عرض للطباعة
السلام عليكم السادة الأفاضل، وكل عام وأنتم بخير.
انا ملاحظ قلة المواضيع عن الجولف 7 وكأن محدش بيشتريها.
انا كنت بفكر جديا اشتريها، بس مستني موديل 2015، ومحتاج رأيكم وخبراتكم.
التوكيل والموزعين المعتمدين مبيفهموش حاجة مع احترامى وبيقلك اى كلام علشان يطمنك ويضحك عليك وخلاص.
انا تخوفاتى اللي اكيد انتوا عارفينها الفتيس والبنزين والتوكيل.
اتمنى تفيدونى بخبراتكم ولو فى تجارب شخصية يبقي رائع
شكرا لكم ورمضان كريم
مبدأيا الفتيس dsg .. اداء جبار و مفتري و تسارع فظيع
بس اللي انا ملاحظه عموما ان مشاكله رخمه و متكرره و هتسمع كلمه كتير اوي فالتوكيل "حضرتك يافندم المشكله انتهت من 2013"
بس ايه الدليل !!
بس هي عربيه مصنفه رقم 1 دائما ف فئتها ودا واضح فالمبيعات علي مستوي العالم
دور على مواضيع السيات ليون .... هما الاتنين توأم
شكرا لك Adnanfalcon
انا فعلا بسمع الكلمة دى كثير من التوكيل وبيقول كمان من 2012.. بس بسمع أكثر عن مشاكل فى التوكيل نفسه وانه بيعذب الناس.
للأسف ميش لاقى ناس معاهم عربية راكب فيها الدى اس جي من بعد 2012 على المنتدي بيقولوا أى حاجه.. والكلام فى المواقع التانيه كذلك.. لدرجة اني بقيت ماشي اسأل الناس فى الشارع.. آخرهم النهارده واحد معاه سكودا ياتي.. بس كلهم بيبقوا 2014 وكيلومتر قليل.
شكرا ashouhdy،
بصيت عليها، بس للأسف بردو مفيش كلام على مشاكل فى الموديلات الجديدة.
الموضوع الوحيد اللى لقيتها كانت عربية أوكتافيا 2014 مكملتش 100 كيلو وكان عندهم مشكلة كبيرة ميش معروف سببها حتى الآن.
شكرا مجددا وأعتذر لانى مبعرفش أعمل اقتباسات والذى منه
سيبك من كلام الناس لا اخر ولا يقدم جرب بنفسك و احكم
:N_no[1]:
بلاش
ابعد عن الفتيس ده عشان هينكد عليك
مفيش حد جربه الا واشتكي منه
استسمر فلوسك ف الافضل
ياباشا ربنا يباركلك، ميش هجرب بربع مليون وبعدين اتصدم أو اتنكد على الفاضي :dاقتباس:
المشاركة الأصلية كتبت بواسطة kokowasfy
هو هيشتري موبيل :Dاقتباس:
المشاركة الأصلية كتبت بواسطة kokowasfy
دي الوفات مؤلفه :shine[1]:
اقتباس:
المشاركة الأصلية كتبت بواسطة ahmad--ezzat
طيب ايه الأفضل؟؟
أنا كنت معجب بالأسترا.. بصيت عليها.. مع احترامى لاعجاب الناس بيها.. بس العربية حسيت انى قاعد فى kinder surprise.. بلاستيكوا فى كل حته.. ودماغى خبطت فى السقف.
وبسمع بردوه شكاوى خفيفة متفرقة
الكورولا.. مع احترامى الشديد ليها.. بس انا لا بحب شكلها ولا قاعدتها.
العربية الوحيدة اللى كانت عجبانى هي مازدا 3.. بس مجموعة كبيرة من معارفى عندهم نفس العربية.. وأقربهم اختى.. فزهقت منها
حتى الجيتا لما ركبتها (الفئة الأوله) تقفليها كان عجيب شوية، فى حاجات صغيرة ميش مريحة.
