الموضوع: نفسيتى تعبت من اعلانات رمضان

انا الي بيوجع قلبي فعلاً مش اعلان الاطفال الي بتموت وعاوزة تتعالج انا الي بيوجع قلبي اعلان بتاع موسى كوست واعلان بورتوا اوكتوبر بتاع الباشمهندس الي جابلو محل جمب محل الدكتور. ... واستمتع. بالبحيرة الراقصة مع باباااااااا بورتووو ... واعلان ماونتن ڤيو الراجل الي عاوز ينااااام. وبيتحول للرجل الاخضر وببقى انا نفسي كمان اتحول واصرخ باعلى صوتي واقول أح مدك يارب ... وأشكر فضلك :)

في ايه يا ولاد اللزينة .... موسى كوست ايه. وبابا بورتوا ايه .... حسبي الله ونعم الوكيل فيكوا .... طب انا اهو مواطن في حالي وكل الي نفسي فيه ليله انامها مرتاح واغمض عنيا من غير ما اصحى على صوت سمعات توك توك معفن ولا صوت شكمان موتسيكل مخروم. ولا اقوم مفزوع من النوم على عيال. بتفجر شماريخ وبومب في الهوى .

وبفكر جدياً انزل اعلان تبرعوا لانقاذ رب اسرة معرض للانهيار نفسوا يعيش في بابا بورتووو ... انشالله حتى ؤوضة وصالة في مونتن فيو .. بجد اعلانات تفقع المرارة وتلاقي الاعلان جيلك من هنا. عن بنك الطعام ومسلسل الفقر ووراه على طول في ديلو اعلان. عن بورتو اكتوبر من هنااااا والنافورة الراقصة .... ومش عاوز اعصابك تتعب. ياباشااااا كلنا اعصابنا تعبت مش بس انت .

وبعدين. انا مش فاهم ايه قصة الدعايه دي ابتدت زمان زماااان. بداعية اكفل يتيم. وبعدين تطورت وبقى اكفل ارملة وبعديها بسنة. اكفل قرية يتيمه كاملة وعطفك لوحدوا مش كفاية ... وهبا دخلنا في مستشفى السرطان وبعديها القلب وبعديها الكبد والبنكرياس والطحال والمرارة ... ومره اعلان. تبرعوا لدور العبادة ومره تبرعوا لدور الايتام ومره. تبرعوا لجمعية الاورمان ورسالة ولبنك الطعام ... ده حتى جامعت زوووويل. جامعت زويل امل مصر ابتدت بلم التبرعات

تبرعوا وتبرعوا وتبرعوا ... طب واحنا مين يتبرع لنااااا ... لكن سبحان الله على الرغم من كل شيء الى ان الزكاة فريضة وااجب علينا كلنا ... والمعنى الحقيقي لكلمة زكاة هيا الطاهرة حتى الجماعة الشوام يقولك اكلك زاااكي او ريحتك زاكيه يعني ريحتك حلوة ... فعلشان نطهر فلوسنا ونحللها وربنا يبارك لنا فيها لازم نزكيها ونطهرها علشان ربنا يباركلنا في كل قرش . بس برضوا خفوا علينا شووية لاننا بصراحه بقينا ممن نستحق الصدقة .

اوعدنا يارب