إلى أى مدى تقدر تستغنى عن عربيتك ؟
______________________
تم تغيير العنوان لتوضيح الإستفسار
الإدارة - 3
عرض للطباعة
إلى أى مدى تقدر تستغنى عن عربيتك ؟
______________________
تم تغيير العنوان لتوضيح الإستفسار
الإدارة - 3
عادى الدنيا مش هاتقف عليها
ممكن استغنى عنها خالص لو فى موصلات ادمية
لو كنت أقدر استغنى عنها ما كنتش جبتها.
للأسف البدائل المطروحة في القاهرة بالتحديد سيئة للغاية.
انا عربيتي كانت في الاصلاح و كنت مسافر اسكندرية و بالرغم من ان الشركة وفرت لي عربية لانسر و اوتوماتيك الا اني عرفت قيمة عربيتي اللي ماقدرش استغني عنها ابدا
ولا الهوا اااا
انا كنت عايش كويس جدا من غير عربيه لكن لان المواصلات اصبحت صعبه
اضطررت لشراء عربيه
لكن ارجع اقول لك ان بعدها صعب الواحد يستغنى عنها رغم انها كلها مشاكل وقرف
وعلى فكره العربيه زمان كانت من الكماليات او الرفاهيه دلوقت اصبحت من الاساسيات
ممكن استغنى عنها لكن هبقى تعبانة ، لانى خلاص اتعودت عليها ، كون انى ارجع للمواصلات تانى هيبقى صعب شوية
ده حسب ظروف كل واحد
شخصياً مش باركب العربية و انا رايح الشغل. هو صحيح بعيد حوالي 15كم. لكن في المقابل مواصلاتي كويسة (غالباً) + أريح نفسي من قرف السواقة + ماشيلش هم الركنة في موقف المستشفى المزدحم + لو رايق بامشي يومياً 2-3كم طبعاً لو العربية معايا باكسل أمشي 10 متر
إلا لظروف معينة:
1- مشاوير خاصة غير الشغل
2- مشاوير و زيارات عائلية
3- لو متأخر على الشغل. أو لو ميعاد الشغل بالليل (مش شرط برضه)
4- أحياناً أروح بيها الشغل لغرض تمشية العربية بس مش أكتر بدل الركنة في الجراج:)
طبعا مقدرش استغنا عنها ولا ساعه
كان معي سياره 132
كانت في التجديد والفروض تتشد في اسبوع
قعدت بتاع شهر بعد الاسبوع الاول جريت واشتريت واحده جديده
انتظار الموصلات صعب جدا خصوصا لو شغلك خاص بيك شغل فني وبتتنقل كتير
بصراحة مقدرش أستغنى عنها خالص بس يا عالم جايز الظروف تتغير الله أعلم
عادي جدا
بالعكس كمان
ده ساعات ممكن تبقي حمل و عبأ كمان لو رايح مكان زحمة و مافيهوش ركنة
ساعتها المترو او التاكسي بيبقي احسن بكتير
علي الاقل مافيش حرقة دم و لا تعب و مجهود
اقدر استغنى عنها بمفردى وفى مشاوير يكون فيها مترو الانفاق
لكن مع اسرتى صعب جدا جدا ويكون البديل تاكسى هايخرب بيتى لانهم جشعين جدا
تحت اى ظرف من الظروف مش ممكن استغنى عن العربيه " نهائى " , لاسباب !!
ان المواصلات = بهدله + قله كرامه + حرقة دم + التعامل مع سواقين الميروباص " وديه لوحديها كفايه " :ack2:.
و الفكره هنا مش فكره راحه او بغدده او دلع . بجد الموضوع كله ان الواحد يحفظ كرامته اولا و ثانيا و ثالثا و عاشرا .
لو نازل مكان مش حعرف اركن فيه العربيه ممكن اركنها بعيد عن المكان الى انا رايحه" حتى لو المسافه كبيره " و امشى باقى المسافه , لكن اركب تاكسى او مكروباص ده مستحيل .محطش اعصابى فى ايد سواق من دول ابداً .