الجولف العربية الوحيدة اللى ركبتها شدتنى.. واسعه، بسيطه من جوه بس جميله.. ماتور عبقري وقوى جدا.. كلها على بعض حلوه.. ما عادا طبعا الحاجات اللى كلنا بنقول تخوف.. الفتيس و التوكيل.. والى حد ما البنزين
ds5 وخلص الكلام ....روح بص عليها
مركبه فضاء
غاليه.. جدااقتباس:
المشاركة الأصلية كتبت بواسطة ahmad--ezzat
شكرا على الاهتمام والردود :)
عربيه أكثر من رائعه موتور وعزل وفرامل و تكييف و عفشة و راحه ركوب و ثبات و كماليات رائعه عبها مفيهاش باركينج سنسور
لكن سقف بانوراما و زينون و كل حاجه فيها
انا بالصدفة اتنين زميلي في الشغل لسه عايش جايبين واحده سموك سيلفر وواحدة زرقا ماشاء الله
وعفشه مالتي لينك مش تورشن بيم
والفتيس رائع ولكن للأمانه العربيات لسه زيرو بس ممكن تتعامل مع الفتيس أنه مانوال و تمشي في الزحمه اوى على الاول لحد سرعه 10 اللي احنا نص حياتنا عليها بس على الطريق ولا اروع
ولو عايز توفر هات ليون
العربيه عامله معايا دلوقت 18 الف..ب92اقتباس:
المشاركة الأصلية كتبت بواسطة Yasser_Teilab
البنزين مفيش منه اي مشاكل العرييه عمرها ما كركرت والسحب فوق الممتاز العربيه الرقم الرسمي بتاعها من 0-100 في 8.4
قست تسارعها كذا مره وعملت متوسط 7.9 ثانيه....
الفتيس مفيهوش ترزيع ولا تطويل في الغيارات ولا مشاكل تذكر هو عيبه صوت الخشوله بتاعه وده العادي في ال DSG من الكيلو 0.....
بالنسبالي مشكلتي الوحيده مع العربيه rear suspension noise غير كده العربيه ممتازه جدا...ثبات وعزل وسرعه ومتعه وكله...
رغم جمال وفخامه وفظاعه الجولف بس الفتيس يتقلق منه
السلام عليكم
بص يا باشا انا كنت خايف زيك كدا و توكلت علي الله و جبت جولف 6 2012 و الحمد الله لحد دلوقتي 29,000 كيلو و مفيش اي مشاكل في الفتيس و الحمد الله نسارع و اداء عالي بالنسبة لل 1600 مش 1400tsi
فتوكل علي الله
و ربنا يبركلك فيها ان شاء الله
بص العربيه مفيش غبار عليها والتوكيل انا بتعامل معاه الناس كويسين و متعاونين و نظرا للتوكيلات اللي ف البلد ف هوا يغتبر كويس ومعاملاتهم كويسه مع الناس لان معظم الناس اللي بتجيله بتبقي من طبقه كويسه خصوصا ملاك الاودي
اتوكل ع الله وان شاء الله احصلك واجيب الجولف قريب
Dsg كويس وعندي والدي في جيتا وهي حاليا ماشيه العربيه 106 الف ومفيش اي مشاكل
الحاجه الوحيده اللي عملتها انا و والدي هي كانت الكلتشات وقعدت معانا الكلتشات يجي 60 الف
عيوب الفتيس ده
1- الشخلله
2- ممكن رزعه بسيطه بس نادرا
مشكله الناس عندنا في مصر بتكلم علي موديلات dsg اللي كان من ايام 2009 واكيد فولكس عدلت من الفتيس ده في الفتره اللي فاتت
فعلا اختيار صعب لان الفتيس مقلق.... انا شخصيا ببقي خايف علي عربيه بابا
أنا متشكر جدا على ردك.اقتباس:
المشاركة الأصلية كتبت بواسطة amrsabet
اقتباس:
المشاركة الأصلية كتبت بواسطة corolladestroyer
متشكر جدا على ردودكم. طمنتونى وربنا يباركلكم فى عربياتكم ويحفظهااقتباس:
المشاركة الأصلية كتبت بواسطة stalky911
كان عندى سؤالين كمان معلش بما انكم من الملاك.
