الموضوع: شيفروليه اوبترا 2007 نصيحتكم عشان هيتخرب بيتى

المشاركة الأصلية كتبت بواسطة Mahmoud_optra

السلام عليكم
وعليكم السلام ورحمة الله وبركاته
انا عايز نصيحتكم انا لسه جديد
انا اشتريت سيارة اوبترا 2007 من حوالى 4 شهور بس تقريبا اتضحك على فيها هى فابريكة برة وجوة والماكينة زى الفل بس كل يوم اغير حاجة
معروف اى عربيه مستعمله هتعملها سيرفس كامل و هتغير حاجات كتير حتى لو هى سليمه زياده فالأمان
حاليا فيها 2 مساعد امامى عايزين تغيير - طلمبة باور - عايزة كاست لان الراجل شال الكاسيت بتاعها وحاطط كاست معفن - المرايه الشمال عايزة تتغير
دى حاجات بسيطه ان شاء الله
فى واحد صاحبى بيقولى تعالى نروح بورسعيد هو معاه افيو وبيروح يجيب حاجات استيراد ليها بيقولى هجبلك كل الحاجات دى استيراد ورخيصه
انا خايف من الاستيراد بصراحة وكنت عايز نصيحتكم
اشترى الحاجات دى استيراد او جديده على حسب الفلوس اللى معاك لو تقدر تشترى جديد اشترى بس تبقى ضامن ان الجديد يكون اصلى مش مضروب
وفى رأى تانى ابيع السيارة واخلص منها واجيب جديد بس خايف اخسر فيها وبعدين انا مش معايا يكمل دلوقتى جديد
بلاش تبيع العربيه
ان شاء الله تعمل الحاجات اللى ناقصه دى و تخلى العربيه معاك لحد ما ربنا يكرمك و تشترى عربيه زيرو
افيدونى وجزاكم الله خير

المشاركة الأصلية كتبت بواسطة mahmoud_optra

السلام عليكم

انا عايز نصيحتكم انا لسه جديد

انا اشتريت سيارة اوبترا 2007 من حوالى 4 شهور بس تقريبا اتضحك على فيها هى فابريكة برة وجوة والماكينة زى الفل بس كل يوم اغير حاجة
اولا لقيت الراديتير مخروم وغيرته
ثانيا روحت اعمل سيرفس صرفت 2000 جنية لان غيرت زيت فتيس وفلتر فتيس كانوا سيئين جدا وغيرت سيور ولقيت شداد الدينامو مكسور غيرته وللاسف كان الراجل مركب بتاع نوبيرا وانا جبت بتاعها الاصلى ولقيت طلمبة الباور معووجه وبتوقع السير غيرتلها طمبورة بس الراجل قالى الطلمبة كلها عايزة تتغير والطارة تقيلة جدا دلوقتى بس انا كنت خلصت الفلوس

حاليا فيها 2 مساعد امامى عايزين تغيير - طلمبة باور - عايزة كاست لان الراجل شال الكاسيت بتاعها وحاطط كاست معفن - المرايه الشمال عايزة تتغير

فى واحد صاحبى بيقولى تعالى نروح بورسعيد هو معاه افيو وبيروح يجيب حاجات استيراد ليها بيقولى هجبلك كل الحاجات دى استيراد ورخيصه

انا خايف من الاستيراد بصراحة وكنت عايز نصيحتكم

وفى رأى تانى ابيع السيارة واخلص منها واجيب جديد بس خايف اخسر فيها وبعدين انا مش معايا يكمل دلوقتى جديد

افيدونى وجزاكم الله خير

خليك معاها للاخر لان مين ضمنك الى هتشتريها ميطلعش فيها بلاوى