لمبات Philips Rally كما لم تراها من قبل

الحمد لله ربنا أكرمني واشتريت لمبات فيليبس رالي اتش 4

وطبعا احنا شايفين قطع الكهربا والهم اللي احنا فيه... بس ما علينا

كان عندي قلم بيطلع اشعه بنفسجية UV كنا بنستعمله لكشف تزوير العمله

فالكهربا قاطعه وبنتي قاعده تلعب بيه عالحيطه

لقيت اما النور جه على العلبه بتاع اللمبات العلامات اتغيرت وظهرت علامات الاصالة تحت الـ UV

http://i904.photobucket.com/albums/a...ps85c33e96.jpg


انا عارف ان اللمبات الأصليه بيبقى عليها UV Filter عشان ما تعملش ابهار... وده بالاضافة لكون الزجاج معمول من الكوارتز الصافي... فقلت اعرض اللمبة للضوء وفوجئت بوجود الطبقة دي فعلا... وللي مش فاهم... هي اللمبة في الضوء العادي شفافه تماما وما تلاحظش فيها اي حاجة... انما تحت الضوء البنفسجي بتبقى معتمه عشان ما تعديش الاشعه فوق البنفسجية وبالتالي بتظهر بالشكل ده (اللمبات المضروبة مفيهاش الطبقة دي... نيرفا فيها الطبقة دي... تنجسرام مفيهاش!!! )


http://i904.photobucket.com/albums/a...ps57d9feab.jpg

دي صورة للمبة

http://i904.photobucket.com/albums/a...ps8c94da6b.jpg

دي صورة للعلبة... وموجود فيها هولوجرام مستدير جنب كلمة Rally Vision... وبيعمل الوان طيف عند إمالته

http://i904.photobucket.com/albums/a...ps424de61a.jpg


ودي صورة للعلب وظاهر في العلبة اللي عاليمين تحت الهولوجرام المربع اللي لونه بيتغير تحت الضوء البنفسجي زي أول صورة

http://i904.photobucket.com/albums/a...psb30a6cc7.jpg

بخصوص السعر... خدت الواحده ب 60 جنيه

بخصوص الاضاءة

انا كان الفانوس اليمين تانجيسرام والشمال نيرفا

التنجيسرام لا يجوز مقارنتها بالرالي بأي شكل... لأنها لمبات مش كويسة وحمل الكهربا بتاعها عالي جدا (140| 100 وات) وقبل ما حد يعلق... أنا متأكد ان اللي عندي أصليه مش مضروبة... الميزة الوحيدة اللي انا شايفها فيها ان عمرها طويل جدا

النيرفا... في الواطي زي الرالي... وان كنت شايف الرالي توزيع الضوء فيها متجانس أكتر... وبالنسبة للعالي... فالرالي تتفوق بامتيااااااااااااااااااز من حيث درجة اللون ومسافة الاضاءة وقوتها

شكرا علي نقل التجربه .. تحياتي

حضرتك جبتها منين لانى بدور عليها بقالى مده ومش لاقيها

شكر للتقرير ........... وممكن نعرف مكان الشراء .

هو لازم يركب معاها كتاوت ؟

++++++++++++++++

يا ريت مكان الشراء فعلا

انا كنت شاريهم من عند مصطفى مدينة فى شارع دمشق من فترة كيبيرة كانت الواحدة ب50 جنية
بس كان شارط عليا ان اللمبة لو طلعت برة المحل ولا بترجع ولا بتتغير ولا حتى كمان اجربها

ورجعت بعديها تانى علشان اخد منهم قالى معدووش بينزلوا

اقتباس:

---

المشاركة الأصلية كتبت بواسطة Karim_Mohy

هو لازم يركب معاها كتاوت ؟

---

أساسي لازم الكت اوت... ومفيهوش حاجةاو تعديلات كتير لو اللي بيركب لك شغل دماغه... الوات بتاعها 100|90 وده اعلى بكتير من الوات بتاع الاصلي

