عرض للطباعة
سلام يا جماعة
كنا محتاجين نعرف بالنسبة للبطاريات والكاوتش بيتغيروا كل قد إيه ؟
ويا سلام بقى لو حد يقدر يعرفنا الطريقة المثالية لتغيير الكاوتش (النايم) بصورة صحيحة وآمنة بدون جروح ةلا إصابات إن شاء الله .
بس ياريت يا إخوانى تكون الطريقة بشرح مفصل حبتين
والشكر للجميع
____________________________
تم تغييـــر أسم الموضوع لتوضيــح المطلوب
الإدارة - 3
انا هارد بس من خلال مشاركات قديمة . بصراحة الاخوة أفاضوا واستفاضوا في مواضيع مشابهة
http://www.nilemotors.net/Nile/showt...DF%C7%E6%CA%D4
و
http://www.nilemotors.net/Nile/showt...D8%C7%D1%ED%C9
أفضل حل للكاوتش النايم أنك
تصحيييه:d
البطارية سيبها لما تبوظ خالص و تقطع الكهرباء تماما,
عمرها الافتراضى فى حدود السنتين للبطارية السائلة, و 4 سنين للجافة.
الكاوتش عمره الافتراضى يتراوح ما بين 50-60 الف كيلو, ده للحاجات المحترمة زى البيريللى و الكونتينتال, و عموما يجب تغييره فورا لو جاب سلك لأنه لو جاب سلك يبقى انتهى عمره تماما و أصبح غير صالح للاستخدام.
بالنسبه لتغيير الكاوتش النايم بطريقه صحيحه الاول خليك هادى وماتتعصبش حتى لا تتصبب عرقا او تبهدل الهدوم لان ده بيحصل كتير اوى وبعد كده شد فرامل اليد وعشق العربيه ويستحسن لو تحط حجر امام الكاوتش وبعد كده تهوى فقط مسامير الكاوتش النايم وبعدين ترفع بالكوريك واتأكد من ان الكوريك ثابت بانك تهز العربيه قبل ماتفك الكاوتش بعد كده فك الكاوتش وركب الاستبن واربط وامشى .... نسيت اقولك طلع اتلاستبن من الشنطه الاول قبل ماترفع العربيه ولو معاك المثلث حطه قبل العربيه بمسافه وشكرا
اقتباس:
المشاركة الأصلية كتبت بواسطة فادى
طيب سؤال معلش يا استاذ فادي بما اني جديدة في موضوع العربيات
هو ايه الفرق بين البطارية السائله و الجافة :D
يعني دي بتاعة ايه و دي بتاعة ايه؟
و يعني ايه جاب سلك؟:D
معلش اسئله غبية و متتسالش هنا في المنتدي خالص:no4:
بس منكم نستفيد:005:
البطاريه السائله هى الى ليها غطيان و بتتزود ميه مقطره كل ما تنقص
البطاريه الى الناس بتقول عليها جافه و هى مش جافه ولا حاجه لان فيها ميه نار(حمض كبريتيك) الى اسمها maintenance free يعنى لا بتبخر جوه حوض الموتور و لا ممكن تزوديها ميه
فى بطاريه جافه بس دى مش فى مصر و مفيهاش اى احماض او سوائل علشان كده اسمها جافه, و على حسب تكنولوجيا البطاريه فى توليد كهرباء من تفاعل كيماويات مع بعضها زى lithium technology و النوع ده من البطاريات بيكون فى السيارات الهجين