بجد لو فى بديل ادامى للعربيه حستخدمه لكن هو فين ؟
زمان كان الCTA ممتاز اول ما طلع وكنت بركبه بجد كان ممتاز , كراسى نضيفه و تكيف شغال و كانو بيختاروالسواقين محترمين فى التعامل . دلوقتى اختفى و الباقى منه بقى سى تى زفت , و الى بيسقوه عربجيه .
.
صعب جدا استغني علي العربيه وخصوصا لو معايا الولاد
مقدرش استغنى عنها خالص.
حتى لو المشوار 100 متر..
وده عيبي لأني اتعودت..يعني في مشواير ممكن تتمشي بس انا بكسل.
كان معايا عربيه B M W موديل 79 قرفتني بتها وحسيت اني وفرت كتيييييييييير بقالي حوال سنتين ماشي الحال عادي بس بعد ماخدت رئي الاعضاء عن احسن عربيه جديده زيرو من حيث الارتفاع عن الارض و نعمومه الماتور والعفشه وقوه التكييف اجمعوا علي الكرولا قررت اجبها ان شاء الله بس بعدنزول الموديل2009 ان شاء الله يعني ممكن الواحد يستغني عنها خصوصا اذا كان المشوار في وسط البلد او مكان مستحيل الانتظار فيه واسف للاطاله :original:
لاا استحااااااااالة اتخيل نفسي اركب مواصلات , مش هنزل من البيت اساسا لو مفيش عربية !!!
ماينفعش ولا يوم واحد
دى بقت كانها جزء من الواحد مينفعش ينفصل عنة
ممكن جداً أستغنى عنها وخاصة لو كان الإستغناء عنها لهدف كويس زي الجواز مثلاً أو الحج، وأنا فعلاً بافكر جدياً أبيعها اليومين دول عشان هاحتاج فلوسها قريب.
انا ساعات بكسل اخد العربيه
مع انى بحب السواقه اوى بس ساعات امشى احسن لو المشوار كله رايح جاى مثلا ساعه مشى رايح جاى باخده كتمرين او اى مجهود يحرك عضلات الواحد و يرجع له نشاطه و كمان المشى متعه كبير جداااااا ليا اكتر من التمشيه بالعربيه
انما باخدها لو مسافر او فى مشوار عاءلى لو لاخر الشارع
لالالالالالالالالالالالال الالالالالالالالالالالا
عربيتي ...................لالالالالالا
موبايلي ..................لالالالالالا
نسكافية الصبح .......الف مليون لا
:pissedoff:
:pissedoff:
:pissedoff:
السلام عليكم ورحمة الله وبركاته جميعا
واضح أن جميع من ركب سيارة يصعب عليه جدا الاستغناء عنها الا في حالات اقتصادية خانقة تجعله يتنازل عنها , لكن الغريب فعلا انه لسه في ناس حوالينا وممكن يكون معاهم عربيات يقولولك العربية ديه رفاهية ومنظرة ومصاريف ولو هتعمل وتسوي وتركب مواصلات وتروح وتيجي هتوفر مصاريفها لكن نسيوا حاجة مهمة جدا وهي الخصوصية التي تعطيك اياه سيارتك , السيارة تمنحك الاطمئنان علي زوجتك واولادك وسط البشرية المصرية , تمنحك جراءة الذهاب لاي مكان وفي اي وقت صباحا مسائا فجرا , تعطيك متعة التعامل مع الاخرين بدون كلام أو حديث .................
السيارة فعلا كالزوجة الطيبة مستحيل تستغني عنها بسهولة .