- هل قابلتكم أى مشاكل مع التوكيل أو عندكم أى ملاحظة عليه؟
- تانى حاجه انا كنت عايز اشترى الهاي لاين.. واحده فى فرع للوكيل اسمها بسنت.. قالتلى الهاى لاين بتنزل بشيفتات ورا الطارة.. بس لما شوفت الهاى لاين فى بي اوتو المعادى مكنش فيها، وقالى ده كلام فاضي وما بتنزلش كده.. قعد يدور عليها أصلا
- حاجة كمان مسؤولة المبيعات اللي بقولكم عليها دى، قالتلى انهم علشان المشاكل بطلوا يستوردوا ال dsg سبع نقلات وبيجيببوه 6 دلوقتى.. بتقول أى كلام بردو؟
ده حقيقي :)اقتباس:
المشاركة الأصلية كتبت بواسطة j a g u a r
شكرا على ردك
طيب كويس ان فى كلام ايجابي على الوكيل.. كل اللى بسمعه سيء جدا.. ده حتى هم نفسهم معترفين انهم عندهم مشاكل.اقتباس:
المشاركة الأصلية كتبت بواسطة ahmed.elashy
ربنا يباركلك فى العربية.. وتشتري اللى انت عايزه فى القريب ان شاء الله.. شكرا :)
مادى مشكلة عظيمة.. انك تبقي جايب عربية زيرو بمبلغ محترم وتنام وتصحى كل يوم خايف أحسن تبوظ منك.. الواحد بيجيب الزيرو علشان يستريح.. وبيجيب عربيات أحسن علشان يتدلع ميش ينكد على نفسه. :)اقتباس:
المشاركة الأصلية كتبت بواسطة mohamedjetta
متشكر على ردك وربنا يحفظلكم سيارتكم
سؤال معلش.. انا خدت بقالى ان حضرتك قاعد فى عمان.. سيارة الجيتا بتاعت الولد هنا فى مصر ولا عمان؟ علشان اقارن الزحام
العفو حضرتك وانا تحت امرك في اي سؤالاقتباس:
المشاركة الأصلية كتبت بواسطة yasser_teilab
العربيه في عمان بس برضو بيبقي في زحمه الصبحيه عشان الناس كلها بتبقي نزلة الشغل
بص هو اكتر الاوقات العربيه بتمشي في طرق سريعه بس كل يوم الصبحيه و الضهريه بيبقي فيه زحمه غير عاديه وبيمشي فيها والدي عشان الشغل
حكايه انها تبوظ انا بس اللي ببقي خايف اما والدي مطنش الموضوع عشان ميتعبش
العربيه بقالها معانا تلت سنين ومشاء الله روعه
متشكر يا فندم، ومجددا ربنا يحفظهالكم ويباركلكم فى العربيات كلهااقتباس:
المشاركة الأصلية كتبت بواسطة mohamedjetta
بص يا باشا وركز معايا عشان الكلام اللي هقولهلك مهم. جداا جدا جدااقتباس:
المشاركة الأصلية كتبت بواسطة Yasser_Teilab
الهاي لاين كانت بتنزل زياده
1-bixenon
2-panoramic roof
3-cruise control
4-dual climatic air codition...
دلوقت بقه نزلو فيها حاجه زياده مهمه جداا هي الكاسيت ال composition media بدل ال composition color
وطبعا ال composition media انضف مليون مره من ال color في ايه؟؟
1-5.8 inch ( 5.0 for color)
2- capacitive touch screen
3-proximty sensor
4-cd cahnger in glove box
5-USB and ipod interface
6-amplifier نقاوة صوت و بيز احلى بكتير..
