**Yasser_Teilab** · 03-07-2014 11:32 AM

المشاركة الأصلية كتبت بواسطة corolladestroyer

العربيه عامله معايا دلوقت 18 الف..ب92
البنزين مفيش منه اي مشاكل العرييه عمرها ما كركرت والسحب فوق الممتاز العربيه الرقم الرسمي بتاعها من 0-100 في 8.4
قست تسارعها كذا مره وعملت متوسط 7.9 ثانيه....
الفتيس مفيهوش ترزيع ولا تطويل في الغيارات ولا مشاكل تذكر هو عيبه صوت الخشوله بتاعه وده العادي في ال dsg من الكيلو 0.....
بالنسبالي مشكلتي الوحيده مع العربيه rear suspension noise غير كده العربيه ممتازه جدا...ثبات وعزل وسرعه ومتعه وكله...

المشاركة الأصلية كتبت بواسطة stalky911

السلام عليكم
بص يا باشا انا كنت خايف زيك كدا و توكلت علي الله و جبت جولف 6 2012 و الحمد الله لحد دلوقتي 29,000 كيلو و مفيش اي مشاكل في الفتيس و الحمد الله نسارع و اداء عالي بالنسبة لل 1600 مش 1400tsi
فتوكل علي الله
و ربنا يبركلك فيها ان شاء الله

متشكر جدا على ردودكم. طمنتونى وربنا يباركلكم فى عربياتكم ويحفظها
كان عندى سؤالين كمان معلش بما انكم من الملاك.
- هل قابلتكم أى مشاكل مع التوكيل أو عندكم أى ملاحظة عليه؟
- تانى حاجه انا كنت عايز اشترى الهاي لاين.. واحده فى فرع للوكيل اسمها بسنت.. قالتلى الهاى لاين بتنزل بشيفتات ورا الطارة.. بس لما شوفت الهاى لاين فى بي اوتو المعادى مكنش فيها، وقالى ده كلام فاضي وما بتنزلش كده.. قعد يدور عليها أصلا
- حاجة كمان مسؤولة المبيعات اللي بقولكم عليها دى، قالتلى انهم علشان المشاكل بطلوا يستوردوا ال dsg سبع نقلات وبيجيببوه 6 دلوقتى.. بتقول أى كلام بردو؟

**Yasser_Teilab** · 03-07-2014 11:35 AM

المشاركة الأصلية كتبت بواسطة j a g u a r

رغم جمال وفخامه وفظاعه الجولف بس الفتيس يتقلق منه

ده حقيقي :)
شكرا على ردك

-

الموضوع: هل تنصحونى بجولف 7 زيرو ولا لا؟

LinkBack

أدوات الموضوع

عرض

-

-

-

المواضيع المتشابهه

تنصحونى بجولف 2 ام بولو موديل 2001 - و نصائح عند اشراء

تنصحونى اشترى فيرنا زيرو ولا لا

تنصحونى اشترى شيفوليه لانوس زيرو ولا لا

عايز اشترى زيرو ب 75-76 الف بالكتير تنصحونى بايه ؟؟؟

تنصحونى بإيه؟؟عربية زيرو مانيوال من 75الى 85 الف فقط

الكلمات الدلالية لهذا الموضوع

المفضلات

المفضلات

ضوابط المشاركة