الموضوع: أسباب قلقلة العربية اثناء السير

العربية بقالها فترة وهى ماشية بحس إن الأربع اركان بتوع الكابينة بتعلى وتوطى بطريقة عشوائية متتالية والحكاية دى بتبان اوى على السرعة البطيئة اوى (5-10) كم/الساعة حتى لو الاسفلت ناعم
وكمان على السرعات العالية حتى لو فى تعريج بسيط جدا فى الاسفلت (يعنى اى ريجة ولو بسيطة فى الاسفلت بتسمع فى العربية كلها)
*لانوس 97
*160 الف كم
*جنوط 14 اسبور اصلي نازلة مع العربية
*4 فرد كاوتش جديدة ومترصصة هانكوك14 /185/60 (7000) كم

هل السبب ممكن يكون من
1- المساعدين خفيفة او لها كفاءة غير متساوية او العربية محملة على السوست من احد الاجناب
2-عمود الكوبلن اليمين اتعوج لانى استقربت ميكانيكى وقلت اغير عنده كاوتشات الميزان الى فى الأجناب
ففجأة لقيته ماسك عتلة او (لافيه) وبيحمل على عمود الكوبلن اليمين علشان يجمع الميزان والمسمار الى ماسكه فى المقص
ومن ساعتها وانا شاكك انه يكون عوج عمود الكوبلن اليمين مع انه باين بالعين المجردة انه مستقيم

اسف جدا للاطالة ولكم جزيل الشكر