ازاي بقه تفرق مابينهم ان الكاسيت الجديد الcomposition media فيه 4 زراير يمين وشمال اما القديم ال color ثلاثة زراير يمين وشمال.....
ds5
اسمع الكلام
هات اول فئة منها
انا بقالى كتير مش بدخل المنتدى
بس دخلت علشان انصحك
ال risk حضرتك اكيد عارفو كويس
سوق مانيوال فى الزحمه ... رجرجه ... تكلفه اصلاح كذا .... الخ .....
المشكله مش فى اداء السياره انما السؤال هل تقدر تتحمل المخاطرة فى سبيل اداء ممتاز ؟
استنى ال alfa romeo guilietta اخر الشهر
بص يا باشا انا كل الجولف ٦ و ٧ اللي شوفتوهوم و بتاعتي فيها شفتات في الطارة و لسة من ٣ اسابيع كدا رحت معرض يسيين الي في مصر الجديدة و شوفت جولف٧ هاي لين و كان فيها زينون و الكاست ب ٤ زراير و فتحت سقف و ٧ سرعات dsg و شفتات طارة ب ٢٥٤ الف. و اللي اعرفه ان الفتيس كلو ٧ سرعات و في واحد جديد لسه حاينزل ١٠ سرعات. ال٦ سرعات دا قديم جدا. والكلام اللي بقولك عليه دا كلام واحد صحبي مهندس في فولكس دبي. اهم حاجة بس متخفش من الفتيس و حوار الرجرجة و كدا حتحساها في البداية ممكن لحد لما تتعود علي دوست الفرامل و حتلاقي الرجرجة اختفت تماما. زي الاسترا كدا. رجرجة و كدا في الفتيس بس كل دا بيروح مع التعود علي طريقة النقل و الفرامل. علشان تقريبا الفرامل في الاسترا و الدي اس جي. عامله زي دواست الدبرياج لما بدوس عليها بتفصل الدبرياج مش زي العربيات العدية بتوقف العربية بس. بالتوفيق ان شاء الله و متخفش من الفتيس خالص. و كدا ولا كدا لو لقدر الله حصل حاجة بتروح تزعق جامد في التوكيل و بيغيروه في الضمان علشان الضمان علي الفتيس برا مصر مدي الحياة.
متشكر يا باشا على الرد.. انا فعلا الحاجات دى كلها لقيتها فيها.. أو على الأقل اللى ركزت فيه من الليست دى كلها وانا بشوفها.. بس الحاجة اللى ملقتهاش هى شيفتات الطارةاقتباس:
المشاركة الأصلية كتبت بواسطة corolladestroyer
:dاقتباس:
المشاركة الأصلية كتبت بواسطة ayman1204
ياباشا أولا أنا متشكر على الرد وعلى النصيحة.
بس مع الستروين هتبقى بهدلة.. أنا أصلا طلعت من ميزانية عربية بـ 200 ألف لـ 220 لـ 250 وده أخرى علشان أركب عربية عجبانى وفى نفس الوقت اجيب الهاي لاين بيتاعها وأريح دماغى
مشكلة فعلا.. والموضوع عاملى صداع.اقتباس:
المشاركة الأصلية كتبت بواسطة japrulez
وميش هقولك العربية غالية أو رخيصة.. انت فى الآخر بتجيب عربية كده كده غالية عليك وغالية بردو عندك و عايز تريح دماغك.
ادعيلنا
تمام تمام.. ما شاء الله الرجالة كلهم اللى معاهم جولف جديده بيطمنونى.. ربنا يسهل.اقتباس:
المشاركة الأصلية كتبت بواسطة stalky911
غالبا هدعبس شوية ورا موضوع الشيفتات.. لأنى اللى شوفتها كان فيها كل حاجة الهاي لاين وملقتوش بردو.
-