ومعذرة للاطالة بس فعلا عربيتي وحشتني قوي قوي , ربنا يرجعك ليه سالمة يا عزيزتي
انا بقالي 4 سنين بروح الجامعة بالمواصلات
و لا مرة افكر اروح بالعربية
لأن الدنيا زحمة جدااا و العربية بتبقى شايل هم الركنة و ممكن ما تلاقيش خالص
انا بشوف عربيات مزنقة و الطريق واقف و الدنيا حر و دوشة و الناس اللي راكبة العربيات بحس بغلبهم و بقول في سري الحمد لله اني العربية مش معايا و الا كنت اتقرفت كدا زيهم
يعني تحس انك free بدون السيارة
لكن في مشاوير بعد الضهر و الخروجات و الزيارات اساسي لازم اروح بالعربية و لا أستطيع الاستغناء عنها نهائيا
+1
بالظبط فعلا
اخر مره ركب تاكسى كان قبل العيد الكبير الى فات بيوم تقريبا او يومين و ال 131 كانت عن الميكانيكى " فى عابدين " بغير الكاتينه و اضطريت انى ارجع التوفيقيه علاشان اغير بعض القطع , بجد قمه المهزله و الجشع سواق التاكسى لحد منزلت فى الشارع و عديت على الرصيف ؟؟ " يابيييييييييييييييييييييه ماينفعش حرام عليك و الله حرام يا باشا يا كابتن " انا مش فاكر اديتله كام بس كنت محاسبه اكتر من المفروض و قولت علاشان العيد و علاشان كمان مايفتحش بقه واخلص و هو بيستهبل و يقولى ان الطريق زحمه !!!!!! طيب و انا مالى ده غير انى محاسبك اكتر من حقك .:pissedoff:
ديه كانت اخر مره ركبت تاكسى "" مضطر "" .
:D
كلام حضرتك مظبوط مليار %
انا مبستخدمش العربية كتير ولكن مع الاسرة و الاولاد شيء ضروري جدا.
يمكن الإستغناء عنها جزئيا و ليس كليا
يعني أنا عندي مشاوير كتيرة في وسط البلد
لو أنطبقت السما على الأرض لا أستعمل السيارة
و أذهب مواصلات أفضل
زحمة و خنقة مع ناس تجيب الضغط ..... و مفيش مكان تركن فيه ..... و لو لقيت غالي جدا ........ و لو ركنت في الشارع تتأخد مخالفة
أما لو مشاوير طوالي ........ بأخد السيارة طبعا
و لا يمكن الإستغناء عنها في بلد زي القاهرة و التي لا يوجد بها وسيلة مواصلات آدمية واحدة
نظرا للزحام الشديد ............... و عدم آدمية الناس
و دي في حالة خروجك مع أسرتك
أما لو طرزان ........ لوحدك يعني
معنديش أي مانع أركب مواصلات
و أبقى قاعد مع الشئ اللي سايق الميكروباص و بتفرج عليه و هو عمال يغلس على ده و يكسر على ده و بقول جوه نفسي
الحمد لله اني مش منهم و سايب العربية
و بتوع التاكسي ........... بقى مش عارف اقول ايه
موتوريزر و مهاب ............ قالوا اللي نفسي أقوله عنهم
و في النهاية ربنا يأخد سواقين الميكروبظات أيون ميكروباظات
و سواقين النقل و سواقين التاكسي و العيال بتوع الغرز ( الله نتقم منهم ) و بعديهم سواقين الملاكي المتخلفين عقليا ( اغلبية طبعا )
و بعدين كلنا هانرتاح ........... مش هانلاقي سواقين في الشارع
لان الكل هايتنسف
أنا رغيت كتير و خرجت عن الموضوع :k41:
انا عن نفسى عربيتى هى مكانى الخاص مستغناش عنها ابدا لو مره عطلت و سبتها للميكانيكى تتصلح ببقى متضايق جدا
ساعات و الله لو قرصت عليها شويه بصالحها بحاجه جديدة كدة لاحسن تقل معايا و لا حاجه
و يا سلام بقى لو واحد قال لى هات اسوقها اكنه شتمنى مثلا - محدش يقعد ورا الدركسيون غييييييييييرى