بخصوص مكان الشراء فأنا جبتها من موزع معتمد ل GB Auto (غبور) اسمه فتيحة اخوان... جنب السراج مول على طول وبمحض الصدفة باسال قال لي موجودة وعنده اوزرام كلها كمان وعنده حاجات مساعدين مونرو

لو سمحت ممكن اعرف الكتااوت جبتها منين و بكام و اسف على الاطاله

انا عايز لمبه قويه وبدون كتاوت
وتكون نضيفه
مفيش فليبس تشتغل بدون كتاوت

طول عمرك باشا

اقتباس:

---

المشاركة الأصلية كتبت بواسطة hugan

انا عايز لمبه قويه وبدون كتاوت
وتكون نضيفه
مفيش فليبس تشتغل بدون كتاوت

---

من غير كت اوت يبقى تجيب لمبات اكستريم فيجن ودي 65|55 وات

لو اللمبات اللى عندى 200/260 وفى كتاوت ومفيش شكوى......فى حاله تركيب اللمبات اللى فى الموضوع 90/100 هتفرق ولا ﻻ؟

اقتباس:

---

المشاركة الأصلية كتبت بواسطة exact

من غير كت اوت يبقى تجيب لمبات اكستريم فيجن ودي 65|55 وات

---

الف شكر للرد
ودي هاتكون اقوي من اللي نازلين في العربيه
واشتريهم منين
اكستريم فبجن دي نوعيه ولا ماركه
والاسعار
لو امكن

اقتباس:

---

المشاركة الأصلية كتبت بواسطة exact

أساسي لازم الكت اوت... ومفيهوش حاجةاو تعديلات كتير لو اللي بيركب لك شغل دماغه... الوات بتاعها 100|90 وده اعلى بكتير من الوات بتاع الاصلي

بخصوص مكان الشراء فأنا جبتها من موزع معتمد ل gb auto (غبور) اسمه فتيحة اخوان... جنب السراج مول على طول وبمحض الصدفة باسال قال لي موجودة وعنده اوزرام كلها كمان وعنده حاجات مساعدين مونرو

---

انا معرفش عربيتى اسم اللمبات اللى فيها ايه هل لو روحت هيقولى او هيعرف ؟؟؟
ولا لازم اخد القديمة ؟؟

وحضرتك بتقول انها ب 60 الواحد صح؟؟

انا عندى الفانوس فيها لمبة للعالى واخرى للواطى بيجو 406

وهل فتيحة اخوان ده فى المول نفسه ولا جنبه ؟؟

وياريت لو رقم تليفون ليه

اقتباس:

---

المشاركة الأصلية كتبت بواسطة hugan

الف شكر للرد
ودي هاتكون اقوي من اللي نازلين في العربيه
واشتريهم منين
اكستريم فبجن دي نوعيه ولا ماركه
والاسعار
لو امكن

---

الفرق بين موديلات لمبات فيليبس | crazycarblog ممكن تراجع اللينك ده وكل انواع اللمبات دى موجوده في شارع دمشق .........................تحياتى ... رمضان كريم .

اقتباس:

---

المشاركة الأصلية كتبت بواسطة akmm

الفرق بين موديلات لمبات فيليبس | crazycarblog ممكن تراجع اللينك ده وكل انواع اللمبات دى موجوده في شارع دمشق .........................تحياتى ... رمضان كريم .

---

الف شكر لك

بعد قرائتى للمقال المكتوب ان افضل نور بعض الفيلبس رالى هو
لمبات فيليبس اكستريم فيجن – Philips X-treme Vision


صح ولا انا غلط

هو فيه حاجة مضايقاني... انا مش عارف فوانيسي اللي رامية شمال وللا اللمبات

الف شكر دكتور مصطفى
بس عندى استفسار بسيط انا ان شاء الله هركب فوجات هل ممكن اركبها فى الفوجات ولا لآ ؟؟
وافضل هى ولا الزينون فى الفوجات ؟؟